تجمـع طالبات الاستاذة سحر امين بحث وتدريب ,,,bd + bc ,,,

[M_UoDi]

شكرا سمر أنوثه على ردك
لكن اللي فهمتو من الورق اللي هي أعطتنا اياه انو مصادر الحصول على المعلومات هي اوليه استبيان يعني أو ثانويه من النت بس كيف الطريقه

وجزاك الله خير

[ريااانه]

سألتها عن الاستبيان قالت لي هذا شي راجع لك اذا شفت البحث يحتاج سوي واذا ما يحتاج مولازم
متى اخر موعد للمناقشه مررره خايفه لسا ما خلصته :(
واللي ناقشت الأستاذه وسلمت التقرير ياليت تقولنا عن طريقة الأستاذه وتركز على ايش في التقرير وكم وقت المناقشه تقريبا تطول ولا لا ؟؟؟
الله يسعدها وينجحها اللي تفيدني وتاخذ فل مارك في البحث :)

[سمـ الأنوثـة ــو]

المشاركة الأصلية كتبت بواسطة ريااانه سألتها عن الاستبيان قالت لي هذا شي راجع لك اذا شفت البحث يحتاج سوي واذا ما يحتاج مولازم متى اخر موعد للمناقشه مررره خايفه لسا ما خلصته :( واللي ناقشت الأستاذه وسلمت التقرير ياليت تقولنا عن طريقة الأستاذه وتركز على ايش في التقرير وكم وقت المناقشه تقريبا تطول ولا لا ؟؟؟ الله يسعدها وينجحها اللي تفيدني وتاخذ فل مارك في البحث :)

نفس الطلب

[ريااانه]

للرفع

[سمـ الأنوثـة ــو]

اتصلت علي الاستاذة امس بس كنت نايمة
وشفت المكالمة بوقت متأخر

واتصلت عليها اليوم
قالت برجع اتصل عليك عندي مناقشة الان
وما رجعت اتصلت
برجع اشوف ايش تبغى بكره باذن الله

[ريااانه]

هلا سمو الانوثه اتصلت الأستاذه علي يوم الأثنين تسألني متى تسلمي التقرير وتناقشي ؟
رحت لها الأربعاء سلمته مبدئيا وقالت تتصل علي اذا عندها ملاحظات عشان اعدلها واسلمه نهائي واناقش
وقالت لي انت مره متأخره المفروض كان سلمتيه وانا اعطيتكم رقمي عشان تتصلوا وتسألوا متى المناقشه والتسليم
الله يوفق الجمييييع

بناااااااااااااااااااات اكرر اللي ناقشت تقريرها تقولنا كيف طريقة المناقشه والمهم فيها
الله يوفقكم ردوا :)

[ريما الدلوعه]

هلا فيكم يابنات انا الحمدلله سلمت وناقشت يوم الاربعاء وكان عددنا 5 بنات والحمدلله المناقشه مره سهله ومافي شي يخوف والاستاذة كانت كتير بشوشه ومتعاونه طبعا في البدايه تسلميها اوراق بحثك مع نموذج التقييم وتشغلي البوربوينت عالجهاز وتبدأي تتكلمي وين تدربتي وايش المشكله اللي اخترتيها وتتكلمي عنها باختصار شديد وبعدين تتكلمي عن البدائل والحلول وايش هو البديل الامثل وليش وعلى فكره هي ماتاخد منك البوربوينت ومدة المناقشة ماتزيد عن 8دقائق وانتي تتكلمي موبس تطالعي فيها كمان في زميلاتك اذا كان معاكي حدا يعني كانك استاذة وقاعده بتشرحي والله يوفقكم ويوفقنا جميعا نسيت اقولكم شي تاني الاستاذة قالت بحوثكم مو ذاك الزود يعني مامشينا عالخطوات رغم انه والله البنات مسويين اشياء رائعه وباين انهم تعبانين من جد فيه وقالت ححاول ارفعلكم الدرجات بس ماتتوقعوا علامات عاليه كتير انتوا بنات الانتساب مستوى بحوثكم كتير ضعيف مقارنة ببنات الانتظام وهي ماتعرف كيف لانها اول مرة تعطي انتساب ، وان شاء الله ربي ييسرلكم الخير يابنات.

[سمـ الأنوثـة ــو]

المشاركة الأصلية كتبت بواسطة ريما الدلوعه وتبدأي تتكلمي وين تدربتي بس تسئل فين اتدربت ولا تبغى تفصـيل وتطلب تقرير يومي بالاعمال الي قمتي فيها وقت التدريب ولا لا وايش المشكله اللي اخترتيها وتتكلمي عنها باختصار شديد وبعدين تتكلمي عن البدائل والحلول وايش هو البديل الامثل وليش

الله يعين ونعدي المناقشة احنا كمان ونخرج مبسوطين
وان شاء الله بجد تعطينا درجات عدلة
الله يسعدك على الرد المفصــل وبالتوفيق لك يارب

[bus_girl]

سلاااااااااااام بنات

انا ناقشت من بدري يعني بس انا والاستاذه لان كلمتها من قبل بعرض وقت ماسلمه
وعادي سلمتها التقرير وانا دخلت السي دي وبديت اشرح اقصد اقرأ كالعاده بس الله يستر وش اخرة القرائه
المهم تكلمت عن مكان التدريب ونبذه عنه والاعمال الي قمت فيها وتو بدخل بمقدمه الموضوع قالت خلاص خلاص روحي للخاتمه .... بس قلتلها اش هيا التوصيات والاقتراحات والاستنتاجات وماكان عندي حلول وبدائل والبديل الامثل لان موضوعي ميزه مو مشكلة ........ وبس انتهى العرض يمكن ب5 دقايق
واثناء عرضي قاعده تقلب بالتقرير وتكتب ملاحظات وشافت صفحه المراجع وقالت صوريلي المراجع ( يعني غلاف الكتاب والاجزاء الي اخذت منها الكلام ) مدري احسها دققت علي لان سلمتها بدري
وبس جبتلها المراجع وصورتلها الي اقدر عليه لان بعض المرجع مالقيتها بالمكتبه المركزيه

فانتبهوا يابنات:
1 ) خلي كل الاحتياطات عندكم بالنسبه للمراجع لان احتمال تطلب تصوريها

2) وبالنسبه للمراجع ياليت تقروها لان احتمال تسالكم وتقول اش هيا الكتب الي رجعتيلها يعني تقولي اسم الكتاب والمؤلف

انا ماقول اكيد حتسأل بس الذكرى تنفع المؤمنين


والحمدالله رب العالمين

والله يوفق الجميع يارب

[ريما الدلوعه]

الاستاذة أبدا مادققت علينا ولاطلبت الاشياء اللي قالت عنها الاخت bus_girl بالعكس حسيتها متعاونه وماطلبت اي شي مجرد سؤال بسيط وبدون تفاصيل حتى هي قبل مانبدأ قالت ما ابغه كلام كتير زي ماقلتلكم وين تدربتي وبس وايش المشكله تختصريها في جملتين وبعدين على طول للبدائل والحلول ومميزاتها وعيوبها وايش البديل الامثل وليش