هَمسٌ للإرتوآءْ ♥.. / ..♥ وضَوءٌ للإبتدآءْ ~ [كُـلْ مَ يَخُـصْ موآد المستوى الثآلث ]

[Hamsa }~]

بسم الله الرحمن الرحيم السلآم عليكم ورحمة الله وبركاته * انت هو الدافع الاهم في طريقك الى الهدف الذي تصبو اليه , لذا اهتم بنفسك صحيا وجسديا وعاطفيا لكي لاتتعرقل بنفسك اثناء سيرك .. - د. فيل .. صَبآحٌ / مسـآء مَليء بآلحُب وَبِكٌل آلرضآ ♥ طلآبنـآ المستجدين وطـآلباتنآ المستجدآت : - أسعد الله أوقآتكم بكل خير وبركة << الأخت تقول نشرة أخبار في تلفزيون السعودية - كل عآم والجميع بخير << متأخرة حبتين - مرآحب فيكم نورتوآ كليتنـآ ومبرووك لكم من الأعمـآق اجتيـآز السنة التحضيرية "الجميلة" وقبولكم في كليتنـآ بفضل الله - مرحلة جديدة ان شاء الله انها حتضيف حاجات حلوة كثير لحيـآتكم وتنبسطوآ فيها وتغيركم للأفضل بإذن الله .. // حبينآ في دآ الموضوع "سوسو وأنآ" نتكلم عن موآدنآ والأستآذآت وكل شي يعني في جزء خآص للسليمآنية وجزْء للفيصلية << يلآ يآبنآت الفيصلية افرحوآ ولآتقولوآ مآفي أحد مهتم فيكم ملآحظة : الموضوع دآ بيركز ع شطر الطالبآت أكثر فيمكن تكون استفآدة الطلآب منه قليل فسآمحونآ ،، حبدأ معآكم ألحين في التعريف بخطة الكلية في المستوى الثآلث موآد المستوى الثآلث 5 موآد وهي كالتآلي بمجمل 13 سآعة عآرفة شكل الويندو فآشلة بس توي اتعلمت كيف أبرمج ويندو قبل أسبوعين ،، - حتكلم عن كل مادة : عدد ساعاتها والكتب والشبـآتر اللي معانا وطريقة الاختبآرآت - كل شي مكتوب هنآ عن تجربة شخصية وع رأي الأغلب ومو لآزم لو أي شخص شاف شي صعب يكون بالضروري صعب ع الشخص الأخر بالعكس ممكن يكون أسهل مآيكون بالنسبة له .. // قبل مآ" نقرقر "عن الموآد حبيت أبين قد ايش كل مادة ممكن تاخذ من وقتك بالنسبة للموآد الثآنية مو بالنسبة لليوم كله وذلك من حيث الوآجبات ووقت الدرآسة للإختبار والفهم وطبعا من شخص لشخص يفرق زي مآقلت قبل // ألحين نبدأ مع أول مـآدة وأهم مـآدة بـ " كلية الحآسبآت " لآتخآفوآ من عدد السآعات الفعلية ترى تستحق حيكون عندكم 3 سآعات بوآقع سآعة ونصف لكل محآضرة في يومين تآخذوآ فيهآ دروس جديدة وسآعة ونص للمعمل تطبقوآ اللي أخذتوهـ في المحآضرة واحتمال يكون في كويز بسيط أول المعمل أو آخره وسآعة ونص سكشن تحلوآ فيه أسئلة قسم البنآت كآن يقلب السكشن "كثيرآ وليس أحيآنآ" محآضرة ويجي للبنت احسآس ان رآسهآ بينفجر من كثر المعلومآت مآدة رآئعة ودآ المستوى بالتحديد جدآ رآئع وسهل صح يحتآج شغل وتعب ووآجبآت المآدة كثيير بس جدآ ممتعة وأحلى شي لما الوآحد يبدأ يبرمج ويزبط معاه الكود ويشوف مخرجات برنآمجه