خلونا نطالب ببوابه خاصه لمبنى420

[فرفوووشة]

مرحبا بنات كيفكم
بليز نبغى نكون يد وحده ونرسل لمدير الجامعه يفتحو لنا بوابه لمبنى420
و ربي اخد 7 دقايق جري حتى اوصل للمبنى و10 دقايق لما امشي براحتي لو اني اطوف بالحرم خلصت طواف بالوقت دا !!!
والدكتوره تقول فتحو قبل كم اسبوع بوابه وقفلوها قالو انو الطالبات ما استخدموها وتقول احنا اعضاء هيئه التدريس ما وصلنا خبر
وحده شطوره تكتب لنا موضوع صغير توضح طلبنا وكلنا نرسل لمدير الجامعه انا ما اهتم للجامعه الا بالمشي خلاص رجولي اتكسرررت ارحمونا
لا تقولولي القولف كار من البوابه للمبنى اركب 3 سيارات والسياره التانيه تلف فيكي الجامعه كلها وياريت نلاقيها فاضيه بس اقرب من السياره وتنزل البنت اطالع عشره راكبين بدالها
بليز بنات خلونا نتساعد ونرسل للمدير عشان يفتحو لنا بوابه خصوصا انو المبنى مزحوم يعني 50 بالميه من المحاضرات هناك لو مو اكتر
المطلوب موضوع نرسلو للمدير وكمان ايميلو

[m!ss dana]

حسب علمي انه جنب المبنى فيه بوابه تحت الأنشاء.. ومدري متى بيفتحووها؟!

[فراااااشة]

ايوة قالو في لقاء العميدة انهم حا يفتحو بوابة

[روووني]

وكمان في اللقاء اللي عملوه لكليه الاداره والاقتصاد قالو كلام كتير عن انهم حيفتحو البوابه

بس داك اللقاء بصراحه كان لعب بعقليه البنات كل ماتقوليلهم عن انك تبغي شي يقولوا حتى في جامعتنا موجود بس انتو ماتسألو روحوا الشؤن يعني حسيتو كأنهم مجبورين على انهم يسوا اللقاء

[رمآد السنين]

رددو ياليل مطولك هههههههههههههههههه

[أماني العمر]

اللي اعرفه موجوود بوآبه قدآم مبنى الاداره ..
بس اللي اعرفه كمآن انو مو اي احد يدخل منها فقط الاداريآت ودآيم اشووفهم دآخليه منها طبعاً لانها قبآل مبنى الادآره عشآن لايتمشوروا حبآيب قلبي زينآ
واذا فيه بنآت اظن بتصرييييييييح <- هالنقطه مومتأكدهـ منهآآ


لآزم نحآول انها تكون مسمووحه للكل عن جد مشوآر يكسر الظهر بالذآت لاكآن عندي محآضره قبلها في 43
ييييييييي الله يعين بس

[ع ـبث طـفلهـ]

اااااااااااااااهـ من جد وربي معاااناااه اليوم كان عندي اختبار ومتأخره خمس دقايق وعشر دقائق مشوار يعني بعد 15 دقيقه دخلت اختباري

وعاد شوفوا التعب واختبر وتحليل كمي بعد الله يسامحهم متى راح يفتحو البوابه من جد تعبنا

[Miss.law]

خخخخخخخخ

..

بجد ياليل مطووولك

[همس المشاعر]

ياليت لو يكون فيه بوابة

[فرفوووشة]

شكلهم من جد مطولين
وانا ما سمعت انهم حيفتحو بوابه ولو فتحوها مو قبل سنه قدام
تسلمو ع المشاركه