التعليم عن بعد او العسكرية او الضياع

[11MAX11]

الله يعينك بس وانا اخوك اظمن الوظيفه وبعد ماتخلص الدورة كمل الجامعه ماراح تعطلك عن شغلك انا تقريبا مثلك موظف وادرس بنفس الوقت
اظمن الوظيفه اول وبعدين كمل الجامعه نصيحه لاتضيع الوظيفه عليك...
وعسى الله يوفقك انشا الله

[11MAX11]

المشاركة الأصلية كتبت بواسطة الفديمه ياولد انت توووك تصحي ولا وش السالفه قبل لا اقولك ررح للعسكريه ترا الدوام دوام يعني لاتحسبن العسكريه همله انت لو انك مواظب على اي شي لو انها بسطة خضار كان حققت شي لكن انت شكلك مزاجي تهاوش مع الدوام ومره تفصل من اتلشركه ذي وترجع للشركه الاخري وكذا حياتك ماصحيت غير الناس تقولك تراك يالثلاثين صح صح لنفسك جامعه عاني اقولها لك بالفم المليان مانت فالحه فيها لان المجتهد في السن اللي مثلك يعني اللي يصل ثلاثين فما فوق هو اللي يمكن انه يكمل الجامعه انتساب ويكمل يمكن الدكتوراه بس هو مجتهد والمجتهم هذا لوتنشد عنه في دوامه تلاقاه افضلهم لانه طموح لكن انت ماتذكرني غير في واحد من عيال عمي تبلد احساس فيه لدرجه ماتصورنها ياجماعه ومثل ماقلتلك اي شي تكون فيها اجتهد فيه وبتعيين خير لو انها بسطة خضار واسمحولي على الاطاله

اللي يشوفك يقول انك عايش مع الرجال وتعرف علومه وش سوق خضار والكلام الفاضي اللي تقوله انت قريت موضوعه زين قبل ماترد انصحك ارجع للموضوع واقراه زين بعدين رد.

[tatem]

من جد سلامات ....
وصح لسانك ماكس
( الناس الذين لايستطيعون تحقيق شي هم الذين سيقولون لك انك لاتقدر )
(اذا اردت شيا كافح لاجله .. عندما يحين الوقت )والحين جاء الوقت

[بن شاهين]

ياولد انت توووك تصحي ولا وش السالفه
قبل لا اقولك ررح للعسكريه ترا الدوام دوام يعني لاتحسبن العسكريه همله
انت لو انك مواظب على اي شي لو انها بسطة خضار كان حققت شي لكن انت شكلك
مزاجي تهاوش مع الدوام ومره تفصل من اتلشركه ذي وترجع للشركه الاخري وكذا
حياتك ماصحيت غير الناس تقولك تراك يالثلاثين

صح صح لنفسك جامعه عاني اقولها لك بالفم المليان مانت فالحه فيها
لان المجتهد في السن اللي مثلك يعني اللي يصل ثلاثين فما فوق هو اللي يمكن انه يكمل الجامعه انتساب ويكمل يمكن
الدكتوراه بس هو مجتهد والمجتهم هذا لوتنشد عنه في دوامه تلاقاه افضلهم لانه طموح لكن انت
ماتذكرني غير في واحد من عيال عمي تبلد احساس فيه لدرجه ماتصورنها ياجماعه
ومثل ماقلتلك اي شي تكون فيها اجتهد فيه وبتعيين خير لو انها بسطة خضار
واسمحولي على الاطاله


بشويش بشويش على الرجال يبا اكلتة بقشورة ياخي الرجال قاعد يشاور ماخاب من استشار ياخي كلامك يدل على انك ماعندك اسلوب النقاش بالمرة

[ابومجيد]

اقول لك وفقك الله .. واصل دراستك الجامعية وفي نفس الوقت اعمل في القطاع الخاص او الحكومي .. ولو تيسرت الحكومية ... ستساعدك علي التركيز أكثر ... أنت في ريعان شبابك وكلها أربع سنوات ويكون لديك شهادة بكلريوس تسهل لك أمورك واختيار الوظيفة مطلوب الهمة والتصميم ولا تسمع للمضبطين ابدا فالله ييسر لطالب العلم طريقة
خذ نصيحتي فأنا موضف قطاع خاص وعمري 39 عاما ولدي اسرة واطفال ومسؤليات كثيرة واستطعت انا اوفق بينها مع الدراسة انا في المستوي الثالث ومعدلي 4.65
وزملائي الاخرين كلهم نفس الوضع الاجتماعي ولم يثنيهم ذلك من مواصلة دراستهم فقط الصبر والمثابرة والنجاح حليفك ان شاء اللة . يجب ان تكون الدراسة فائدة ومتعة فالتعليم عن بعد فية مرونة ووسائل مساعدة كثيرة

[الســــــــــاطع]

أخي الكريم (( من يتوكل على الله فهو حسبه )).
انت اعمل اللي تقدر عليه والتوفيق بيد الله.... اما من ناحية الوظيفة فلا تفرط في الوظيفة فهي ستكون لك عوناً في دراستك وفي حياتك.... أخي الكريم والله اني احب لك الخير ولو لم اعرفك ... والشباب كانت ردودهم افضل من ردوووودي وفيهم الخير..... ويا رب يوفقك ويسعدك في حياتك..... *ومن يهاب صعود الجبال ... يعش ابد الدهر بين الحفر

[الفديمه]

ياأخوان حنا مو تونا عايشين بالدنيا ولا مانعرف عن الشركات
حنا نعرف عن الضايع والمفلت والخ.....
انا يوم اقوووله الكلام ذا ابي انصحه زين لانه العسكريه ماتقبل احد عمره فوق الثلاثين بلاشانين في اللي توهم متخرجيين
مو الللي توووه صحى للدنيا
في مثل يقول فالاول ابكيك وفي الاخيرتضحك
مو اضحكك معك واطبطب عليك وفي الاخير تبكي
الواحد منا مايلوووم غير اللي كان يضحك معه يوم انه مقفى عن العالم زين.

وانا قلتله اذا انت بتجتهد بتلاقاء الخير حتى لو انك على بسطة خضار
لان الله مايضيع تعب الواحد ومجهود لاتقولون الشركات
وانتم تدرووون الواسطات تنفع في قبولك فالوظيفه لكن ماتنفعك بعدين في استمرارك فالوظيفه
يعني كلها باجتهادك وأفهم يافهيم

[abadi3s]

اخوي الله يعينك
ولا تفقد الامل وخل املك بالله كبير اهم شي تركز
في مستقبلك وتاخذ الامور خطوه خطوه وعليك بطاعة ربك ورضا الوالدين
تراها اكبر حافز لك ولا تلتفت ورررررررراك نصيحة اخو
وان كان على العسكريه تراها طيبه خذها بس اهم شي تكون وضيفه اداريه والجامعه لا تخليها
خلك منتسب سواء التعليم عن بعد والا الانتساب العادي والله يوفقك .

[اصيل باله طويل]

الاخ الفديمة ليتك تغير ردك افضل من كلامك اللي ماله سنع جايب طبلونك على الرجال ولا تدري وش الطبخة افهم السالفه وحط تعليق مناسب ولا تحطم احد مسوي ابوالعريف الظاهر هناك من يقول اطلب العلم من المهد الى اللحد وهناك علماء معاصرين امثال الشيخ العلامة عبدالله بن عقيل الظاهري اطال الله عمره ونفع به وهو احد طلاب ابن السعدي رحمه الله درس الماجستير وهو فوق السبعين سنه فهل العلم مقتصر على شريحة الشباب او قصة العالم التابعي مالك بن دينار والذي تحول من شارب خمر الى عالم من علماء الامة الاسلامية فارجوك لا تهرف بما لا تعرف انصح بعلم او اسكت بحلم .
وعودة الى الاخ الذي طلب الاستشارة , فاقول كان الاخوان والاخوات ناصحين لك وانا معهم فمن الافضل ان تلتحق بالعمل الحكومي اذا توفر لك سوا كان عسكري او مدني وتجعله عون لك لمواصلة دراستك الجامعية ثم الدراسات العليا وبعدها تسعى وتحاول في تحسين مستواك الوظيفي او البحث عن وظيفة تناسب مؤهلك الدراسي وليس بغريب على امثالك الشعور بالمسؤلية والنضوج في طريقة التفكير الملائم وشحذ الهمم من اهل الهمم وانصرف بنظرك عن كل محبط .
ولا يجهلك بان مقسم الارزاق هو الله فلو كان الخلق هم من يقسمون الارزاق تأكد بان سوف تموت من الجوع ولكن يقول الله تعالى في القران الكريم (( فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارى )) فاكثر من الاستغفار وتقبل مروري

[ibarakat]

السلام عليكم اخوي الوضع سهل جداً بس يبغاله اصرار شوي ومثابرة .

بالنسبة لي انا انهية دراستي الجامعة وانا على ارس العمل . واجتزت كل الصعاب لذلك انصحك انك ما تخليهاهم كبير وتسهل الموضوع عشان يتسهل لك .