صح وزي المطلوب مرة حيستمتع وحيفرح - أول مرة حتآخذوآ برمجة واحتمال في البدآية تحسوآ انهآ مو سهلة بس ان شآء الله مع التوكل ع الله والمذآكرة أول بأول حيكون كل شي سهل بإذن الله حضور المحآضرآت " يعني مآفي سحبآت " ، وحل الوآجبآت وتمآرين المعمل بنفسك ، وجهدك في الفهم والمذآكرة أول بأول له أثر كبير في الحصول ع درجة عالية في المآدة بإذن من رب العالمين ع أيآمنا يآحآسوبيآت كنآ نذآكر من 3 كتب ع أساس لغة جديدة ومآكآنوآ مرتبين نفسهم << بس ان شـآء الله معآكم يكون كتآب وآحد شآمل ومرتب أول اختبـآر نظري كان عبارة عن أوتبوت ، أكتبي البرنامج بطريقة أخرى تكون أفضل ، كتابة برنامج كآمل ،،أرسمي فلو شـآرت ، اكتبي الميموري تبع البرنامج ^ ^ المصطلحآت والأشيآء الغريبة اللي فوق لآتسألوآ عنها ألحين رآح تعرفوهـآ ان شـآء الله لما تدرسوآ لمآ تصيروآ مبرمجين ومبرمجآت وكذآ ثآني اختبآر نظري كآن حلو اختيآري 7 فقرآت أكوآد وأوتبوت وكلآم نظري وسؤآل تطلعي أخطآء من برنامج وسؤآل تكتبي أكوآد بسيطة عن الفور لوب والوآيل ، وبرنآمج تستخدمي فيه الفور عشآن تحليه بس كآنت فيه فكرة رآح تلآقوآ السؤآل في الملفآت تبع المآدة الاختبآر النهآئي النظري كآن جدآ رآئع كان كوليكشن من كل شي ( اختيآري وكآن مررة بسيط وتقريبآ من الكتاب ومن أسئلة اللاب شيت بس أهم شي تذآكروآ كل شي ) خلصنآ النظري دحين العملي "المعمل (( اللآب )) أول اختبآر عملي كآن سؤآل وآحد فقط خلآل سآعة "مو متأكدة" جبنآ العيد شوية لأنه كان فيه فكرة جديدة بس في بنآت مآشـآء الله حلوه اللي فآهمين فآهمين ثآني اختبآر أصلآ مآني فآكرة اختبرنآ ولآ لا النهآئي كآن جدآ رآئع وبسيييييييييط يآخذ منك وقت وطوييل بس كآن حلووووو وأفكآره حلوة مرة ترى كان برنآمج وآحد بس وكآن فيه فقرة عليهـآ بونس درجة موجود السؤآل في الفآيل وكمان تلآقوه في المنتدى حله توزيع الدرجآت مآكان ثآبت أبدآ الأستآذآت اللي كآنوآ يدرسونآ النظري مآيدرسوكم ألحين بس كآنوآ كويسآت بس أستآذة بدور خليكم مصحصحين معاها ومركزين وع فكرة تدي بونس بس مو كذآ تديك كويزآت خاصة بالبونس ع قد اللي جبتيه تحطلك هو تقريبآ 3 درجات ذآكروآ الكتاب تمام والأسئلة اللي آخر كل شـآبتر واللاب شيت أفهموها تمام والوآجبات لآتأخروها عن موعدها وحآولوآ تفهموهـآ كويس اللآب شيت ينقسم لـ3 أقسآم : 1 - بري لآب : وهذآ القسم يكون عبآرة عن كتابة الأوتبوت واستخرآج الأخطاء من كود بسيط وهو يختبر الفهم وهو اللي غالبآ يتعمل فيه كويز وأدرجت لكم حلول دآ الجزء لأنه الأستآذآت مابيحلوه أبدآ إلآ بعد ماتختبروآ فيه << مدري اش