الرد على الرسائل الأكاديمية } ..

[Twix~}..]

صباحكم // مساءكم ..
فرآولهـ ,, توت ,, شوكليت ..

الموضوع دا راح يكون في ردودي انا وسكونه على كل الرسائل الاكاديمية الي حيكون فيها استفسارات ممكن تفيد البنات ..

يعني اي آحد رآآح يرسل استفسار على الخاص راح يكون الرد هوووون إن شاء الله ..

عشان لا تتكرر علينا الاسئله وتتكرر الردود ونتأخر على أحد بالرد ..

فبليز يا بنات لحد يتناقش هنا ولا يحط ردود ولا يسأل عن اشياء في التخصصات لانو الموضوع للرد على الرسايل الاكاديمية وبس ..

:)

[Twix~}..]

السلام عليكم ...

وعليكم السلام ... آهنن آهنن .. :)

أختي توكس أنا قريت كل مواضيعك عن القسم وبجد ربي يسعدك دنيا وآخرة
ويســهلك كل امورك ويساعدك زي مابتساعدي الناس

آمييييين يارب ويسعد الجميع ويوفق الجميع ياااارب ..

أنا مرة متمحسة للقسم وان شالله انقبل فيه ياارب لأنو مرة داخل مزاجي
وعن جد نفسي الوقت يمشي بسرعة وماالاقي نفسي الا من بنات القسم دا..

ان شاء الله .. شدي حيلك وجيبي معدل وراح تخصصي للي نفسك فيه ياعسسسله ..

بس حابة استفسر عن شي بسييط

اسالي وخوودي راحتك عن كل الي تبغي ..

بالنسبة للزيارة الميدانية ..هل هي داايما يعني كل اسبوع تخرجو من الجامعة .؟.وفين بتروحو .. ومتى بيكون الوقت في الصباح ولا المساء
وهل هي اجباااري ؟...معليش اسألتي كتير
بس مرة مرة حابة استفسرعن القسم

لا ياقلبي الزيارة المدانية زيارة وحده بالترم لكل ماده .. وطبعا مو كل المواد فيها تطبيق على حسب الدكتوره .. بس بما انو دكتوراتنا اغلبهم مصارية فيحبو على نهاية الترم انك تشوفي الجزء النظري الي درستي لواقع عملي ..

طبعا اجباريه وعليها درجات كبيرة م 15 الى 20 درجه يعني مرآآ مو شي سهل .. بس لو عندك ظروف ممكن انك تستأذني منها وتخليكي تعملي شي بديل عن الزيارة .. بس الزيارات يجي منها تشوفي وتتعرفي على اشياء صح تقهر لانها تكون نهاية الترم والواحد خلاص يكون مافيلو اي طاقه انو يكتب تقارير بس يمشي الحال ..

طبعا تكون في الصباح غالبا من 9 الى 11 .. او من 10 الى 12 .. تكون بالفنادق .. المستشفيات .. مؤسسات زي مؤسسة الندوة العالمية للشباب الاسلامي القسم النسائي .. دار المعاقين والايتام .. جمعيات البر ..

على حسب نوعية الماده ايش بتحتاج وايش هدف الزياره على اساسها بيختارو المكان ..

وشكرا الله يسعدك

العفو ويسسسعدكـ ياااارب .. الباقي تلقي ع الخاص *.^

[Twix~}..]

كيفك توكس ؟؟

آكوووس حال الحمد الله .. بس شوية كرف على نهاية السميستر ..

بسألك عن مادة تكلنوجيا الوسائط المتعدده كيف الماده سهله ؟؟

بالنسبه ليا كانت سهله لاني اخذتها مع استاذهـ سلووووى .. ومعروفه استاذه سلوى ما تعقد المواد ولا تصعبها ..

ومين الاستاذه ؟

الاستاذهـ التي تعطي المادهـ اسمها لينا استاذه جديده .. بتعطي الماده زي ماهو مطلوووووب واكتررر .. يعني بتتعامل مع البنات على انهم بروفشنال تصوير وفوتوشوب . لانها هيا ماشاء الله عليها درااسه وخبره بدي الشغلات ..

وصح لازم نشتري كاميرا للتصوير ؟؟

اليوم كنت اتكلم مع صحباتي وقالولي انو الجامعه وفرت لكل شعبه كاميرا وحده بس .. يعني حتكفي مين ولا مين ؟؟ وحتتأخري بشغلك وحووسه يعني .. فلاآآآحسن انك تشتري وتريحي راسك .. صح غاليه بس لو تحوبي التصوير مرآآآ حتنبسطي عليها ..

