بخصوص الهندسه الموازي

[3azoz]

سلام عليكم ورحمة الله وبركاته

اللهم صلي وسلم على محمد

اغلب الاعضاء مو عارف شي عن الهندسه الموازي بحكم انهم اول دفعه

عشان كدا اليوم الصباح رحت الجامعه بقولكم قصتي:

بصراحه اتقروشت قروشه مو طبيعيه اليوم

اول حاجه رحت عماده القبول والتسجيل وكل م اخش لموظف يرسلني للتاني

اخر حاجه رحت لقسم للسنه التحضيريه انتظام دخلت وسألت الموظف عن الهندسه الموازي

وقالي الدوام بيكون مساءا يبدأ من 4 والتحويل يكون بعد ترم او سنه انا

قلتلو يابن الحلال انا من مكه يعني صعبه وقروشه اجي اداوم مساء

قالي والله الموازي كدا. قلتلو مافي امل اداوم صباح قال للاسف لا

وكمان سألتو قلتلو ابغى احول لشمال جده قال سوي اعاده ترتيب رغبات قلت انا اصلا رغباتي كانت جنوب بعدين شمال بعدين موازي

طبعا قلي خلاص راحت عليك "قلتلو طيب اراجع كليه الهندسه قالي ماراح يفيدوك قلت طيب شكرا

وانزل اشغل سيارتي وانط لكليه الهندسه وطلعت لعميد الكليه لقيت الباب مفتوح ولا فيه سيكرتير

سلمت عليه وقلتلو بس حاب اسألك عن الهندسه الموازي قالي ماعندي علم

قلتلو طيب فين اروح قالي انزل تحت مبنى 22 الشؤون التعليميه

طبعا نزلت تحت ودخلت سألت الموظف

قالي الدوام بيكون مساء والتحويل م عندي علم
بعدين قالي دقيقه اكلملك الدكتور يوسف او حاجه زي كدا

المهم الدكتور دا عمرو طويل اول ماقال اكلملك الدكتور فجاه الاقيه في وجهي

سألتو وقلتلو الموضوع كدا وكدا قال الدوام حيكون مساء من بعد الظهر لمن المغرب وتدرس طول السنين من غير مكافاه

قلتلو انا ماابغى مكافاه بس ابغى دوامي صباح قالي معليش والله دا النظام بحكم انكم اول دفعه

سألتو عن التحويل لشمال جده قال راجع العماده لانو هيا اللي جابتك هنا

قلتلو ي دكتور تكفى قالي في الشهاده ماراح ينكتبلك موازي قلتلو انا عارف بس ابغى دوامي صباح

قال النظام كدا.. الا اذا جا قرار رسمي يعطو فرصه للطالب انو اذا جاب معدل كويس يحول.

انا بصراحه ي اخوان متحطم وضايق خلقي من اول م رجعت يعني الدوام مساء احسها صعبه

خلي مكافاتهم عندهم بس ابغى دوامي صباح

وحبيت افيد بعض الاخوان اللي يسألو واتمنى منكم تسامحوني لاني م اعرف اكتب موضوع

وشكككرا:d

[Nawaf.S]

ايه والله حاجه تقهر ياخي :( ما نبي المكافئة اصلا لا تسمن ولا تغني :(

نبي بس دوام الصبااااااااح :(

بس تصدق اظن انهم قاعدين يصرفون من كيسهم لان عميد الكلية ما يدري

احنا بنصبر مالنا غير الصبر :(

[مسكوت]

ذحين الدوام يبدا 4 ولا 1 الظهر فيه واحد من الشباب راح وسئل وقلوله الدوام الساعه 1
اذا وحده والله نعمه
في الاودس بعض المواد مافيهااااااا محاظرات في الاوقات هذي والله لخبطه

[mr.obadah]

ياشباب صدقوني. إن شاء الله في التخصص بنرجع كلنا انتظام الدليل نقص اعضاء التدريس في القسم يعني مين الدكتور الا يبغا يدرس في المغرب في التخصص بس انتو استحملو دي السنه. وربنا حايسعدنا ولاتنسو انتو مهندسين في الاخير وانتو اتمسكو. في الانتظام لو اخر سنه في التخصص وربنا يوفقنا

[mr.obadah]

عندي سؤال شاغل بالي هرجه الحذف والاضافه لنا فيها وتغير الدكتور ولا كيف ؟

[3azoz]

بصراحه انا مني عارف اصدق مين ولا مين كل واحد لو هرجه

وبالنسبه للدوام العماده قالت من 4 والعميد قال من بعد الظهر

اللي قاهرني انا شخصيا اعرف واحد طب موازي يداوم صباح وحول انتظام وسار زي الباقيين ياخد مكافأه وكللو..

لكن الله يعينا

[مشعل الحربي123]

انتو لا تشيلوا هم وكل الامور حتدبر ان شاء الله

وي ليت نسوي قروب لنا احنا الموازي ونروح للجامعة نسئل يمكن يحسوا شوية ويدونا علم اكيد !!

[sultan ksa]

يارجل كل طلاب الموازي مايتجاوزا 50 طالب وش بيقصر من عمرهم لو خلوهم يدرسوا صباحي , مسائي ابدا ما اقدر صراحة !!

[sultan ksa]

ههههههههههههههههه ياخي ليتني كنت مكانك كنت بساله سوال 1 بس .. كيف لو تخصصنا مانحول دوام صباحي ههههههههاي

يعني مثلا كل حقين الموازي بيختاروا نفس التخصص الهندسي ..

طيب افرض أنا اخترت هندسة اتصالات وغيري مدني وغيري كيميائي .. بيخلوا كل واحد يدرس الليل ويجيه دكتور لحاله ,, جامعتنا مخيسة من الأخر إذا عميد كلية يقولك ما اعرف إنزل للشؤون هذه كارثة !!

[وحيد هندسة]

يا جماعة الخير أحس أني تورطت بهذا التخصص!!

بالله اللي يقدر يفيدنا بالخبر اليقين متى مواعيد الدوام ونقدر نحول انتظام ولا لا الله يجزاه بالخير