الاعضاء الجدد والمنتدى

[يلدرم]

كثير من الطلبة يسجلو في المنتديات الجامعية في هذه الايام بسبب القبول والتسجيل

فأكيد منكم من هو مسجل في منتديات للجامعات الاخرى ويشارك فيها حتى لو مؤقتا

ابغى انطباعاتكم عن المنتدى وعن غيره من منتديات الجامعات الاخرى واذا فيه امور موجودة هناك وغير موجودة عندنا

اتمنى في حال وجود امور ايجابيه ذكرها حتى نعمل في السنوات القادمة على تقديمها للطلبة علما انه في الايام القادمة راح يكون هناك شرح للنظام الجامعي وقد تمت كتابتها ولكن ننتظر اعتماد قبول الطلبة في الجامعة

اللي راح ينقبل في جامعتنا متأكد ان المنتدى بالنسبة له راح يكون ادمان

اتمنى مايكون فيه اي استفسارات عن القبول في هذا الموضوع فقط لكتابة الطروحات لكي نستفيد منها في المستقبل

[M!sS Wd]

انا كنت مسجلة عشان كم سؤال وخلاص .. بس المنتدى عجبني جيد .. ويعتبر احسن بكتـــــــير من باقي المنتديات حقت جامعة الملك عبدالعزيز ..

[MNMO0ONA]

انا طبعا مني جديده عى المنتدى
لاكن بصراحه من افضل المنتديات اللي شوفتها
ولو ماكان عاجبني ماكان استمريت فيلو
واشكر كل القائمين عليه
والى الامام

[عصر الحاسب]

أولا :

من لا يشكر الناس لا يشكر الله

أتقدم بوافر الشكر لكل من ساهم في رقي هذا المنتدى ؛ لأنه من جد منتدى راقٍ بمعنى الكلمة

وكثير منتديات لاحظت المشرفين تعاملهم ينقصه الكثيـر من الالتزام والأخلاق العامة بين الجنسين ،

إلا إني وبشهادة حق لا أبتغي منها شيئا المشرفين هنا غيييييييير عارفين اللي لهم واللي عليهم

وقوانينهم تحد كثير من الانجراف اللا أخلاقي ...


ثانيًا :

بالنسبة لي وصلت لحالة الإدمان على المنتدى والدخول له صار بشكل عفوي

ومسجلة فيه من زمان

ومني شايفه فيه اي شئ سلبي كل شئ نبغاه هنا ، والمعلومة توصلنا بشكلها الصحيح

ونلقى رد من القائمين عليه جزاهم الله كل خير ،

ثالثا :
عندي اقتراح واستفسار :

استفسار :

فيه منتدى آخر بنفس اسم هذا المنتدى ، ما أدري تابع لهذا المنتدى أو لا ؟
الاقتراح:

أتمنى يكون فيه شوية مراقبة على الأقسام غير التعليمية كالعام ولها ...إلخ لأنه في مواضيع

يتطرق لها الأعضاء من غير الجائز البحث فيها أو إعطائها حق النقاش كونها تمس الدين بصلة...

هذا والله أعلم

وشكر الله لسعيكم الحثيث

[رجة شوي]

حط في بطنك بطيخه صيفيمنتداكم من أحلى المنتديات

ماشاءالله عليكم ماتقصرون تتفاعلون مع الاعضاء

لكن بيني وبينك كيف كشفتهم يادافور انهم مشتركين في منتديات تانيه ليكون كنت تسويه ايام الجامعةاعترف ؟؟؟

[سُكر محروق]

1-بالنسبة ليا أشتركت في منتديات جامعة الملك عبد العزيز الأخرى ، بس كان بعضها محصور في أشياء معينة وأقسامها غير مستوفية لحاجات الزوّار أو المشتركين ، وكان هذا المنتدى الوحيد الي أستوفى أغلب الأشياء حتى في تنظيمه كان الأفضل.

2- عندي إقتراح إنو الأعضاء الحاليين والموجودين في جامعة الملك عبد العزيز يعرّفوا الطلاب الثانيين من نفس الجامعة على موقع الجامعة لإنو أكيد البعض مايعرفه . وبالتالي يمكن البعض يدخل لغرض الإستفسارات في الأقسام الموجودة والبعض الآخر يفيد بخبراته الجامعية . وحتى نقطة الإستفسارات تعتبر نقطة لتقدم المنتدى لإنو يمكن في أحد عندو إستفسار ويلقى إستفسار مشابه لإستفسارو بالتالي كل واحد يثري الموضوع بما يعرف .

3- إنو الأعضاء المستجدين في المنتدى وانقبلو إنتظام - بإذن الله الكل - يشاركو في المنتدى بالخبرات الي أكتسبوها في التقديم ولولفترة معينة ، في حال ماعندهم رغبة في المشاركة دائماً . يعني يحطو في بالهم إنهم بيقدمو خدمة عظيمة ولو لفترة معينة عشان يكون في إقبال أكثر للمساعدة.

[E7sasBanota ~]

السلام وعليكم ورحمة الله وبركاته

انا مو مرة جديدة

بس أحب أشكر بجد كل من ساهم في رقي هذا المنتدى بمديريه ومشرفيه ومؤسسيه وجميع الأعضاء

وانا سجلت بكثير منتديات بعضها تحمل نفس الإسم تقريبا وبعضها لا

بس بصراحة ماشفت تفاعل من اعضاؤه مثل هنا بجد ..

وهادا اللي مخليني استمر هنا واتابع دا المنتدى

والله يعطيكم الف عافية يارب ..

كل الود

[أطفال]

أولا :

شكرا كبيرة للمنتدى لأنه كان بمثابة مصباح ينير لنا طريق الجامعة بعد الله ............

ثانيا:

الشكر موصول للأخ ((يلدرم)) أسأل الله العلي القدير ان يزيدك درجة في الجنة بكل إجابة ومعلومة وفائدة .....
فالله في عون العبد ما دام في عون أخيه المسلم .........

ثالثا :

شكرا لأنكم ستقومون بكتابة عن النظام الجامعي فنحن نحتاجه فعلا وبالذات من لا يجد المساعدة في عالمه وأسرته ..

رابعا:
شكرا جزيلا وأسأ الله ان لا يحرمكم الجنة ..............

[أبو الحارث]

الميزة الملاحظة سرعة الرد والإجابة الشافية ع الاستفسارات غالباً.

تمنياتي لكم بالمزيد من التقدم والتوفيق والسداد .

[يارب بكره أحلى]

ماشاء الله منتدى رائع وراقي وطرحه هادف ...

انا ان شاء الله والكل ننقبل انتظام ولا يمكن اغير المنتدى بإذن واحد أحد ...

انا اوراقي كملتها ولله الحمد بفضل الله ثم بفضل جهود المشرفين والاعضاء ...

شاكره لكم حسن التعامل والدقه في نقل الخبر ..

وسرعة الرد على الاستفسارات بإجابات شافيه و واضحه ....

أرجوا لكم دوام التميز ...