وآيش نوع الكاميرا المستخدمه وعادي تنفع اي كاميرا ولى في نوع محدد ؟؟

كاميرا بروفشنال (( احترافيه )) ماينفع تستخدمي اي كاميرا .. لانك راح تصويري لزوايا محدده واضاءه محدده وكلام كتيرررر .. نوع ممكن تاخذي النوع الي ينفع للمبتدئين .. واكيد هيا راح تقلكم على النوع الي تستخدمو ..

معليش قاعده أتعبك بالاسئله ..
عاتي اسالي وخودي راحتك .. وسوري اني اتاخرت عليكي بالرد ..

وشكرا ...

العفو :)

[Twix~}..]

اممممم مس تويكس ممكن دقيقة من وقتكـ

إذا كنت فاااضيه لو تبي وقتي كولو فداكي ..

أول شي الله يوفقك ويسهل عليكـ ياااررررب

آمين يااااارب ويوفق الجميع ان شاء الله ..

وثاني شي انا مررره متحمسة لقسم أداراهـ سكن ومؤسسات

دوووم يارب وانتي متحمسسسسه للقسم ..

وعنددي استفسارااات بسيططه
إذاا ممكن ...

اكيييد ممكن خوودي رآآحتكـ ..

أول شي انا معدلي الترم الأول 3.20
يعننني لي امل ادخل القسمممم وإلا لا

إلا لكي آمل .. وطالما انتي مرآآ متحمسه للقسم مرآآآ لا تحاولي تحطي لنفسك اي حاجز ممكن ما يخليكي تدخلي .. حتى لو ما اتخصصتي السميستر الاول تتخصصي السميستر التاني ..

ثآآآنيآآآ انا انسآآنه مااحب النظرري كثيرر وسمععت انه القسم اغلبه عملي يعنني تكاليف وزيآآآرات ميداينة

بس فيه مواد نظررريه يعني القسم بين العملي والنظري ..

ثالث شي وهو الآهم بعد التخرررج اش الوظائف المتآآآآآىحة بليييييييييييييييز

كتيييييييييييييييييييييييير .. المشكله مو في القسم المشكله انو كتير ما بيعرف القسم .. وغير كدا مسمى الكلية هو الي مأثر على القسم .. تقدري تشتغلي في دار المسنين الايتام المعاقين .. تشتغلي في الشركات الي عندها سكن .. في إدارة الحفلات في الفنادق والشركات .. في المؤسسات زي مؤسسة الندوة العالمية للشباب .. اماكن كتير .. والوظايف بيد الله .. يعني لا تخليها حاجز ما تخليكي تدخلي القسم ..

طووولت عليك بالاسئلة اعذريني ...

لا عاااتي يا عسسسله ..

[Twix~}..]

مس توويكس ...

كثرنآآ عليك بالاسئلة حنا بنآآت التحضيري

بس معلييش تحميلنا شووي قربنا نتخصص

ولا يهمكم يا عسسسله عاااتي .. خوودي راحتكـ .. تتخصصو وترتاحو من توتر التخصصات ..

وعنددي شووية استفسااارات

اتفضلي .. :d ..

س1 / القسم يقبل بنااات الانتسااب وحدةة من صحبااتي انتسااب وتبي القسم ؟؟؟

نووووووو مافي انتساب بكل كلية الاقتصاد المنزلي .. لانو كل قسم في الكلية فيه مواد عملي فمرآآآ مافي انتساااب ..

س2/ مادة مشروعات خاصة وصيانة مرافق سكنية ؟؟؟؟

اشبهم !! ..

مادتين حلوووهـ خصوصا صيانة مرافق سكنيه .. ان شاء الله ماخذتها السميسر الجاي واحنا طيبين .. ماده تتكلم عن الكهرباء والسباكه والبووويات ... الخ وهيك كلام يعني شي كبييير :p ..

ادارة مشررروعات مادة نظرية تتكلم عن كيف تعملي مشروع يعني كيف تختار المكان ايش الاشياء والاستراتيجيات الي تمشي عليها لما تبى تعملي مشروع .. تتكلم كمان عن التصدير والانتاج وكلام كتير ..


س3/ القسم موادهـ بالعربي وإلا فيه مواد انقلش ؟؟؟

كولو عرررررررررربي المصطلحات بس انجلش يعني كل دكتوره تحفظك مصطلحات الماده بالانجلش ومو كتيرررة شي مرآآ بسيط .. بس الدراسه كلها عربي ..

