help me...........

[rosalinda]

والله يا قمر . أنا بنت اقتصاد أعمال. وكله أخدته الا اقتصاد رياضي

ممممم. شوفي . اقتصاد دولي - قراءات الاقتصاد بالانجليزي- اقتصاديات عمل - اقتصاديات صناعه كمادة اختيارية- الاقتصاد الرياضي - تنميه وتخطيط اقتصادي

الرجاء منكم من يرد علي يكون ذو خبرة في المواد

1- اقتصاد دولي-------لا تاخديها الا مع د. ايمان حسن علي----ممتازه جدا جدا و تشرح مررره حلو و تضمني معاها درجات حلللللوه . بس انتبهي من غدرها.

2- قراءات الإقتصاد بالإنجليزي---- أنا أخذتها مع د.عفاف عايد/ سهلتلنا الماده كتير شرحها مو خطير و مو حلو بس ينبلع ، برضه جزاها الله خير. في واحد باكستاني مدري ايش اسمه بس مرررررره يمدحوا فييييه . و على قول أختنا تشوشو في واحد اسمه د. محمد البنا (هي كلمتك عنه)

3- اقتصاديات عمل ----- مادة حلوه بس ماهي سهلة بس تستفيدي منها --- أنا أخذتها مع د.كوثر شغراب-- كتبتنا مرررره كتير الين ما يدك تقول أأأأأأي. و الأسئلة حلوه بس يبغالها فهههههههم يعني زي مثلا حرف س تشوفيه ش و هي تقلك س هي ش و تديكي اثبات عليه . انتي بمفهومك تشبتيلها انه غلط . مطلوب مننا بحث و ناقشناه . هادا مع د. كوثر و هادا من تجربتي الشخصية.

4- اقتصاد صناعي ---- اقتصاديات صناعه ماخذتها اختياري يعني مايحتاج تحذفي رياضي عشانها زي ماقالو البنات
ما انصحك تاخذيها تديها ففيان تديك دوريات سهله وتنكبك في النهائي كل صحباتي الي اخذو معاها ندمو المنهج تديك قصير بس الاختبارات مره لا شوفيلك ماده غيرها
احذفيها من قاموسك. بالحرف الواحد أنا معاها في كل كلمة و اوافقها

5- تنمية و تخطيط اقتصادي--- أنا أخذتها مع د. عبلة بخاري --- مررررره كانت حلوه و سهلة أنا ما جربتها مع د. كوثر شغراب. بس بيقولوا البنات الماده معاها طوييييييله و الأسئلة من اللي يحبه قلبببببك. والله أعلم . زي ما سمعت من البنات. بس كوثر انا عن نفسي . اشوفها بروفيسوره في الإقتصاد. و تصحيحها دقيق جداااا

6- الإقتصاد الريااااضي ---- بوسه كبيره - حضن كبير - لا تخلي مواد صعبة معاها . الا المواااد القشطة (فله - شمعه - منوره)--- أنا لسا ما أخدتها بس بيقولوا صعبة ---حتى الدكاتره نفسهم قالوا عنها مادة مررره صعبه و معفنة، الدكاتره نفسهم والله

و بعدين انتي المواد مررره دسمه . ليش ضاغطه على نفسك كده!!!!. الدنيا ما حتطير .


أنا ماني شاطره في تزبيط الجدول بس حقلك اللي أقدر أقلك هو .

1- اقتصاد صناعي ---- ولا تفكري تاخديها ، في مواد أسهل و أحلى , ايش محملك طالما انها اختياريه
2- لا تخلي تنمية و تخطيط و اقتصاديات عمل في ترم واحد . قممممممممممة التناقض
3- اقتصاد رياضي --- خليها مميزه كده لوحدها ---شوفوني أنا الصعبة
4- قراءات --مضمونها مبادئ اقتصاد 101 و 102 بس بالإنجليزي يعني اقتصاد جزئي و كلي اذا اخدتيها مع د. عفاف عايد

والله يخترلك اللي فيه الخير