ملقوفه!!!

كفى بالله وكيلا · #1 21-09-2010, 12:48 AM

السلام عليكم
صباح /مساء الخيرات
انا طالبه من كليه العلوم وقسمي رياضيات
وابغى اخذ ماده حره وابغى استشيركم بس مادري انتوا تاخذوا هذي المواد ولا من قسم ثاني ابغى اسالكم عن ماده تحليل احصائي وتحليل كمي
واي وحده اسهل لاني ابغاها حره
واللي تعرف عن اساتذه يدرسوها ويكونوا ممتازين ياريت تعطيني من خبرتها ربي يوفقها ...

عبق الزهور · 21-09-2010, 01:48 AM

تحليل كمي مع حاجه الامام وتحليل احصائي مع سناء هلال لاكن يااختي ترا المادتين ذي صعبه كثير ليه متاخذين اقتصاد جزئي سهله الماده اللله يوفقك يارب

soso139 · 21-09-2010, 02:02 AM

أنا رأيي نفس رأي عبق الزهور مادة اقتصاد جزئي سههههلة و المنهج قليييييييييييل
و بما إنك تسألي عن المادتين أنا أقول تحليل كمي سهل بالنسبة لكي رياضيات ثلاث أرباع المنهج
يتكلم عن بس المعادلات و المصفوفات و المحددات و في جزء برمجة خطية أنا أشوف ان المادة ممتعة
و خذيها مع حاجة الإمام تماااام

lollao0oworld · 21-09-2010, 06:00 AM

دام تخصصك رياضيات خدي تحليل كمي 204 و ما راح تندمي ان شاء الله
المادة مررررره بسيطه مع د.عفاف عايد شرحها سريع بس تعجبني طريقتها

كفى بالله وكيلا · 21-09-2010, 11:47 AM

يسلمو ع المساعده ربي يسعدكم
وبنسبه للاقتصاد الجزئي حاولت انزله بس تعارض مع ماده مهمه لازم اخذها
مرااا طمنتوني ع التحليل الكمي ربي يوفقكم
طيب ممكن سوال كيف الاسئله تجي من برا ولا من نفس الكتاب بالنسبه للاستاذه حاجه الامام وعفاف وايهم اسهل؟؟<<اسالتي كثيره تحملوني

soso139 · 21-09-2010, 09:11 PM

شوفي فالدوريات الدكتورة حاجة مرررررة مسهلة الأسئلة
و لو طلبتوا ان الجزئية حقت الامتحان تتجزأ توافق
هي بتساعد البنات على أكمل وجه
و كل ساعاتها المكتبية تكون موجودة فيها ماشاء الله عليها
الله يسعد هذي الدكتورة
أهم شيء إنتي أضمني نفسك فالدوريات و الواجبات معاها تمام التمام
عشان النهائي غالبا يجي صعب شويتين

TeeNa.... · 22-09-2010, 12:26 AM

د حاجه مرره ممتازه في التحليل الكمي
وبما انو تخصصك رياضيات حتكون الماده سهله عليكي
بالتوفيق

lollao0oworld · 22-09-2010, 01:53 AM

بالنسبة ل د.عفاف كل اللي كانت تجيبوا من ضمن المحاضرات هيا كانت تعطينا تمارين إضافيه مو موجوده في الكتاب و يجي منها في الإختبار
بس كمان أ.الحاجة مرررره أخلاق و راقيه في التعامل بس ما اخدت معاها تحليل كمي

Jeddah Glamor · 22-09-2010, 07:23 AM

تحليل كمي ..

أظن بتنهاري نفسيا

أنا تعادلت لي لما حولت والحمدلله ..

منهجها عن الأسس والجذور ..

والواجب طلعي الرقم من تحت الجذر الخامس ..!!

والتفاضل والتكامل يمرون عليه مرور الكرام ..

قوانين فقط ..

مافي خلفيه عن معناه .. واشتقاق كل دوال العالم :)

كفى بالله وكيلا · 22-09-2010, 02:49 PM

ربي يسعدكم وحقق مرادكم وفيتوا وكفيتوا

ملقوفه!!!

قسم الإقتصاد