وبث يسلمووووو ياعسووولة وربي تفيديني انا وصبحااتي كثيرر

يسسلم قلبك انتي وصحباااتكـ والله يوووفقكم ..

[Twix~}..]

اووول شي الله يوووفقكـ يامتحاااناتك

آميييييييين يارب ويوفق الجميع ان شاء الله ..

وثاااني شي عندي استفسار صغنوووون

اش يعني المواد الاجبارية والاختيارية اللي موجوده بخطة القسسسسم ؟؟؟؟

المواد الاجبارية .. يعني لازم تأخذيها .. رضينا ولا ما رضينا ولا ماراح نتخرج ..

الاختياريه يعني تختاري مواد من مجال تخصصنا وتدرسيها ودي المواد تكون كتيرة تقريبا عشرة مواد وتدرسي منها بس خمسه مواد .. يعني تشوفي ايش المواد الاختياريه الي تنزل بكل سميستر وتختاري منها وتدرسي الي تبغي وتخلي الي ما تبغي .. بس لازم خمسه مواد في خطة تخصصنا ..

ويسلوووووووووووو ياحلووووووووة

يسسسلم قلبك ياعسسسله :)

[ساكنه في بيتنا]

السلام عليكم ورحمة الله وبركاته
كيفك ساكنة إن شاء الله بخير ..؟
بس حبيت أسألك أنا الان خريجة ثانوية عامة وبقدم في جامعة الملك عبد العزيز ودرست ثانوي علمي بس حابة ادخل تخصص دراسات طفولة هل لازم ادخل ادبي اداري ولا عادي لو دخلت في السنة التحضيرية علمي يدخلوني يعني وكم المعدل اللازم ..؟

آسفة على الازعاج بس والله شايفة اهتمامك بالقسم وكذا فوثقت في رأيك ردي علي الله يسعدك ..


و عليكم السلام و رحمه الله و بركاته
هلا و مراحب

الحمد لله بخير الله يسلمك ..

الله يسهلك و تنقبلي في الجامعه .. تخصص الطفولة مسار اداري في كلية الاقتصاد المنزلي

يعني لازم تكوني سنه تحضيرية مسار ادبي .. بس كأني قريت وحده من البنات كاتبه انو لو كنتي مسار علمي تقدري تختاري شي في المسارات الادبيه بس لو كنتي ادبي ماتقدري تختاري شي في المسارات العلميه و الله اعلم

الجامعه كل يوم لها رأي .. اسألي البنات اللي دوبهم اتخصصوا ولا اللي لهم علم بالنظام الجديد لأني للأسف ما اعرف فيه داك الشي :( ..

اقصد من القرقرة اللي فوق لو انتي دخلتي مسار ادبي بس عشان الطفولة و بعدين لا قدر الله ما قبلوكي و كنتي تبغي تدخلي تخصص في المسار العلمي محا يمديكي .. فحطي في بالك بديل للطفولة في حالة ما انقبلتي لا قدر الله اذا حتتوكلي على الله و تدخلي مسار ادبي عشان لا تورطي :) ..

لو ما فهمتي شي عادي قوليلي اشرحلك تاني ..

و شكرا على الثقه ..

الله يقدرنا على الخير دايم :* ..

[Twix~}..]

سلام ياعسسل

وعليكم السلام ..

كيفك؟؟

كويسسسسسسآ الحمد الله ..

وكل عام وانتي بخيرر ان شاء الله

وآنتي بألف خير ياقلبي ..

انا لسا مستجده وماتخصصت بس حطووني اقتصاد منزلي

ابغى اسال عن تخصص اداره سكن ومؤسسات كيف حلو ولا بما انك داخله القسم هذا ؟؟

بالنسبه ليا تخصصي اشوووف من آحلى التخصصات مو بس عشان انا متخصصه فيه ..

لا والله عااجبني التخصص من كل ناحيه خصوصا في المواد الي بندرسسسسها .. راح تستفيدي منها بشكل كبير في حياتك الشخصيه .. راح تتعلمي شغلات كثير حلوووهـ ..

دا رأي بالتخصص ..

والاهم له وظيفه مستقبلا؟؟؟؟


الوظييييييييفه شااغله بال كتييييييييييييييييير مننا .. بس انا بقلك على شغله لا تحطي الوظيفه شي اساسي في طريقك لما تبي تتخصصي .. لانو والله الارزاق بيد الله .. ادخلي تخصص انتي حااابتو وحابه تدرسي لانك لو داخله عشششان وظيفه ماراح تستفيدي منو ولا راح تتعلمي شي ولا حتى تجيبي درجااات عاليه تأهليك ممكن للوظيفه ..