الفآيدة 2 - لآب اكسرسآيز : وهذآ عبآرة عن برنآمج فيه أجزآء نآقصة منها تنحل خلآل اللاب واأستآذة المعمل تشوف حلك وآخر المحآضرة تديك الحل وانتبهوآ ترى فيها تقييم ( قلتلكم انتبهوآ لأنهم مآيقولوآ انه تقييم بس آخر المحآضرة مآتلقين إلآ حرمتكم حق المعمل (الأستآذة) تلف وتقلك أشوف الأوتبوت حقك طلع صح ولآ لآ ) واللي يطلع الأوتبوت حقها غلط تنقصها يحبوآ المفآجآت الحآسوبيين خخخخخ ) 3- بوست لآب : وهذآ الجزء عبآرة عن أسئلة يطلب منكم كتابة برنامج كآمل والأغلب تكون 5 أو 6 أسئلة وتكون كهوموورك وتسلم في وقت محدد الأستآذآت غآلبآ كويسآت لكن المآدة ماتعتمد ع الأستآذة قد مابتعتمد عليك انت بشكل كبير جدآ الملف المضغوط يحتوي على : لم أضف السلآيدآت لأنهم أصلآ هم عاملين قص ولصق للكتاب يعني مآفي فآيدة في أشيآء بخطي لآأشوف تعليق كدآ ولآ كدآ عليه أزعل ترى ^ ^ خخخخخخ أمزح لآتصدقوآ اتريقوآ ع كيف كيفكم وبس خلصنـآ كلآم عن دي المآدة وأصلآ زي مآعرفتوآ انه في مفآجأة بخصوص دآ الشي احتمآل تغنيكم عن الملفآت اللي نزلتها في دي المآدة :) والـ A+ بإذن الله تفرح قلوبكم ان شـآء الله مآأكون نسيت شي لتحميل الملف المضغوط // ألحين بنتكلم عن مـآدة ثـآنية رآئعة في معلومـآتها ،، تقيلة حبتين في مذآكرتهآ لأنه حفظهـآ كثير بس حلوة ومفيدة وممتعه 3 محآضرآت بوآقع 50 دقيقة لكل محآضرة تآخذوآ فيها دروس نظرية جديدة في 3 أيآم وممكن تكون محآضرتين بوآقع 1:20 دقيقة لكل محاضرة في يومين << مرة مآأعرف أشرح و50 دقيقة تكون معمل واحنـآ كنآ نآخذهـآ سكشن الاختبـآرآت كانت من الأسئلة اللي آخر كل شـآبتر حلوهـآ تمام وافهموها زيها ييجي وكمان في كتاب في دآر حـآفظ اسمه "بنك المعلومات لمادة CS 201 " للدكتور/ كمال جمبي فيه صح وخطأ واختيـآري لكل الشبـآتر كنت حعمله سكآن وأنزله بس أنتظر رد دآر حآفظ حسب مآقـآل لي دكتور جمبي << مآلكم بالطويلة المهم انه اذآ قـآلوآ طيب حضيفه مع الملفآت وحنزلكم تنبيه هنـآ انه انضـآف صورة لمحتويآت الملف اللي رآح تحملوهـ في الفآيل موجود الكتاب والوآجبات بس بدون حلول لأنه احتمال تكون نفس الوآجبآت وكمان بعض تلخيصاتي المتوآضعة لنفسي قلت بدل مآأرميها أحطها لكم وحلول بعض التمارين اللي لقيتها بعضها من موقع الكتاب وفي اللي بخطي الجميل يمكن تستفيدوآ منها لآتتريقوآ ع خطي وصف للشبآتر اللي حتآخذوهـآ ان شآء الله : شـآبتر 1 : يتكلم عن تـآريخ الكومبيوتر ومكونـآته احفظوآ الأشيـآء المهمة والتوآريخ ماتنحفظ طبعا شـآبتر 2 : يتكلم عن النظآم الرقمي للكومبيوتر وحتدرسوآ 4 أنوآع وكيف تحولوآ بينهـآ جدآ سهلة أفهموهـآ تمام شـآبتر 3 : يتكلم عن أنوآع الدآتا وكيف يتم حفظ الأرقـآم في الميموري والنصوص والصوت والصور والفيديو جدآ حلو دآ الشآبتر فيه أفكآر كتير بس أول ماتآخذوآ شي فيه أكتبوآ كل شي لأنكم حتنسوآ لما تيجيوآ تحلوآ من مسأله لمسأله ولو مـآكتبتوآ حتنسوآ ولما تحلصوآ الشـآبتر أكتبولكم ملخص بسيط عن كل شي فيه حيصير مرة سهل بإذن الله شـآبتر 4 : يتكلم عن العمليات المنطقية اللي هي andو OR و not و XOR بس تتعامل مع الأرقـآم الـ binary ويتكلم كمان عن العمليـآت الحسـآبية بس مو ع أرقـآم عادية ع أرقـآم البينـآري وبرضه في دآ الشـآبتر لآتنسوآ تكتبوآ وكمآن هو شـآبتر سهل بس أفكاره كتير << أبدآ مـآأشجعع لو فهمتوآ شـآبتر 3 تمام حتمشو في شـآبتر 4 زي الحلآوة شـآبتر 5 :يتكلم عن الذآكرة الرئيسية والكآش وأجهزة الانبوت (زي الماوس والكيبورد)والاوتبوت (زي الطابعة) ويتكلم عن خصآئص الـCDs بأنواعها الديفيدي وو.... والبنـآءآت أو الترآكيب المختلفة للكومبوتروكمان حتتعلموآ كيف تسووآ الـ instruction هذآ الشآبتر بدآية ثقالة الدم لأنه الحفظ فيه مرة كثير فأول بأول المذآكرة بآرك الله فيكم شـآبتر 6 : يتكلم عن النتوورك وأنواعها والانترنت والبروتوكولآت والـlayers وتطبيقات الانترنت الحفظ فيه كثير بس مررة ممتع وسهلللللل شـآبتر 7 : يتكلم عن نظام التشغيل وأطوآر نشأته كيف كان وكيف صـآر ومكونات النظام وأنواع الأنظمة اللينوكس والويندوز ... شآبتر بسيط جدا وسهل شـآبتر 9 : يتكلم عن لغات البرمجة بشكل مبسط جدا معاكم من الشآبتر جزء بسيط جدآ شـآبتر 10 : كان موجود معنا بس لضيق الوقت تم حذفه بالنسبة :: للإختبآرآت :: أول اختبآر حيكون من 20 اختيآري وصح وخطأ ومسآئل تحويل يعني زي أسئلة آخر الشآبتر وحيكون من شآبتر 1 – 4 ثآني اختبآر حيكون من 25 نفس الأول بس حيكون فيه جدآول ومقآرنآت لأنه أكثره نظري ويبغالكم مرررة تركزه في كل كلمة وكل سطر وانتوآ بتذآكروآ الاختبآر من شآبتر 5 إلى 7 الوآجبات عليها 10 درجآت حتكون من 3 إلى 4 وآجبات والكويزآت من 2 إلى 3 وآجبات عليهآ 10 درجآت النهآئي كل شي طبعا ومآفي شي محذوف وحيكون من 35 درجة وأسئلته كثييير ويآدوب الوقت يكفيكم تحلوآ يعني حآولوآ قد مآتقدروآ تتأكدوآ من حلولكم عشآن احتمال ماتلآقوآ وقت ترآجعوآ نسينآ البونس : لو زنيتوآ على الأستآذآت ع حكاية البونس احتمال يحطولكم سؤآل بدرجتين شكله غريب بس حله سهل ياألله حليته قبل ماتسحب مني الأستآذة الورقة بدقيقة الحمدلله لك يآرب << سطر مآيهمكم كل أستآذآت الحوسبة كويسآت وطيبآت وتفهموآ منهم بس ركزوآ بعد دآ كله ان شـآء الله