اسس جغرافيا بشرية :) ساعدوني يا بنات

["~* بيادر *~"]

السلام عليكم ورحمة الله وبركاته

ضيفة جايه تزوركم وتشوف اخباركم وطبعاً ما نستغني عن مساعدتكم

يا عسولات انا اضفت مادة اسس جغرافيا بشرية مع استاذة ليلى الجهني طبعاً مادة حره
وطلبي هو : هل حضرت الاستاذة يوم السبت واليوم الاثنين؟ اذا جات اش قالت واسم الكتاب وكل حاجه

انا ما اضفت المادة الا متأخرة عشان كذا ما حضرت ولا محاضرة

شكراً

["~* بيادر *~"]

بنوتات ساعدوني الله يجزاكن خير

[r7eel]

فين بنات الجغرافيا .. ياليت يردوا

[виτ αℓ sнєняɪ]

حبيبي سسؤالك كآآي هههههااي سوري يعني

روحي الكلآس حقك وأسألي البنآت
وماراح تقولك شيء في حآل أنك توك أضفتي المآآده ^^

["~* بيادر *~"]

المشاركة الأصلية كتبت بواسطة r7eel فين بنات الجغرافيا .. ياليت يردوا

يسعدك ربي رحيل على رفع الموضوع فعلاً القسم يحتاج تفاعل اكثر من كذا

["~* بيادر *~"]

المشاركة الأصلية كتبت بواسطة виτ αℓ sнєняɪ حبيبي سسؤالك كآآي هههههااي سوري يعني روحي الكلآس حقك وأسألي البنآت وماراح تقولك شيء في حآل أنك توك أضفتي المآآده ^^

مشكورة ي قلبي على المرور انا بطبعي ما احب الغياب احس نفسي ضايعة عشان كذا تمنيت احد يعطيني ولو تعريف بسيط بالمنهج والاستاذة
واليوم رحت بنفسي لمكتب الاستاذة وسألتها والاستاذة بصراحة ما قصرت اعطتنا بداية المحاضرة اوراق فيها كل المعلومات عن المنهج وتوزيعه واسم الكتاب وموعد الاختبارات وكل شيئ كان نفسي اعرفه

["~* بيادر *~"]

اسم الكتاب : المدخل الى الجغرافيا الطبيعية والبشرية للاستاذ عبدالله ناصر الوليعي

واي سؤال عندكم لاتستحون ترى "بدوره" حاضرة

["~* بيادر *~"]

عدنا
بالنسبة لتوزيع الدرجات حيكون على النحو التالي :
الاختبار الدوري الاول 20
الاختبار الدوري الثاني 20
عمل بحثي 15 <<لسى ما عرفت طبيعته لأني اول مره احضر بس ان شاء الله اسأل وافيدكم بعدين
حضور ومشاركة 5
الاختبار النهائي 40

الاختبار الدوري الاول ان شاء الله في يوم الاثنين 12 /11 /1432

بأضيف شيئ مهم : الاستاذة نبهت على الالتزام باللبس المحتشم وقالت ما ابغى اشوف وحده مخالفة في اللبس وكمان ممنوع تلبسي العباية وقت المحاضرة واللي خايفه من البرد تلبس جاكيت وبعد 10 دقايق ممنوع تدخلي للمحاضرة وطبعاً 6 غيابات مسموحة لك والسابع حرمان من دخول الاختبار النهائي

دمتم في حفظ الله

[سكرة جده]

طيب حبيبتي بسألك الماده دسمه ولا عاديه سهله ؟؟

ولو رحت ضفت دحين دي الماده انقبل في مكان ؟؟

وجزاكي الله خير

["~* بيادر *~"]

المشاركة الأصلية كتبت بواسطة سكرة جده طيب حبيبتي بسألك الماده دسمه ولا عاديه سهله ؟؟ ولو رحت ضفت دحين دي الماده انقبل في مكان ؟؟ وجزاكي الله خير

هلااااااااا حياتي
شوفي يا قلبي المادة لحد الان حلوة وسهله وكمان الاستاذة طمنتنا بهذا الكلام والاستاذة ربي يسعدها تأشر في الكتاب على الاشياء المهمه في نهاية المحاضرة وهذا شيئ يساعد كثير في المذاكرة
الشعبة فيها مكان بس مدري اذا قفل الحذف والاضافة او لا ، على العموم اذا مصممه تاخذي المادة جربي حظك وربي يسهلك امورك