على فكره بقلك دا الكلام لاني شفت الي اتخرجو في عيلتنا ايش اشتغلو بعد ما اتخرجو وحده تغذية صار موظفة في بنك الجزيرة .. واحد جولوجيا ارضيه وصار موظف في بنك الراجحي .. واحد محاسبه وصار موظف بشركة تابعه لرامكو ومجال وظيفتو بعيد تماما عن المحاسبه .. << يعني شووفي كيف الششششتان بين دراستهم وبين وظائفهم ..

على العموم الوظائف المتاحه لبنات ادارة سكن ومؤسسسات ..

ادارية بأي شركة فيها سكن خاص لموظفيها .. تقدري تشتغلي كمان بدار الايتام .. المسنين .. المعاقين .. كمان تقدري تشتغلي بمؤسسات فيها فرع للنساء زي مؤسسة الندوه العالمية للشباب .. ممكن كمان في الفنادق والشركات في إدارة الحفلات .. وفي كمان شغلات كثيرررر المشكله انو التخصص مو معروف عند كثير من الناس .. بس مجرد ماراح تدرسي راح تعرفي وين ممكن تشتغلي ..

وعن الخطه الدراسيه انا ما افهم بطريقه الحذف والاضافه لو خليت جدولي طبيعي زي ماهوو نزل احسن ولا اغيره وولو حذفت اي ماده فين ادرسها بعدين صيفي ولا كيف ؟؟

الجدول راح ينزلك فيه ثلاث مواد بالكثير والباقي انتي تضيفي .. ولا تخلي الجدول زي ما انزل لانو غاليا ينزلك جدول يه بريكات كتير ولا اوقات بعيده عن بعض ولا هيك شي ..

انتي رتبي المواد الي حابه تدرسيها بكل سميستر من الخطة الدراسيه ولو مشيتي عليها راح يكون احسسسن لكي لانو الخطة الدراسيه حلو ترتيب المواد فيها .. واذا حابه تغيري برضو مو مشكله ..

طبعا انتي راح يكون في معااكي مرشده تساعدك في ترتيب جدولك وفي الحذف والاضافه ..

وطريقة الحذف والاضافه مرآآآ سهله .. مجرد انك تعرفي رمز الماده وتبدي تدوري عليها في خانة البحث وتختاريها وبعد كدا تعملي اضافه .. وتشوفي الشعبه الي تناسبك ..

ولو حذفت اي ماده مو شرط انك تدرسيها صيفي عااادي خليها للترم الي بعدو .. بس اعمل حساب التخرج .. يعني لو حابه تتخرجي باربع سنين مع سنه الحضيري .. خذ المواد عدد المواد زي ماهي مرتبه بالخطة ..

ان شاء لله اكووون افدتك وقدرت اوصلك المعلووومه .. وخذ دي الرابطين اطلعي فيها راح تعرفي التخصص اكتررر .. واي استفسار تاني اساليني بس مو هنا لانو دا الموضوع بس للرد على الرسايل ..

http://www.skaau.com/vb/showthread.php?t=211115

http://www.skaau.com/vb/showthread.php?t=210124

[Twix~}..]

السسلام عليكم

وعليكم السسسسلام .. ويا اهلن وسهلن ..

كيف حالك آختي تويكسس؟؟

كويسسسسسا الحمد الله ..

ككل عآم وآنتي بخيير ي عسسل

وانتي بخير ياقمرهـ ..

بطلب منك طلبب

اطلبي زي ما تحوووووبي وخودي راحتك لانو بعد اربعه ايام او خمسه ايام راح انقطع لمدة شهرين عن النت لظرووووف خاااصهـ وبعدها ان شاء الله بجي تاني :$

سوووري يا عسسسل على تاااخيري بالرد بس انا اجمممع مجموعة رسااايل وبعدها ارد عليكم هووون ..


آنآ آن شالله بدخل ادارة سكنن و موسسات
بس لسسه مآ جآت الموآفقه
بس دامكك خبرة حابه ترتبين لي الجدول من احسن الآسآتذة
والموآد بحيث اجيب معددل حلو

نصيحه مني انا بما اني اخر سنه وتخرج الحمد الله .. فانصحك انك تمشي على الخطه الدراااسيه واذا مرآآ مرآآ بدلي بس في ماده او مادتين بالكثير وخليكي ماشيه على الباقي ..