فآلكم الـ A+ لتحميل الملف المضغوط // وألحين مع ثآلث مآدة ممتعة حفظهـآ كثير بس بتحسوآ انكم تحفظوآ بسرعة طبعـآ مشكلة الشعب اللي هنآ وأنا وحدة منهم كانت : ان المآدة صعبة لأنه ماكنآ نذآكرها أول بأول حضرآتنــآ بيني وبينكم لما عرفنـآ انها بس اختبآر وآحد ميد تيرم واختبآر نهائي بس خلينآها ع جنب وبس مسكنا الوآجبات تبعتها ولما كان بآقي ع الاختبآر أسبوع انصدمنا من كمية اللي حنحفظه كان بس سلآيدآت بس فيهآ الخير والبركة حبيت أصورلكم السلآيدآت كاملة عشان تشوفوآ الحجم مو أخوفكم وكآن نصها معانا لاختبار الميد التيرم والخبر المفرح انه اللي تختبروه في الميد تيرم ماترجعوآ تفتحوه في النهائي يعني بس تذآكروآ الباقي << أستآهل كم مليون ع دآ الخبر لأنه احنآ مآعرفنآ دآ الشي إلآ بعد الميد تيرم أسئلة الميد تيرم والنهائي تقريبا نفس الشي من حيث الطريقة ( اختياري ، فرآغات ، مقآرنآت ، قطع وعبآرآت ولخصيها أو أعيدي صياغتها حسب ماتعلمتي ، حطي موضوع مشوق زي ماتعلمتي ، كيف يكتبوآ المراجع ، أكتبي جمل بسيطة عن موضوع معين وعلامات الترقيم حطيها وكمان كيف تبحثي في النت بأفضل طريقة أكتبي بالرموز أو الاختصارات وسهل ان شآء الله بس يبغالها تفكييييير واهتمو بالأمثلة اللي في السلآيدآت ييجي زيها تقريبآ بس مو نفسها الوآجبات يكون في قروبات تتقسموآ ع كيفكم من 4 لـ 5 أشخاص تقسموآ العمل عليكم وحيكون عندكم من 5 لـ 6 وآجبات من بينهم وآجب تسويه كل وحدة لوحدها اللي هو كتابة سيرة ذآتية جدآ حلو وسهل ولا تضيعوه من يدكم عليه 10 درجات ،، وبآقي الوآجبآت تكون عبارة عن كتابة أجزآء من ريبورت كامل عليهآ 20 درجة والريبورت نفسه لما يجهز كاملا عليه 20 درجة كمان حتعملوآ آخر شي بريزنتيشن عن موضوعكم اللي اخترتوه كل طالبة تتكلم وتتقيم من 10 درجات اهتموآ في الوآجبات قد ماتقدروآ وابدأو فيها من بدري مافي كويزآت أبدآ بس ممكن تعطيكم تمرين في المحاضرة وتقلكم حلوآ واللي حلها صح تديها بونس وأنصحكم تشوفوآ سلآيد كل محاضرة قبلها بس تشوفوآ موضوعها ولو في تمارين حلوها بس مو لآزم يعني برآحتكم 20 درجة ع الميد تيرم وهم أصلا يصححوه من 40 عشآن يساعدوكم تجمعوآ درجآت لأنه أحيآنا عدم الاهتمام بالوآجبات بيضيع درجات البعض والنهائي ... << نسيت بس برضه فيه بونس ملآحظة : في دي المآدة في بونس بشكل فظيع لآتضيعوهـ وان شآء الله بعد دآ كله A+ هذي المآدة مآفي شي يفيدكم فيها من عندي لأنها تعتمد ع الحفظ ومهارآت البحث والتلخيص بس سلآيدآت وكل أستآذة سلآيدآتها تختلف والوآجبآت موحدة بس كل سنة لهم موضوع يطلبوآ منكم تقرير عنه // يتبع ...

