ياااااحلوها من لحظات

[مالي حبيب]

صباح / مساء الخير ع الجميع ....
وأخيررررررراً تحقق حلمي >> ناقشت بحثي و أنا بكامل قواي العقلية .. واااااااااااااااااااي مو مصدقة..

مبرووووك لكل اللي خلصوا البحث وناقشوا وعلى وشك تخرج والفال للبقية ان شالله >>> ادخلي بالموضووووع ولا تكثري حكي هع هع هع .

طبعاً عشان ناخذ درجة البكالوريوس لازم هذا البحث و أكيد كلنا شلنا هم البحث من قبل لا نضيف المادة ..
واللحين أبي من كل واحد يقرا موضوعي يكتب تجربته مع بحثه وأهم الأحداث والوقائع اللي صارت معه , ونبي نطمن اللي ما أخذوا المادة هاذي وخايفين منها ..
طيب أبدأ أنا :
بأول ترم لي بالجامعة أخذت مادة بحث علمي ومنها كرهت البحث وأنا بعدني ما عرفت تفاصيل البحث وكيفية اعداده و و و ...الخ .
المهم مرت فينا الأيام وكنت ألاحظ بكل ترم فأسبوع الاستعداد بنات كثير عند غرف الأستاذات , وكل وحدة معها أوراق وشغلات صعبة >> باين عليهم الخوف والارتباك مدري وشلون , حزنت على نفسي بيوم بكون مكانهم .
المهم وكبرت وصرت بالمستوى الثامن و أضفت المادة (بحث وتدريب) غصب عني بعد شنسوي على قولهم (متطلب للحصول على درجة البكالوريوس) .
المهم وضفت المادة مع الأستاذة اللي أبيها بطلووووووع الروح .
واللحين بدأ العنا من جد :
رحت لأستاذتي وسألتها وشلون أروح أتدرب , وقالتلي عن الأوراق اللي لازم تتعبا وتتوقع وتتختم (اللي 3 ورقات حقت الشكر والموافقة والتقييم), سويت كل هاذ بيومين وبعدها رحت للمستشفى اللي طالبة أتدرب فيه .
من حسن حضي أختي كانت قبل فترة تشتغل فهالمستشفى يعني مشت أموري وقبلوني أتدرب وبصدر رحب بعد.
المهم أول يوم دوام لي فالمستشفى جلست أبكي , وكانت اختي معي وقالتلي تبين أسحب أوراقك ونكنسل سالفة التدريب ؟
طبعاً عشان أول يوم لي فمكان غريب أول مرة أطبه طبيعي بخاف وأحس بارتباك وكل شي مو حلووو . قلتلها لا تسحبي أوراقي بكمل و أمري لله , وعلى طول رجعنا البيت .
طبعاً فالبيت حالتي عن جد تبكي طووول وقتي مسرحة وعقلي مدري وين يروح شايلة هم روحتي للمستشفى من دون ماتكون أختي معي , وغير كذا لسه ما اخترت موضوع معين , وأخاف أسأل الأستاذة ... المهم وشغلات كذا مدري وشلون ...
طبعا رحت للأستاذة وسألتها وش الموضوع اللي أقدر أكتب فيه , وساعدتني الله يسعدها ما قصرت .
ورحت للمستشفى وقابلت المدير المالي >> تكفيييييييييييييييييييين ..
المهم وقلتله أبغاكم تدربوني على كذا كذا كذا , أعطيته الخطة , و أول ما قلتله ع الخطة أتصل على وحدة محاسبة بنوتة دمها خفيف وقال لها اشرحيلها شغلات معينة .
ورحت لغرفة المحاسِبة وشرحتلي وماقصرت . طبعاً مدربيني الأفاضل كلهم رجال ماعدا هاذي البنت .
المهم رحت لأستاذتي وقلتلها كل اللي صار معي وانبسطت .
وطول فترة التدريب ما رحت لأستاذتي الا كذا مرة بس عشان أسألها عن الموضوع والخطة بسسس , لكن بعد التدريب صرت أداوم عندها كل يوم ..
أيام التدريب كانت وناسة >> لا تذكرونها بتصييييح ..
بعد ما انتهى التدريب اخذت التقييم وأعطيته الأستاذة . بدأت أكتب التقرير طبعاً رحت المكتبة المركزية واستعرت كم كتاب ودورية ولخصت الجزء النظري ووريته الأستاذه وعدلت فيه . ووريتها هو مرة ثانية وعدلت فيه كمان ... أما الجزء العملي كان معتمد اعتماد كلي على كل اللي تدربته بالحرف الواحد ..
يعني اللي بيروح يتدرب الأفضل يروح أماكن يقبلون يدربونكم مو يخلونكم توزعون أرقام ع الخلايق والا شغلات ماراح تفيدكم أبدا فالتقرير .
المهم ووريتها الجزء العملي وعدلت فيه .
وأخر مرة رحت لها أعطيتها المسودة كاملة بالمقدمة والاهداء والشكر والأهداف والأهمية والجزء النظري والعملي والنتايج والتوصيات والخلاصة والمراجع >>> التقرير كاااااامل بس تلقي عليه نظرة أخيره وبعدين أطبعه و أغلفه و أسلملها هو .
حمدلله قرأته وقالتلي شغلة فالمراجع وعدلتها وطبعته و أعطيتها هو .
طبعاً لما سلمتها التقرير كل التعب اللي تعبته راااااح .
حسيت بشعور كذا مدري وشلون .
وترا للحين مو مصدقة اني تدربت وقيموني وكتبت تقريري بنفسي من دون ما ألطش من أحد شي .
وتمت المناقشة اليوم سألتني أربع أسئلة بس :
1/ قولي نبذة عن المكان اللي تدربتي فيه ؟
2/ استفدتي من التدريب , اش تعلمتي منهم ؟
3/ المستشفى اللي تدربتي فيه من أي أنواع الشركات ؟ فردية والا تضامن والا مساهمة .
4/ وش هي توصياتك ؟
بسسسسسسسسسسسسسسس ...
ماعليييييييش طولت عليكم بس هاااااااه لا تبخلون علي بردودكم ...
تحياتي :
مــالي حبيب