%% ليش الوظايف المحترمة اختلاط ــــــــ طيب واحنا ؟؟ ايش الحل

[أحلام مبعثرة]

المشاركة الأصلية كتبت بواسطة rubi اهلييييين ياعسل زورينا فالموضوع التاني المثبت ونورينا فيه

وين الموضوع الثاني
وأيش اسمه

[rubi]

مثبت ياقلبي
عنوانو حنفكر كلنا مع بعض
يلا بسرعة شوفيه وادينا رايك لاني يممكن اسوي جديد


نورينا فيه ياعسل بافكار واقتراحات

[رحلة النور]

روبي والنعم في العقلية والاخلاق الله يحفظك

وانا كمان ابغى وظيفة غير مختلطة

يارب توفقنا يارب

جزاكن الله خير

[rubi]

المشاركة الأصلية كتبت بواسطة رحلة النور روبي والنعم في العقلية والاخلاق الله يحفظك وانا كمان ابغى وظيفة غير مختلطة يارب توفقنا يارب جزاكن الله خير

اهلييين ياقمر

كلنا نبغا هههه

تعالي نورينا ياعسلة في موضوعي التاني ياريت تنوريه بافكار جميلة زيييك

نستناكي ياقمر

[غلا الروح]

والله في كثيييييييييييييييييير
دايم اشوف
وظايف بدون اختلاط في منتدى البطاله..
بس بشروط طبعا..
الله يوفقكم..
واذا شفت شي جديد اقوللكم ان شاء الله

[حلوة المعاني]

اي والله صادقين كانهم ماصدقو على الله
في بنات مامعهم غير الثانوي وفاهمين بالانجليزي كثير وعادي يكشفو ماسكين احسن الوظائف الله يرزقهم ويرزقنا
لكن صار الاساس والشرط في توظيف الفتاه عندنا هو انها تكون كاشفه

شوفو الموقف الي صار لي يوم جيت صندوق الموارد البشريه الموظفه الي بالدور الخامس
قلت لها انا مسجله بحافز وبهدف وبوزارة العمل وبكل مواقع التوظيف وماجاني اي عرض وظيفي
راحت قالت لي اولا انتي تقبلي بالاختلاط
طبيعي اقولها لا راحت قالت اجل مالك وظيفه عندنا مره قلة ادب صراحه

وياليتها جت على الاختلاط وبس انا ممكن اشتغل في مكان محترم وبكامل حجابي الشرعي
لا الحين صار ممنوع النقاب

زي مره كان في مستوصف قريب من بيتي وقلت يالله بجرب شهر بس وبشوف وكان الراتب 3000ريال
واتصلت وقلت له عن مؤهلتي وبعدين قلي ليكون انتي من نوعية البنات اممم وسكت
وقلت كيف يعني اقال منقبه قلت ايوه المهم واضح انو مايبغى وقال خلاص قدمي وفي حال لو احتجنا ندق عليك
على انو الاستقبال الي بالدور الثاني فاضي والدور الاول بس في وحده
والله حتى الدكتوره وحتى الممرضات يوقفو على الاستقبال لكن واضح عندهم يتعطل الشغل ولايرضو بالمتحجبه
لكن الله لايحوجنا لهم يارب


وللاسف جتني عروض وظيفيه كلها تناسب مؤهلي لكن فيها اختلاط زي
مساعده اداري بشركه لكن قالولي مديرك المباشر حيكون رجل ورفضت والله يعوضني خير

ومره مسؤوله ارشيف وتصدير كمان في شركه لكن للاسف ماجاني رد منهم على انهم قبلوني بالمقابله الشخصيه الي كانت بالمقر الرئيسي للشركه
لكن الموظفه الي اخذت اوراقي الي بالمكان الي بتوظف فيه قالت كيفك مع الاختلاط قلت لها اذا طبيعة العمل تحتاج اكيد بقبل لكن في كامل حجابي الشرعي وقالت اوكي حطي اوراقك واذا جا المدير من السفر اكلمك وكل ماتصل عليها تقولي بعدين بعدين واكتشف انو المديرالي بيجري معاي المقابله موجود وهي كانت تصرفني شكلو موصيهم مايقبلو المتنقبات

[ba7r el masha3r]

بناات اللي محتاجه وظيفة في قسم نسائي حيتم افتتاح مركز سبا + جيم في جدة في التحلية ,
خلال 5 شهور بالكثير إن شاء الله و حيحتاجو عدة تخصصات
تسويق + مبيعات + استقبال + محاسبه + موارد بشريه + مشرفات + مدربات

برواتب مغريه و بدلات وعلاوات سنويه

الشروط :

1- اجادة اللغه الانجليزيه
2- حسنة المظر + لبقة في الحديث والتعامل
الشهادة الثانوية او الجامعيه

ارسال السيرة الذاتيه على الايميل مع الأخذ بعين الاعتبار كتابة الوظيفة المتقدم عليها في عنوان الايميل الموضوع ولن يتم النظر في أي متقدمة بدون كتابه الموضوع الوظيفة المتقدمة عليها :
hr@alkanaah-international.com