واهم شي لما تتخصصي تفهمي طبيعة كل ماده وعن ايش تتكلم وبعدها حتعرفي كيف ترتبي جدولك يعني وانتي بالكلاس اسالي الي هنا والي هناك والي جنبك عن المواد وعن ايش تتكلم وراح تفهمي المواد قبل لا تاخذيها ..

اذا اتخصصتي ان شاء الله راح يكون عندك باول مستوى 6 مواد الي هيا ..

ادارة موارد بشرية .. ماده من التخصص حلووه ولزيزة مرآآ ..
عربي 2 .. ومافي اسهل منو .. ماده عامه للجامعه ..
ثقافه 2 .. وبرضو مافي اسهل منها .. ماده عامه للجامعه ..
سكن وتأثيثه .. ماده عملية حلوووه وومتعه خصوصا لو تحووبي الديكوريشن .. وتعتبر ماده تخصص ..
ادوات واجهزة منزليه .. ماده من التخصص رزله شوويا بس يمشي حالها وتفهمي كم شغله عن الاجهزة الي بنستخدمها ..
علم نفس عام .. ماده عامه للكلية .. حلووووه وممتعه مرآآآ وسهله ..

دي المواد الموجوده على الخطه لبنات المستوى الثالث .. يعني مرتبه صح ومنوعه بين مواد تخصص وبين موادعامه ..

بالنسبه للاستاذات .. اغلب استاذات القسسسسم جيييدات وخلقهم حلوه بس يكووون رزلين في التكاليف ودا اتعب شي عندنا بالقسم لانو كميه البحووووث والتكاليف المطلوبه بكل ماده تكووون كتيرة شووويا بس تاخذي عليها درجات بسهوله ..

لما ترتبي جدولك وتعرفي مين هما الاستاذات نزليلي اسمااءهم وان شاء الله افيدك بشخصيه كل وحده وطريقة تدريسها وايش طلباتها بالتكاليف لانو تقريبا اغلب استاذات القسم درسوووني ..

آسفه على الآزعآج
آذآ علييكي كلافه مو لازم بس قوليلي آسمآء الآسآتذة الكويسين

شككرآ

العفووو وخودي راحتك وسوري على التأخير .. واطلعي على الرابطين الي بالرد الي قبل دا راح تستفيدي منها مرآآآ كتير وتعرفي التخصص اكتر لاني اتكلمت فيها عن التخصص وعن الاستاذات بالتفصيل ...

[Twix~}..]

حبيبتي تويكس مساء النووور

اهلن يا عسسسلهـ .. مسااااءك شووكليت ..

اتمنى تردي علي باقرب وقت
انا بدرس مواد حره وعامه هالترم ابي ارفع معدلي واحول
طبعا ابي انزل 6 مواد ب 3 ساعات

نزلت عربي ونزلت صحه نفسيه على اساس انها ماده اختياري
وباقي المواد الحره اللي ابيها مو موجوده اللي هي سيره نبويه واقناااع
وكمان ابي انزل مادتين اختياري بس مو عااارفه تخصصي للان
عادي لو اروح السبت ولما اعرفه انزل الموااد اتمنى تردي علي ومشكوووره

أول شي انتي تبي تحوووولي التخصص ولا الكليه بكبرها ..؟؟

لاني بصراحه مو فاهمه عليكي شي انتي منتي متخصصه وتبي تضيفي مواد اختياريه كيف كدا ..؟؟

انتي عارفه ايش يعني مواد اختياريه .. يعن كل تخصص من تخصصات الاقتصاد المنزلي لها سبعه مواد اختياريه خارجه عن الخطه الدراسيه .. دي المواد الـ 7 ترتبط بالتخصص بحيث انو الوحده تستفيد منها .. وتقريبا راح تدرسي منها 5 مواد بس .. هيا دي المواد الاختياريه ..

وانتي طالما منتي متخصصه شي معين ماراح تقدري تضيفي ولاماده اختياريه .. الي تقدري تضيفي بس مواد عامه ومواد حرهـ .. لكن لو اتخصصتي ان شاء لله تضيفي الي تبغي مواد تخصص مواد اختياريه مواد حره مواد عامه كل شي ..

الموهم ياعسسسله .. لو كنتي ناويه تحولي من الكليه بكبرها فخدي مواد عامه وحره وبس .. ولو كنتي حابه ترفعي المعدل بس تفضلي بالكليه خودي مواد حره وعامه ومواد عامه تبع الكليه ..

ان شاء الله اكون وصلتلك المعلومه صح واي استفسار تاني خودي راحتك ..