[Hamsa }~]

// رآبع مادة أيضآ سهلة وخفيفة كآن في بونس في المآدة 4 درجات بس على الوآجبآت كل وآجب عليه درجة كنت أدرس مع أ.نعيمة بشير كويسة وتتكلم انجلش ع هندي ع مدري ايش المهم انك في الأخير تفهمي شوية والباقي تضطري تفهميه بنفسك << رأي شخصي كآن في بنآت مآشـآء الله بيفهموآ معآهآ كل شي 3 محآضرآت أسبوعيا بوآقع 50 دقيقة دروس جديدة ومحاضرة للمعمل 50 دقيقة حتتعلموآ فيها الشغل ع برنامجين SPSS و MATHCAD أسـتاذة المعمل كان اسمها فآطمة (مصرية) جدآ رآئعة تحل معاك وتدور في المعمل تشوف شغل البنآت وتفهمك من قلب وأحلى شي الاختبآر النهآئي المعملي ييجي سهل جدآ وزي اللي أخذتوه في المعمل بالضبط .. في الفآيل حتلقوآ : تقسيم الدرجآت : 10 درجات مقسمة ع كويزين 20 درجة دوري أول 20 دوري ثاني 15 درجة للمعمل وآجب واختبار 4 وآجبآت 30 اختبآرنهآئي وفي درجة غير موجودة لآ أعلم أين هي المذآكرة من الكتاب وأمثلته وأسئلة نهاية الشآبتر وأسئلة الوآجبات مهم تفهموهآ مزبوط الكتآب كانت أ. نعيمة تنزله ع أجزآء في قروب المآدة ع اليآهو واحنا نطبعه الأسئلة عبآرة عن اختيآري وحل مسآئل كآملة أول اختبآر شوية صعب بس اللي بعد كذآ مرة سهلللل لتحميل الملف المضغوط ان شآء الله الجميع A+ // آخر مآدة جدآ سهلة ماتآخذ مننآ مجهود قبل الاختبار بيومين أو ثلآثة يتمسك عشآن يتذآكر لأنهآ ممتعة وسهلة والاختبآر كله اختيآري 30 دوري أول = 30 فقرة 30 دوري ثاني = 30 فقرة 40 نهآئي = 40 فقرة ومآفي بونس أبدآ أي أستآذة ماتفرق المذآكرة من الكتاب فقط وبتركيز وان شآء الله A+ ولآتضيعوهـآ ،، تم وبحمد الله الانتهـآء من كل شي ممكن يفيد بنآت السليمآنية ويمكن "الأولاد في بعض الأشيآء" .. أتمنى فعلآ انه يكون الموضوع فآدكم ويكون حببكم في التخصص .. وآعذروني لأنه في أشيآء مصورة بالجوآل وبعضهآ بالسكآنر وقد تكون غير وآضحة .. " . . ما كان من صواب فمن الله و ما كان من خطأ فمن نفسي ومن الشيطان . ." ابدؤوآ السنة بهمة عالية ووثوق في الله ثم في أنفسكم انه مآفي شي صعب طآلمآ انكم مجتهدين وبتعملوآ كل اللي عليكم أبشروآ من الله بدرجآت عآلية تفرح قلوبكم وأخلِصوا النية في طلب العلم، وابتغوا به وجه الله تعالى والدار الآخرة كي يبارك لكم فيه وتنتفعوا به الله يوفق الجميع لمآ يحب ويرضى // أنا لا أرى أبدا ما تم إنجازه أنا أرى ما لم يتم إنجازه بعد .. - ماري كوري * أتمنى عدم الرد لحين الانتهآء من إدرآج جزء " طآلبآت الفيصلية "

