استفسار التحويل من العلوم للطب :/

[Dr.Sarro]

السلام عليكم يا اصدقاء ياحلوين
انا من الثانوي كان حلم انو ادخل طب تخصص باطنية او نسا وولادة .
وعمري مافكرت في غيرو مستقبل :)
اللي حصل انو حصل لخبطة معايا في الترم الاول للتحضيييري في التحويل والابتعاث وكنت ساحبة ع ام الجامعة وما اهتم :") الترم الثاني جبت معدل عالي فو ال 4.5 لمن عرفت انو ح اثبت في عزوز وكدا بس طبعا كان قد فات الاوان وماثر علي معدل الترم الاول هههه
الان انا في قسم الاحياء وهدفي التحويل لكلية الطب باذن الله لان كل الخطط اللي تجيني مهما كانت جيدة ومضمونة ما اقدر اتقبلها !
فالسؤال دحين ..
تعرفو احد محول من العلوم للطب؟ المعدل اللي يبغوه للتحويل ؟ متى حيفتح القبول :/ لان التحويل مافيه اييي تخصص طبي :/ ؟

[Dr.Sarro]

سؤال تاني هل ح اضطر اروح للكلية واسالهم دي الاسئلة وعن طريقة التحويل لان العمادة قالولي اروح لنفس الكلية واسال عن الية التحويل وكدا
ابا اعرف اش حيواجهني الاول .. :))
ياريت تفيدوني واكون لكم شاااكرة

[JuStice]

.

وعليكم السلام ورحمة الله وبركاته

أتوقع التحويل من العلوم للطب ممكن.. لكن لابد من معدل مرتفع خاصة عند البنات, ويكون التحويل بعد ترمين في كلية العلوم.

فيه جهتين راح ترجعي لهم للتأكد والاستفسار; عمادة القبول والتسجيل + الشؤون التعليمية بكلية الطب.

شوفي هذا الموضوع في المنتدى عن شروط التحويل: :| كُلَّ مَا تُرِيدُون مَعْرفتَه عَنْ التَّحْـــــــوِيل الدَّاخِلِي |:|✿*,

إذا عندك أسئلة محددة حابة توجهيها لكلية الطب وما تقدري تروحي, فاكتبيها كلها وراح أسأل لك عنها في الشؤون التعليمية وأرد لكِ خبر إن شاء الله

.

[Dr.Sarro]

شكرا لك .