اي استفسارعن العلاج الطبيعي

[DarkRoXaS 13]

^^^^
جزاك الله خير الله يعيننا عليه يعني اسئلته معقدة

[weddah]

ابغى اضيف شي نقطة الدكاترة
نزل قرار في قسمنا ان نفس الدكتور اللي يدرس الاولاد يدرس البنات
والعكس الدكتورة اللي تجي للبنات تدرس الاولاد
وهذا الشي صار الترم اللي فات وكان حل مره كويس
لان الاختبارات وكل شي موحد بين البنات والاولاد

وبالنسبة للدكاترة لا تخافوا بس لازم تعرفوا كيف اسلوب كل دكتور
لو عرفتوا اسلوب كل دكتور حتمشوا في مادته زي الحلاوة
هي دكتورة وحده اللي معقدة وممكن تمشي على حظكم
بدري نكلمكم عن الدكاترة وانتو لسه ما تعرفوهم بس في وقتها ان شاء الله

وابغى اقلكم ان الترم الاول حيكون اصعب واثقل ترم عليكم لازم تتحملوا والترم الثاني حيكون اسهل وسنة ثالثة اسهل واحلى
بس اتحملوا البداية وشدوا حيلكم والباقي يهون
سنة ثانية دمها تقيل شوية لان كلها اساسيات والمواد العامة
بس مررره مهمة هذي الاساسيات حتطبقوها سنة ثالث ورابع

وبس

[Mecooo]

هلا Weddah
بس ممكن تدينا لمحه كده عـــ سنه تالتـــه
ايـــش هيـا المـــواد و لمـحـه عنها و كيــــف مدى سهولتها او صعوبتها
و اكتر شي ابــا كيف لما ننزل المستشفى ان شاء الله D=

و شـــــــكـــــــــرا مقدما

[weddah]

يا هلا ميكوو عفوا مقدما

مبروك اول شي خلصتووا سنة ثانية اخيرا
سنة ثالثة مره احلى ومريحة اكثر وتحسي خلاص خلصتي من الاساسيات وبدأتي تصيري اخصائية وتفهمي في العلاج الطبيعي كويس

الترم الاول فيه العلاج الطبيعي للقلب والصدر وماده كبار السن
كلها تاخذوها مع افضل دكتور في القسم بجدااارة
بروفيسور شهاب انسان جدا رائع كان ترم مرره حلوو معاه كان يدرسنا كل المواد وننزل معاه المستشفى يشرح مره كويس ويعطي معلومات ما يبخل بالمعلومات ويعطي درجاااات ما شاء الله عليه واخلاق لا يعلى عليه من جد يارب يدرسكم
ودكتورة ايمان قد درستكم واكيد تعرفي قد ايش هي مره كويسة وطيبة حتعطيكم العملي وتجي معاكم المستشفى

بالنسبة لمادة العلاج الطبيعي للقلب والصدر حتبدؤوا بالجهاز التنفسي وتاخذوا كل الامراض المتعلقة فيه بعدين الجهاز الهضمي وتاخذوا السكر والسمنة بعدها القلب وتاخذوا الامراض المتعلقة فيه
المنهج شوية كبير بس الدكتور مره يساعد ويعدي على خير

ماده كبار السن ماده مرررره سهله وبسيطة

الفارما الله يعينكم عليها نفس ثقالة الدم حق البايوكمستري الهدف في هذي الماده هو النجاح
انصحكم تذاكروا ملخصات وام سي كيو من الدفعات اللي فاتت

الفسيولوجي مره احلى من حق سنة ثانية لانه خاص بالعلاج الطبيعي ممتع وحلو

الباثولوجي ماده دسمه شوية وثقيلة يبغالها مذاكرة بس حلوه ومفيدة كثير

وووبس هذا هو الترم

صح نسيت اهم شي المستشفى حتكون مع دكتور شهاب برضو وحتسووا الاشياء اللي درستوها في العملي لكن على المرضى حتروحوا في هذا الترم للمرضى المنومين تعرفوا كيف تاخذوا بياناتهم وتقيسوا الضغط وتسمعوا بالسماعة صوت القلب وصوت النفس
وتسوولهم تمارين تنفس مثلا او تمارين تقوي الدورة الدموية في جسمهم
يعني اشياء بسيطة
بس يوم المستشفى مره ممتع وحتنبسطوا فيه

