آخر ماكنت اتوقعه من مادة الخدمة المدنية

[غوار الطوشي]

السلا عليكم ورحمه الله وبركاته
اتمني التوفيق لجميع الطلاب والطالبات في جامعتنا الموقره
ولكن أحببت ان استوضح بعض مايدور في مخيلتي وأردت مشاركتكم
في هذا
اولا : نزلت درجه الخدمة المدنية وجايب ابو جلمبووووو.
ثانياً : انا اعمل موظف حكومي في قسم شوؤن الموظفين لمده تسع سنوات
و أدير معاملات لأكثر من تسعين موظف والجميل انني عند مذاكرتي للماده
لم استغرب من محتواها وذلك لطبيعه عملي .
ثالثاً : هل يعقل ان ارسب في المادة رغم اقتناعي بجتيازها وبدرجه حلوه وذلك لتماشي الماده مع ما اقوم به من أعمال ارجو ابداء ارائكم لكي استنير بها

آسف للإطاله ولكن اقسم بالله انني متضايق لدرجة كبيره ولكن لا أقول الا اللهم ارزقني خير ماعندك

[كاتب العدل]

والله اانا ذاكرت من ملخص وتوبة اذاكر من الملخصات والمهم يوم شفت الاسئلة بغيت ابكي واعتمدت على خبرتي العامة في عملي مع بعض المواضيع الي مذاكرها وطلعت ابي درجت النجاح والحمد الله عديتها بدرجة حلوة

[تهورت ودرست]

الله يعينك

طيب راجع واتوكل ع الله

[غوار الطوشي]

مبروك النجاح للي عدووووها بسلام
والله شي يقهر شي يطفش

[abu.hossam]

الله يعينك والله التصحيح فيه ظلم كبير
انا ماعندي ولا خطأ ومتأكد اني حلي يؤهلي للحصةل على 100 درجة
لكن للاسف طلعوا لي 6 اخطاء من لا شيء وحسبوا لس 88 درجة
ولكن نقول حسبنا الله وكفى حسبنا الله الذي هو حسبنا

[شجعان]

وانا بعد اخذت ابو جلمبو

وكنت طالع من الاختبار والمزاج رايق لسهولة الاختبار وكنت ضامن النجاح واخرتها f

[أمير بكلمتي@@]

الله يعينك وهذا رقم الدكتور تراه متفاهم 0505611669 كلمه لعلا وعسى يفيدك ويعيد تصحيح ورقتك دعوووواتك لي

[ARABM4N]

تصدقون هذا والله اللي صار معاي هالترم

مواد أطلع منها ومبسوط وبعد طلوع الدرجة الآقي الشيخ f أمامي فاتح خشتة
ولسان حالة يقول ويحكي لسعادة راسي الموقر :
يحليلك مصدق نفسك يالحبيب يوم الأختبار شكلك ما تعرفش حاقة عن الوضع

ومواد أطلع منها وأقول يالله في درجة النجاح وأطلع والنفس خايسة ولو يقول لي أحد سلام
جبت العيد فيه وحطيت ما فيني من حرّه وقتها عليه وأخلاق تجارية بحتة وياحظ اللي بعيد عني

هذه الآخلاق طبعاً درستها وتعلمتها في مادة آخلاقيات العمل
ولكن غيرت الأسم فقط الى آخلاقيات الشارع العام
ترى صغرت الخط شوي خفت لا يسمعني احد ..!
شويه شويه لا أحد يسمعكم أهل عرقة مشغلين الرادار
وعندهم ساهر مجنون الكاميرا عندهم الزوووم حقها عالي
والرزليوشن 200 ميقا وياووويل اللي يتحرش فيهم


وبعد الكلام هذا كله طلعت النتائج وألقى الشيوخ الكرام a و b أمام ناظري يالبى ولبى هالطلات الحلوة
نعنبوكم وحشتونا وين رحتوووا ووين ديرتكم الشباب يدورون عليكم وش هالتغلي كله

على العموم

شكيت في نفسي لا يكون أحد يختبر معي من مستشفى عرقة
اللي بالرياض ... الأ على فكرة ...
ما جابوا الكلام عنه هالمستشفى الأ وقت الأختبارات ... وش الهرجة ...!

اللهم لك الحمد على كل حال ... الدنيا معترك حياة ... والخير فيما أختاره الله لك يالأنسان
الحمد لله رضينا وقنعنا وحسبنا وحسبكم الله

[غوار الطوشي]

الله يجزاكم بالخير جميعاً ومشكور يا أمير بكلمتي على طرحك رقم الدكتور مع تمنياتي للجميع بالتوفيق ونشوووووف الممتاز حظنا وحظكم بإذن الله تعالي

[غوار الطوشي]

الاخ عرب مان ياشيخ انا في المحاسبة الحكومية مأخذ مدرس ومراجع المادة ودخلت الاختبار اشوف الاسئله ملتوية وحاط الاختيارات مدري كيف يبغي لك محلل نفسي عشان تحلل الاختيارات نسأل الله لنا ولكم ولجميع طلاب وطالبات الجامعة بالتوفيق