الأسئلة والاستفسارات عن كلية طب الأسنان ..

[Kaira]

بالنسبة سواء كنت تبا تحول لجامعة الملك سعود أو الملك عبدالعزيز فلازم من دخول السنة التحضيرية ..
أنا أصلا كنت أبغا أدرس في جامعة الملك سعود قبل الملك عبدالعزيز
وقلت خليني أخلص على الأقل التحضيري في جامعة الملك عبدالعزيز وأحول هناك
بس لما سألت قالو لازم لازم تعيد التحضيري في جامعتنا لأنو شوية نظامهم يختلف عنا بس طبعا قلت لا خلاص
أستنى التسكين حقي هنا ويسير خير والحمدلله أنقبلت أسنان هنا ..

وهنا نفس الشي ولد خالتي أصلا هوة في جدة بس يدرس طب في أم القرى
درس فيها سنة أولى عشان ما كان يبا يدرس سنة تحضيري >> كانت دفعتو أول دفعة تدرس تحضيري
ولما جا يبا يحول قالولو لااااازم تعيد التحضيري..
بس رفض ودحين هوة خلاص هناك يدرس في أم القرى ..

انشاالله أكون أفدتك ^^

[roosh]

اها شكرا على الجواب ^_^

[Dr~NanoOok]

المشاركة الأصلية كتبت بواسطة roosh ^ بالنسبه للجسر معليش هوا مو يربط الاسنان بمستشفى الجامعه السنه اللي فاتت بعد اختبار الاتصال ماما جابتني منو عشان اجيها على مكتبهاا ينزلك علي الدور الاول محل كلاسات البشري الكبار و شفت في باب صغنطوط اعتقد دا لما ندخل منو نروح لعيادات الاسنان في المستشفي بس مافتكر في باب كمان الا ازا مو مكتوب عليه شي ؟! كيف دا !!

الجسر جهة كليات البنات
اقرب مبنى ليه هو مبنى الاسنان رقم 10 وفيه باب يفتح على كليتنا على طول
او ممر جنبه يوصل للساحة الي وسط مبنى الاسنان والبشري والصيدلة والتمريض

بالنسبة لجهة المستشفى والعيادات
فيه باب صغير مكتوب عليه عيادات الاسنان هذه مخصص لينا طلبة الاسنان بس
اما طلبة التخصصات التانية يكملوا على طول للمستشفى

بالنسبة للباب اللي يودي لكلية الاسنان حقت الاولاد
هذه بوابة تربط العيادات بكليتهم .. وليست بوابة الجسر

[ali s]

اول اسبوع دراسه مهم؟
يعني عادي احضر يوم الثلاثاء والاربعاء بس

[Dr.ZoOoZiX]

السلآم عليكم ..

حبيت اسأل بالنسبه لملابس السنه الاولى شنو بيكون لونها و لآزم اشتري لاب كوت ولا لآ ..؟

[Dr~NanoOok]

المشاركة الأصلية كتبت بواسطة ali s اول اسبوع دراسه مهم؟ يعني عادي احضر يوم الثلاثاء والاربعاء بس

اكيد مهم
وغالبا حتبدأوا دراسة من تاني يوم على طول

[Dr~NanoOok]

المشاركة الأصلية كتبت بواسطة dr.zooozix السلآم عليكم .. حبيت اسأل بالنسبه لملابس السنه الاولى شنو بيكون لونها و لآزم اشتري لاب كوت ولا لآ ..؟

وعليكم السلام والرحمة

بالنسبة للاولاد عادي تلبسوا اي شي
وفي وقت المعامل لازم اللاب كوت ولا ما يسمحولكم بحضور المعمل

[Dя.βℓυε ₥αя[G]яiττα]

^ +10 :d

[Dr.ZoOoZiX]

اي شي يعني عادي لو جينز و تيشيرت ولا اي شي بالنسبه للألوان ..؟

[Dr.rori]

المشاركة الأصلية كتبت بواسطة dr~nanoook وعليكم السلام والرحمة بالنسبة للاولاد عادي تلبسوا اي شي وفي وقت المعامل لازم اللاب كوت ولا ما يسمحولكم بحضور المعمل

طيب البنات عادي أي شي ولالازم سكرب ؟
و اييش لونو ؟؟!