ارتفاع/نزول نسبة قبول الطب...

[khalid1992715]

السلام عليكم .. كيفكم جميعا .
طلاب دفعة 2011(اولاد) كانو أعلى دفعة في نسب القبول اتوقفت النسبة العامة على 92.52 والموازي كانت : 83.240
ودفعة 2012 كانت : 89.74
والموازي كانت : 84.889
ف"تتوقعوا" .. انو نسب السنة ذي حتكون أعلى او اقل؟ :)) )توقعااات فقط !

[ReRe.H]

اتوقع اعلى

مدري ليه احس دفعتنا شاااااااطرة ماشاء الله
بالذات البنات <


نفسي اعرف اذا فيه طريقة نشوف بيها المعدلات حق الترم الاول
يعني الأغلبية نازلة ولا طالعة !! اللي يعرف يقوللي

[khalid1992715]

والله مي تووو نفسي اعرف -.-"" بس ما اعتقد انو مرتفعة بالنسبة للاولاد .. اما بالنسبة للبنات مشالله صلاتي ع النبي ما عمرها كانت نازلة .. :)
بخصوص االلي يدخلوا يقروا ويخرجوا .. ! ياخي قولوا لنا اش رايكم :) ..

[Amal Bakhsh]

والله مدري عن نسب الاولاد لأنها تترواح كل سنة..اما نسب البنات كل مالها تزيد ههههههه

[SamuraiQ]

ياخي طب طب طب @@ احس كل العالم تبغى تغصبك على تخصص @@ ما ادري ايش اللي يعجبكم في تقطيع الناس وكدا

واللي اصلا مخوفني منه انه حتى لو سويت العمليات او الأجراءات بالضبط مثل ماهو مكتوب في كتاب الطب حقهم يمكن المرض يموت >>وشخصيًا لو انا بأقعد اقول كان في يدي اني اسوي شي وباوسوس وبتنتهي حياتي >>

المهم اتركوكم من الكلام اللي فوق هدا كان فضفضة وكدا لانه كل واحد قابلته في حياتي يقولي خش طب
طب طب طب

الله يوفقكم وشدوا حيلكم وإن شاء الله مقبولين

[Lujain :)]

^


ههههههههههه وآنا معاك صح كلامك , فيه ناس مآ أدري آيش فكرتهم عن الطب !!
ترآ مو كل شآطر لازم يدخل طب ! هي مجرد رغبة للي يحبوه والله يوفقهم

وبالنسبة للنسب لكل الكليات مو بس الطب آتوقع حترتفع ..
ماشاء الله تبآرك الله بنات بالهبل خمسسات :pP
بس الأولاد الله اعلم : D

دورو آحد عندو وآسطهه بالجامعة ويقولكم
بالتوفيق للجميع ()

[_soso_]

العادة بالنسبة للاولاد ترتفع زيها زي البنات بي السنة الي فاتت الاولاد سمعت انهم خبصو بشكل فظيع بالاحياء عشان كذا النسب نزلت
البنات اخ بس اش اقول كل مالها النسب ترتفع اقل نسبة العام 93 وشيء للموازي طب
والله مادري ليش دايما البنات ادفر من الاولاد هو جينات ولا ايش
والسبب الثاني ليش كل العالم وخصوصا البنات يبغو طب اي واحدة اقابلها تبي طب
معقولة لدي الدرجة كلهم يحلمو بالطب مافي واحدة ماتبي طب خخخ
للاسف احنا فاهمين التخصصات غلط كل واحد وقدرته وطموحه
تدرس شيء تحبه وتبدعه فيه احسن من تدرس في شيء ماتحبه لمجرد انك دافور
عذرا اذا كتبت كلام كثير بس حبيت افضفض شوي والله يوفقنا كلنا

[قروشـ]

في الترم الأول كنت مع شعبة دوافير فلو سألتني ذاك الوقت اقولك اتوقع النسب بترتفع :) , لكن الترم الثاني انا في شعبة المتوسط جايبين حول 3من5 فأتوقع النسبة تنزل .

اريد أؤكد كلام الاخوان عن تخصص الطب , ادخلوا التخصص الي تحبونه وإذا دخلتم تخصص تكرهونه تذكروا ان هذه بتكون وظيفة المستقبل , يعني حياتك بتكون نكد

[A0S0F0]

بالنسبة ليش الفرق بين موزونة الطلابب


هي سبب واحد وأتحدى أي أحد يدخل وينكر



البنات /

أغلب دكتوراتهم يشرحون بذمة وضميرر

وخصوصا الفيزياء لا حظت كل دكتورة مسوية

تست بانك وملخص ومدري إيش

اما حنا الفيزياء

اللة يخلي لنا

الثلاث المرح

زويل , العربي , بركات

وهذا السبب في نزول الطلاب

مع إن أسئلتنا أسهل بكثير منكم



آي إعتراض

[B_13]

بصراحة انا قدراتي هندسية و ابغى ادخل طب ؟!!

ابغى اسوي زحمة