Cs 463 د/ اشرف مدكور

[الوافي دوت كوم]

السلام عليكم ورحمة الله وبركاته

اخباركم ؟؟ ان شاء الله بخير

حبيت اني استفسر عن هذي الماده ( سهله , صعبه ..الخ )

وحبيت اني اعرف كيف الدكتور اشرف ..!!

وتنصحوني اني انزلها عند الدكتور اشرف ولا لا ..


ارجو الافاده

ولكم مني جزيل الشكر

[thejakl55]

امممممممممم
والله يا صاحبي الماده دي انا قالولي عادلها من غيييير ما تفكر
وهذا اللي انا ناوي اسويه بامر الله
لانه قالولي عليها صعبه والمشروع حقها متعب

لكن للامانه افتكر في واحد من اعضاء المنتدى قبل كم شهر كان كاتب موضوع انو الماده سهله ومدري ايش
والله العالم اتمنى اني اكون افدتك

[BluexBlue]

من سمع كلام جميع الطلاب مات هماً ههههه

انا نزلتها الآن في الصيف .. والمادة تعتمد بشكل كبير على CS332 Computation Theory

[شخص]

وانا برضه مازلت محتار أنزل المادة هذي ولا لا لأني قد انلسعت في مادة اختيارية قبلها وخايف اكلها مرة ثانية

[dr.yaser]

المشاركة الأصلية كتبت بواسطة BluexBlue من سمع كلام جميع الطلاب مات هماً ههههه انا نزلتها الآن في الصيف .. والمادة تعتمد بشكل كبير على CS332 Computation Theory

هههههههههههههه

معاك حق .. العجيب إنك تسمع الكلام ونقيضه تماما ..

زي هادي المادة .. سمعت إنها مرة صعبة وما منها فايدة .. وسمعت إنها مفيدة وشيقة والدكتور متعاون مرة ..

أنا برضه نزلتها في الصيف .. قلت خلينا نجرب بنفسنا ونشوف كيف

[صاحب]

وانا منزلها والله يكتب الى فيه الخير..

[الكاتب]

وأخوي كمان منزلها

[BluexBlue]

المادة اللي يفهمها حيكون قادر على التعامل مع النص بطريقة برمجية بكفاءة ..

لأنها تتكلم عن الـ Compiler اللي يقرأ النص البرمجي ويفهمه ويترجمه ..

نشوفكم في المادة ان شا الله :)

[منادي]

{{{{{ نزلها والعهدة على الناصح

[هشهوش]

نزلها واذا ما حتستفيد يا شيخ ما ابقى ابو الهش ههههههههههه
حتستفيد برمجه + تعرف ايش قاعد يسير في الباك قرااوند وبعدين اغلب برامج الماستر فيها كومبالير يعني رووح على الاقل وعندك فكره حلووه
اشرف مدكور >> اتحداك تلقى احد يدرس زيو بأمانه في القسم باستثنى الخريبي
وتحياتي لكم