الترم الثاني كله عظام ممتع اكثر وتحسي نفسك اخصااائية من جد يصير عندك المرضى حقك وتشرفي علاجهم وكذا
بعيد الترم التاني لسه بلاش نتكلم عنه

ربي يوفقكم يا سنة ثالثة طولت في الكلام

[Mecooo]

المشاركة الأصلية كتبت بواسطة weddah يا هلا ميكوو عفوا مقدما مبروك اول شي خلصتووا سنة ثانية اخيرا الحمـــــدللـــه سنة ثالثة مره احلى ومريحة اكثر وتحسي خلاص خلصتي من الاساسيات وبدأتي تصيري اخصائية وتفهمي في العلاج الطبيعي كويس واااااه الله يطمنك يا رب ودكتورة ايمان قد درستكم واكيد تعرفي قد ايش هي مره كويسة وطيبة حتعطيكم العملي وتجي معاكم المستشفى يـــنـــاسوووووو ربـــي يسعــدهــا الفارما الله يعينكم عليها نفس ثقالة الدم حق البايوكمستري الهدف في هذي الماده هو النجاح الله يعين بـــس عجبتني كلمــــة النجاح ههههههه الفسيولوجي مره احلى من حق سنة ثانية لانه خاص بالعلاج الطبيعي ممتع وحلو الباثولوجي ماده دسمه شوية وثقيلة يبغالها مذاكرة بس حلوه ومفيدة كثير وووبس هذا هو الترم حلوووووووووووووووووووووووووووو صح نسيت اهم شي المستشفى حتكون مع دكتور شهاب برضو وحتسووا الاشياء اللي درستوها في العملي لكن على المرضى حتروحوا في هذا الترم للمرضى المنومين تعرفوا كيف تاخذوا بياناتهم وتقيسوا الضغط وتسمعوا بالسماعة صوت القلب وصوت النفس وتسوولهم تمارين تنفس مثلا او تمارين تقوي الدورة الدموية في جسمهم يعني اشياء بسيطة بس يوم المستشفى مره ممتع وحتنبسطوا فيه يحممممممممممسسسسسسسسسسسسسسسسسسس ربي يوفقكم يا سنة ثالثة طولت في الكلام

بالعكــــــس الله يسعدك يا رب دنيا واخرة
و مبروووك لكم صرتو سنــــه رابعه
عقبالنــــــا يا رب:15

[bayan sait]

المشاركة الأصلية كتبت بواسطة خليني معاك يا مرحبا بالدفعة الجديدة بالنسبة للدوام تقريبا من 8 الصباح الي 3 او 2 الظهر هذا المنول طبعا وهذا رابط للجدول http://pt.kau.edu.sa/show_files.aspx...=142004&lng=ar و هل ننزل المستشفى في دي السنة ؟ لأ لكن سنة ثالثة أيه موفقين خير ان شاء

شكراً كويس الدوام مو طويل كنت حاطة في بالي انو الدوام الين العصر

[funno]

اممم بالنسبة للدكاترة لا تتحمسوو معاهم مررا بالزات اي بروفيسور ممكن يبدا اسمو بحرف خالد ممدوح
طبعا انا اتكلم عن البنات ,
وبالنسبه للدوام الين 4 عادة
وبالتوفيق
مع اني ما احب الدفع اللي اصغر مني < معليش بس انا شريرة نوعا ما

[bayan sait]

المشاركة الأصلية كتبت بواسطة funno مع اني ما احب الدفع اللي اصغر مني < معليش بس انا شريرة نوعا ما

حبووو نحنا

[memo_o]

طيب في قبول ترم ثاني ولا كل بداية سنه بس

وكمان التشريح يعني تشريح بني ادمين ؟؟o_o

[JoudY]

المشاركة الأصلية كتبت بواسطة memo_o طيب في قبول ترم ثاني ولا كل بداية سنه بس وكمان التشريح يعني تشريح بني ادمين ؟؟o_o

للأسف القبول بيكون بدايه كل سنه

وبالنسبه للتشريح احيان بيكون قدامك بني ادم كامل او ذراعو او رجولو
لكن احنا ما بنشرح بنفسنا ولا بنمسك ( لكن لو في حد عاوز يمسك يمسك مفيش مشاكل ) بس نتعرف ع العضلات
الجثه بتيجي مشرحه والدكتورة تورينا العضلات