استفسار لبنات قسم دراسات الطفولة

[dalo90]

السلام عليكم ورحمة الله وبركاته
انا طالبه سنه تحضيرية قسم العلمي
انا عندي استفسار واسئلة كثيرة بخصوص هالقسم لاني انا احب الاطفال كتيييييير وخصوصا اللي اقل من ثلاث سنوات وعشان كذا حبيت هالقسم بس ايش الوظيفة المناسبة بعد التخرج ان شاء الله
يعني ممكن اصير مربية في حضانه ؟؟ وانتم يا بــــــــــــنات ايش رأيكم في وظيفة مربية؟؟؟؟
طيب القسم اللي يدخلوة ادبي وعلمي ولا بس علمي؟؟؟؟؟
وانا سمعت انه القسم يتطلب اعمال يدوية طيب انا ماعندي حس فني ابدااااا وكمان ما احب الرسم يعني ما ينفع ادخل الا اذا اعرف اسوي اعمال؟؟؟؟؟؟
شكرا مقدما وعذرا اذا طولت عليكم

[ساكنه في بيتنا]

و عليكم السلام و رحمه الله و بركاته

شوفي الموضوع دا ان شاء الله يفيدك
نبذه عن قسم دراسات الطفولة

ودا كمان
http://www.skaau.ws/vb/showthread.php?t=53026

و اذا على الشغل مرررررررره قمسنا فيه شغل لانو اغلبه عملي .. و اغلبه انتي تفكري فيه و تبتكري من راسك .. لو حبيتي الشي شويه شويه حتتعلمي ..

المهم يكون عندك طوله بال ..

اذا على الوظيفه .. مالك ومال كلام الناس ,, شوفي انتي ايش تبغي و اتوكلي على ربنا و شدي الهمه لو جلستي على كلام الناس اقلك هيا من تحين لا تدخلي الاقتصاد المنزلي بكره .. لانو حيجيكي احباط .. و الله العظيم فيه ناس ومهم قليل يسألوني ايش قسمك اقولهم دراسات طفوله يقولولي ايش دا ؟؟ هو في قسم زي كدا .. تخيلي انتي بس ..
دا غير النظره اللي مني عارفه من فين تطلع لمن تعرف انك اقتصاد منزلي !!

و على فكره اغلب الاطفال اللي بندرس عليهم من 3 - 8 او 9 سنوات ..


( ياريت قبل ما تنزلوا أي موضوع تتأكدوا إنو مافي موضوع يتكلم عن نفس أسألتكم ) ..

[dalo90]

شكرا كتيييييييييير على ردك

بس ان ما حب العملي
طيب مارديتي على سؤالي يدخلوه علمي ولا ادبي؟؟؟
وايش رأيك في اني اصير مربية اطفال في حضانه؟؟؟

[dalo90]

بنات ليش مارديتو علي

ايش رأيكم في وظيفة مربية اطفال في حضانه؟؟؟

[ساكنه في بيتنا]

اولا دراسات الطفوله سار من القسم الادبي ..

تانيا .. مني فاهمه ايش تقصدي بالمربيه ,, يعني تشتغلي في حضانه الروضه مع الأطفال اللي عمرهم بين 2-3 سنوات .. ؟؟

اذا كان دا اللي تقصديه .. سبق و قلتلك دام الشي عاجبك لا يهمك كلام الناس ,, واذا كنتي حاسه انو كلام الناس حيأثر عليكي لا تدخلي الاقتصاد منزلي بكره


ممكن تختاري كلمات أفضل من اللي كنتي كتبتها !!

[dalo90]

مشكورة كتييييييير اختي ساكنة في بيتنا
وايش بالضبط اللي ما عجبك في اسلوبي؟؟؟؟؟؟؟
ع العموم معليش اذا ازعجك اسلوبي

[ساكنه في بيتنا]

العفو .. انت ادرى بالكلام اللي كنتي كاتبته !! ..