بخصوص المحاسبة 101

[انا غلا انا]

صبايا تكفون انا اخذت المحاسبه 101مع نهال ورسبت بعيد عنكم تنصحوني اخذها مع مين دحين ؟؟ ورسوبي فيها حياثر بس في معدل الترم الي فات ولا حيستمر ؟؟ وكمان ادا اخذت 17 ساعه المعدل يرتفع ولا لا؟؟؟؟؟؟؟؟؟؟؟
بليز ساعدوني لان معدلي طاح بجد حايسه في المحاسبه الله يوفقك الجميع يااااااااااارب

[nejoud boss]

أنا مثلك أخذتها مع نهال ونجحت عالحفه بس أنا جربت ريم صقر في محاسبة 2 مررررررره جيد وشرحها كويس بس تحاسب عالحظور والغياب كثير

[انا غلا انا]

مشكورة نجود عالرد
تسلمي

[anwaaaar]

سارا بكر راااااااااااااااائعه في كل شي ...شرحها يجنن وتعيد من قلبها بكل ادب واحترام
...ومتفهمه ومتعاونه فالحضور والغياب بس اذا كنتي بعذر من جد ...

ريم صقر شرحها مره كويس بس شديد فالحضور والغياب...بنات كتير يحبوها ..بس انا ابدن ماارتاح معاها .. بس فالشرح مره مره متمكنه بس يبغالك تحضري دايما لانو يعتمد على بعضو ..

لو حطيتي الماده فراسك صدقيني حتنبسطي بيها ..

انا اخدتها مع ريم ومره تعبت معاها رغم انو شرحها ممتاز بس سبحان الله ماكنت ارتاح فمحاضرتها ..وكانت درجاتي زي الزفت ..تقريبا كنت على حافة الرسوب..وقبل الاختبار النهائي حذفت الماده تخيلي....!! قبل الفاينل بيومين ..

واخدتها السمستر الي بعدو مع سارا جبت a...
احضري دايمن وذاكري وحلي واجباتك .. صدقيني مره ممتعه الماده وترفعك إن شاء الله ..

[كونتيسه]

اهلييييين عسوله

مايحتاج ازيد على كلام الاخت انوار

ساره بكر انسانه قمه بالروعه اخذت معاها محاسبه حكوميه

موفقه حبيبتي

[leen12]

خديها مع ريم صقر او سارة بكر دول احسن شي

[انا غلا انا]

يارب يسلمكم يابنات
انا اخذتها مع نهال ورسبت بعيد عنكم واخذتها بعدين مع ريم صقر المن قبل الاختبار واعتذرات حسيت اني حارسب ودحين حانزلها مع ساره بكر وانشاااااااااااء الله نتوفق يارب

ومشكورين عالنصيحه طيب ينفع انزل محاسبة 101 ومحاسبة 102 بنفس الترم

ومعليش صبايا زيادة الساعات تزود المعدل ولا ايش العلاقة بالزبط

الله يسعدكم

[انا غلا انا]

الحقوني الاستاذه ساره بكر مو نازله بالشعب
كيف الاستاذه شريفة حسن مصطفى لمحاسبة 101

[lolyta lawlaw]

بنت مين احسن استاذه عيشه ولا استاذه ريم؟؟؟؟؟؟؟؟
بليييييز ردووو