مهم بالنسبة لاستاذات السنترا واستاذات الجدول ومين يحط الاسئله..

[Luotty hyuna♥..}]

مو قادره اضيف العربي والثقافه والعلوم الاداريه بالدوره التاهليله والحل >.<

[نجوله>>]

بالنسبه لي تبلدت معادت تفرق ليش ماعندنا شغل كل يوم نقعد نضبط جداول ونلاقيهم غيرو الشعب ونرجع نضبط ويغيرو لمتى طيب احنا بزران والا قاعدين نلعب والا ايش بضبط والله مو فاهمه اش اللي قاعد يصير
عني ماعاد فتحت الاودس من فتره ومدري هل لعبو بجدولي والا زي ماهو وبكل الاحوال بتقبله زي مايحطوه لاني بختصار ملييييييييييييييييييييت تجي زي ماتجي هذا امر الله عاد

[طالب الحوار]

انا استغرب المسئولين ما يقرون المنتديات ويشوفو المشاكل ويحلونه او حتى يعطون جواب
لاحول ولاقوة إلا بالله

[*soozee*]

والله اني صايره نفسيه من الجدول دا شي يجنن صراحه انا كمان صار عندي لخبطه باسما الاستاذات وحاولت اطابق الجدولين بس لما حذفت المحاسبه الحكوميه مارضت تنضاف تاني ليه اسبوع احاول اضيفها مافي فايده ومادري ايش الحل ولا وكملت اليوم ضايفين لي ثلاثه مواد في الجدول من عندهم الصبر من عندك ياااارب

[جمآآآنه]

والله ياجمآعه اللي صارلي هو اللي حبيت افيد فيه..
واصلا انا كنت واثقه انو حتقولي الاسئله بتكون من نفس استاذة المادة المسجله كعها في جدولك الدراسي لانو فعلا فيه الشعبه..

بس الكلام اللي قلتو نقلته لكم بالحرف الواحد..
وبصراحة ماحبيت اغامر لان موعد السنترا راح يقفل فقلت الله يعين لازم اضبط الوضع

[ميماالميما]

ننتظر وبالسنترا بيعلمونا الأستاذات نعتمد على مين بالإختبارات.

[هب النسيم]

ايش ذا انا جدولي ضبطو مع الاستاذات اللي ابغاهم وفي الدورة مالقيت ولا اسم من اللي حاطتهم في جدولي الدراسي حرام عليهم يسوو لنا كذا انا ما اعرف الاستاذات اللي في السنترا يشرحو ما يشرحو الله يستر ويعيينا