دورة مصطلحات طبية لهذا الصيف لطالبات كلية الطب دفعة التحضيري (2009)

[نابغة]

المشاركة الأصلية كتبت بواسطة M!ss Mojy والله ياعسل اذا انتي فاضية وماوراكي شي تسويه يعني مو مخططة على سفر او شي زي كذا واذا السعر مناسب لك .... يعني روحي مابتخسري شي وخاصه ان بتكون استفادتك اكثر مننا لان علطول بعد الكورس راح تدرسي طب مو زينا يعني لازم نراجع المصطلحات من جديد وبرضو مااكذب عليكي واقولك الدورة جــــــــــــــــدا مفيدة يمكن هيا ممتعة اكثر من انها مفيـــــــدة بس انا عن نفسي مرررررره ماندمت اني اخذت هذا الكورس يعني عالاقل يكون اخذتي شي مفيد في الصيف بدل الوقت الي نضيعوا

موهنا المشكلة المشكلة إنه ماأقدر أخذها لحالي لازم قروب بنات ومافي عدد بنات اتصلوا وسجلوا فهنا لازم ننتظر على witing
بس نفسي أعرف المدارس اللي أخذوها لمنحة دلة البركة ماشاء الله واضح إنها منحة رائعة لأنه عندي واحدة من قريباتي تبي تسأل عليها وشكرا لمرورك

[مجتهدة ومستنية النتيجة]

بصراحة هي كانت منحة للطالبات المثاليات ولبعض المدارس كمان ..عشان كدا ما أعتقد إنوا التسجيل فيها مفتوح لأي أحد من الطالبات ,,
تحياتي

[memestudent]

مرررررررررة شكرا على الرد

[نابغة]

طبعا هذه القائمة حتكون للعضوات اللي يبغوا يسجلوا في دورة مصطلحات طبية وأنا من رأيي نشوف عدد العضوات مع قرار تفضيلها لأي مكان والمكان اللي حيكون أكثر تصويت حنروح فيه (كلية دار الحكمة أو فيوتشر)
حبدا أكتب اسمي في القائمة وياريت كل وحدة من العضوات تكتب اسمها مع تحديث الأسماء1
1- نابغة "دار الحكمة"

[kind]

طبعا هذه القائمة حتكون للعضوات اللي يبغوا يسجلوا في دورة مصطلحات طبية وأنا من رأيي نشوف عدد العضوات مع قرار تفضيلها لأي مكان والمكان اللي حيكون أكثر تصويت حنروح فيه (كلية دار الحكمة أو فيوتشر)
حبدا أكتب اسمي في القائمة وياريت كل وحدة من العضوات تكتب اسمها مع تحديث الأسماء1
1- نابغة "دار الحكمة"
2-kind(فيوتشر <<<لأنو حسيت مهتمين بالموضوع اكتر من دار الحكمة)

[نابغة]

على فكرة يادكتورة kindموشرط إنهم مهتمين بالموضوع يعني الأفضل ومانعرف فين الخير كل واحد يستخير وربنا يختار لنا اللي فيه الخير واحنا ان شاء الله لو اكتمل العدد على الأقل ثمانية حنروح دار الحكمة ونكلمهم لأنه العدد المطلوب لدار الحكمة عشان الدورة تتعمل على الأقل 6بنات أما فيوتشر طالبين على الأقل 10 بنات وبلاش الإجازة تضيع علينا واحنا ماقررنا لأنه احنا الحكم الفاصل شكلي حأخرج عن الموضوع على العموم فقط ياريت اقتباس الأسماء دون الكلام

[نابغة]

أسماء العضوات

1- نابغة "دار الحكمة" 2-kind(فيوتشر <<<لأنو حسيت مهتمين بالموضوع اكتر من دار الحكمة)[/quote]

[kind]

انا محا تفرق معايا سواء في دار الحكمة او فيوتش
ر لانو كمان مو عارفين مين الافضل فمع الاغلبيه

[زهور اللافندر]

بسم الله الرحمن الرحيم

.


ُأسجل في دار الحكمة

العدد المطلوب : على الأقل 6 طالبات
السعر ما بين : 2500 إلى 2800
زمن التسجيل : 2 ظهرًا إلى 4 عصرًا

اليوم : عندما يكتمل العدد إن شاء الله نتفق على اليوم
(شدوا الهمة يا بنات و خلونا نستفيد من الإجازة ^.^ )

.


دمتن في حفظ الله

[نابغة]

ليه يازهور اللافندر هي الموظفة قالت ب1900 الدورة اللي في الحكمة بس الوقت ماأعرف بس أنتي كلمتيهم وقالوا كذا ردي علي وشكرا لمرورك
وترا على فكرة أنا وصديقتي حندخل يعني 2 لكن هي ماكتبت اسمها في القائمة