[Hamsa }~]

* ثق بنفسك ! فـ انت تعرف أكثر مما تعتقد أنك تعرفه - د. بنيامين سبوك . أولآ : حآبة أشكر أختي ( SoSoooo B ) ع مسآعدتي لإنجآز الموضوع بدعمهآ لي .. وعلى تعبهـآ في رفع الملفـآت .. " فقد قآمت برفع ملفآت للمستوى الثآلث والرآبع " .. أسعدهـآ الله ووفقهـآ لفعل كل خ’ـــير .. // :: الملفـــآت :: CPIT 201 حلول التمآرين الزوجية والفردية CH 7 CH 5 CH 4 // STAT 210 فقط في هذي المآدة حآبة أنبه أن كتآب فرع الفيصلية يختلف عن كتاب السليمآنية بس نفس الدروس .. وآجبآت الاحصآء ( فرع الفيصلية ) مع حلولهـآ كآملة .. هنـــآ .. حل تمآرين شآبتر 1 هنــآ حل تمرين رقم 8 في شآبتر 2 هنــآ // وهنآ في رد لهآ عن الأستآذآت .. الاستاذات اللي عندنا بصرراحة قمة الاخلاق وماشاء الله تبارك الله مراا متعونات وحبوبات درست البرمجة عند أ / منال لنجااوي رااائعة ماشاء الله اساليب أ/ مشاعل خياط مراا ماشاء الله كتكوتة وقلبها ماشاء الله اببييض انساانة راقية الله يحفظها حوسبه أ/ سمر هيا كتكوتة وماشاء الله ياناس بس مشكلتها سريعة حبتين واحلى مافيها اسئلتها اختياري وصح وغلط . الاحصاء أ/ ماجدة البدر جيدة ماشاء الله يعننننننننني مراا لاتشششيلي هم رآبط الرد : #2 // يمكنك أن تملك أعظم الأفكار في العالم لكنك إن لم تستطع إيصال أفكارك للأخرين فإنها تصبح عديمة القيمة . - ستيف جوبز .. * :: ختـــآآمـآ :: أتمنى أن أكون قد قمت بإعطآئكم فكرة وآضحة عن الموآد وأوصلتهآ اليكم بالشكل المنآسب الذي لآيشعركم بالملل أثنآء القرآءة .. أشكر الله أولآ وأخيرآ .. ثم أشكركم للوقت الذي قضيتموهـ هنـآ .. أتمنى أن تكون قلوبكم قد ارتوت بطمأنينة ورآحة مبدئية لتعطيكم ضوءآ للإنطلآق بكل ثقة .. أتمنى لكم رحلة سعيـــدة مليئة بآللحظآت الجميلة بإذن الله .. دمتم بحفظ الله جميــعـــآ ..

