في ليلة عرسها تبكي :'(

[AmoOorh]

في ليلة عرسها تبكي ..
حزينه وقلبها يحكي ..
يقول الحمد لك ياربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..




تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

أبي أعرف ..
أبوي شلّي استفاده الحين.. ؟!
لو ذابحني كان ابرك ..
وزوجي .. اش ذنبه المسكين؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!



بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..



أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..



تقول فيها ..



سلاماتي .. تحياتي .. وأشـواقـي الشديده
على اللي روحه قبالي .. وأنفـاسـه بعيده


على اللي افترقنا غصب عن عينـي وعينه
بعد ما كنت انا وهو نحلم بلحـظـه سعيده


بعيش بغربتي لحـالـي .. وهـو الله يعينه
يكمّل نصفه الثاني .. ويلـقـى مـن تريده


مثل ما قالت امـي .. مـا لـنـا إلا قدرنا
والا مـن زمـان المفتـرض إيـدي بإيده


يسامحك الله يالوالـد .. علـى عمـرٍ قتلته
بعد ما ماتت ابنيتـك وش اللـي بتستفيده ؟


أنا آسفه على اعذاري .. وربي غصب عني
نعم بتزوّج فلان .. بس بعيش عمري وحيده


محّد ممكـن انّـه يملا عيـونـي بدونك
تذكّر كلمتي هـذي .. أنـا فـي حبّـك شهيده


تذكّر كلمتي أرجـوك .. لأنهـا مـن فؤادي
فؤادي اللي ذبحوه اليوم.. وطعنوه فـي وريده


تذكّر كلمةٍ فيهـا شـعوري ومـا طـرى لي
أنا فـي حبك شهيده .. وذي ترى آخر قصيده




وجتها الوالده عندها ..
وهي تذرف .. دموعٍ نار ..




على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..



يزفوني ؟!!
وربي كان أهون لو يكفنوني .. !!



بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..



وحانت ساعة الرجعة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمــد لله الهنا في حجرنا بات ..


تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟



بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب بيتهم ..
وكلّمني اخوه محمد ..
عرفتي ليش ما في احد قرا الابيات .. ؟!
في نفس اليوم اللي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
و مع كل الأسف ... مـــات !!!






ياوييييل حااااالي مسكيييين
الله يعييين كل من يحب


راقت لي و نقلتها لكم...
و اتمنى انها نالت اعجابكم

[رغد محمد]

،’

أليمَـــــة جدًا القِصَّة ..!!

كثيرًا مَا نشهد قِصصًا عن الحُب الوَفِي .. وَلكن فِي وَاقِعنا هذا نَااادرًا مَا نجدُ مثله ..~

غُصَّة مَلكتنِي حاليًا ..~

شُكرًا لكِ على النقل قمـــــــــــــري ..~

،’

عَودة حَميدة غاليتي ..~

نورتِ الحُروف وَ أهلها ..~

رغد محمد ...

،’

[رحيل الذكرى]

كلمااااات وعبارات حزينه احزنتني جداً
لكن هذا حال الأحباب لكن الله يكتب الخيره لكل واحد فيهم
والحمدلله على كل حال
سلمت يمناكي علي الاختيار الرائع
يعطيج العافيه

[الدُنيا مدرسة]

يالطيف ما اتخيلت اني بتأثر هالقد من القصه
بصراحه مؤلمة مرا..
الله المستعان> شويتين وأبكي وربي..

شكرا ع الطرح..

°°°°°

[حنين اللقاء]

مؤلمة حد البكــــــــــــاء.. !


عزيزتي .. راق لي ما انتقيتِه إلا أنه آلمني كثيراً



ودي.. و عبق من جنائن وردي

[tota7]

أليمه جدا جدا
وربي حسيت بغصه وانا اقراها
رآآآآئعه فعلا وروعتها تكمن بألمها
يسلم يمينك ياغلاتي على نقلك الاكثر من رائع
ربي يسعد قلبك .. دمتي

[AmoOorh]

المشاركة الأصلية كتبت بواسطة رغد محمد ،’ أليمَـــــة جدًا القِصَّة ..!! كثيرًا مَا نشهد قِصصًا عن الحُب الوَفِي .. وَلكن فِي وَاقِعنا هذا نَااادرًا مَا نجدُ مثله ..~ غُصَّة مَلكتنِي حاليًا ..~ شُكرًا لكِ على النقل قمـــــــــــــري ..~ ،’ عَودة حَميدة غاليتي ..~ نورتِ الحُروف وَ أهلها ..~ رغد محمد ... ،’

العفووو غلاتي منوره بوجود رغوده ونبض حروفها مـــشـكورره رغد دمتي لي

[AmoOorh]

المشاركة الأصلية كتبت بواسطة رحيل الذكرى كلمااااات وعبارات حزينه احزنتني جداً لكن هذا حال الأحباب لكن الله يكتب الخيره لكل واحد فيهم والحمدلله على كل حال سلمت يمناكي علي الاختيار الرائع يعطيج العافيه

ربي يسسلمك اللهم آآمين وياكي ياعسل نورتي

[AmoOorh]

المشاركة الأصلية كتبت بواسطة الدُنيا مدرسة يالطيف ما اتخيلت اني بتأثر هالقد من القصه بصراحه مؤلمة مرا.. الله المستعان> شويتين وأبكي وربي.. شكرا ع الطرح.. °°°°°

ي قلبببي العفووو ومرورك اسعدني

[ṜŏΌ7ŷ ť7bЌ ♥]

رآآآقت لي جداًاً ..


صراحه ما توقعت تنزل دمعتي وانا اقراها ..

قصيدة أليمة جددددا ..


تسلم اناملك ع الطرح الرائع ..

ودي وتقديري ..