[ƨɱƨɱ]

من اول انتظر يخلص الموضوع عشان ارد ..
كانك حطيتي الموضوع مخصوص عشاني ...
لانه قبل ماتنزلي موضوع بسويعات كان في مني اثنين واحد
واحد يقولي الحاسب جميل وواحد يقول الحاسب بشع ,,
وكنت قي صراع داخلي والدموع 10 /10...
بس قررت اسمع الي يقول الحاسب جميل مع دعم الاهل وكمان مع الموضوع اكدت رغبتي بالحاسب لانه شيء جميل وسهل ,,

صراحة مدري ايش اقول غير كفيتي ووفيتي.
موضوع شامل الى مالانهاية ..
الله يوفقك ويسعدك ويدخلك الجنة بغير حساب ...

[سفن آم]

هموووسسس و سووسووو
إنتو شوو سويتوو فيننآ < مَ أقلد
ههههه
بصرآحةة قمممةة الإبدآع و الكل ششي
و لو كل مُستجدة قرأت الموضوع بكل حرف فيه اتوقع ما تحتاج تتعب نفسها نهائيا
و لا تشيل اي هم ولا تخآف من القسم
ونصيحة للمستجدات حطو الموضوع ب الفيفوريت
وتآبعوه بِ إستمرآر
اتوقع جميع الملفات كمان اللي تحتاجونها طول السمستر متوفرة بالموضوع

همسسة لِ همسسسة و سوسو: 3>
إنتتن منبع للعطآء وبستآن خيير
بآركك الله لكن و وفقكن 3>
الله يديكم بكل حرف كتبتوه مئات الحسنــآت 3>3>

[SoSoooo B]

Hamsa }~
الله يسععدك قلبي ويوفقك فين ماتكوني ماشاء الله تبارك الله موضوع جميل جمميل جمييل انا استفدت فيه من شي <<< انو قد ايش الفيصلية مدلعات راح انضرب ههههههه

سامحوني بنوتات الفيصلية كان عندي ملفات بالهبل بس للاسف رموها لاني كنت عاملة قرابيع في الغرفة
بحاول اشوفلكم تاني ويارب القى
ترا ملفات همسا الامورة اللي نزلتها للحوسبة والبرمجه والاساليب نفسها كنا بنذاكر منها بس الاختلاف الصغنون الاحصاء احنا مرجع وهما مرجع اخر بنفس الافكار

لقيت ملف عن حلول كتاب الاحصاء بس انتبهوا لاتعتمدوا عليه فيه شوية اخطاء
بالنسبة لباقي المحاضرات راح تنزل لكم في الياهو قروب تسجلوا فيه والاستاذة راح تنزل لكم السلايد وكدا
باذن الله اي ملف القيه راح ارفقه لكم حبيباتي

اشكرك Hamsa }~ الله يجعله من موازين حسانتك ياارب

سفن آم
الله يسسسسعد قلبك يارب ويوفقك فين ماتكوني

[iRe]

ايه ده! ايه ده xD
ما شاء الله ،ما شاء الله
لسى ما كملت الموضوع و قمت انط من الحماآآس <~ اهجدي
صبرا لي عودة بعد اكماله


عدناآآ

ملآحظة : في دي المآدة في بونس بشكل فظيع لآتضيعوهـ وان شآء الله بعد دآ كله A+

في يوم من الايام هذا الشي خسف درجة مادة بالتحضيري
بس تعلقي بهذا الشي الجميل

ما قصرتي همساآآ و انت كذلك سوسو ،، فتحتوا عيوننا علي التخصص
الله يسرلكم ويوفقكم ويحفظكم ولا يحرمكم الاجر
جد هالموضوع كنت محتاجته :)

[نبض الابتسامة]

همسسسا ي همسسسا

تعرفي انتي من الاسماء اللي لما اشوفها ادخل على طول

ماشاء الله على الموضوع ششششامل ووافي

نفسي اعلق غلى خطك

بس لسا ما شفته

لما ابدا دراسة حارجع اقرى الموضوع مرة ثانية ان شاء الله عشان افهم اللي ما فهمته الان

واحمل كل ابوه واشوف الخطوط الحلوة

بس سؤالين اذا سسمحتي

1- من كلامك حسيت انو كل الكتب مهمة ولازم اشتريها مو!

لاني قد سمعت انو السلايد يغني

وشسمه ايه الكتب تفتح النفس من جوا ولا !


2- هذه المفاجئة اللي واعدينا بيها !


وبجد وبجد وبجد يسسسسلموو على الموضوع ياربي يجعله في ميزان حسناتك وتجيبي فل مارك

[SoSoooo B]

^^
لا المفاجأة دي من همووس
المفاجأة الجية ان شاء الله من كل دفعة 2011
انتظرونا

[جلنـــار]

موضوع جميــل جداً و متعووب عليه

يعطيكم العافية

و جٌزيتم الجنّةة ~