هل سأكون طبيب أسنان فاشل؟.

[طالب طب أسنان]

بسم الله الرحمن الرحيم.....


ياجماعة الخير أنا عندي مشكلة كبيرة جدا جدا...مشكلتي تتلخص بالمواد العملية بالكلية(أي مادة يكون فيها عملي شغله باليد) يكون شغلي سئ جدا جدا جدا لدرجة ماتتصورنها..يعني على وصف أحد الدكاترة مازحا(شغل أطفال)..كل إنسان يكون عنده حد أدنى للمهارات اليدوية أنا أحس أني ما أمتلك هذي المهارات وحاولت كثير كثير والموضوع تعبني نفسيا بصراحة..سمعت كلام كثير أنوه مافيه أحد يولد وهو يعرف يشتغل وكل شئ يجي بالتعلم<<الكلمة ذي سمعتها أكثر من مرة وأكثر من دكتور وللأسف المشكلة زي المشكلة مع أني أحااااااااول جاهدا بشكل مو طبيعي لكن سبحان الله شغلي دائما يكون سئ.....

لكن من ناحية الجانب النظري والمواد النظرية الحمد لله أموري فيها توب توب بشكل رائع الحمد لله..لكن العملي مسبب لي عقدة وحاولت أتخلص منها لكن مافي فائدة.أكثر من مادة أو مقرر يكون دراجتي النظري فيها قوية لكن (يخسف بي العملي)......

والخوف من المستقبل لما أتعامل مع مرضى وحالات وأنا شغلي كذا وعارفه...أتمنى أي مساعدة أو حل للمشكلة..لأن الأمر مسبب لي هاجس..

بالتوفيق للجميع

[Amal.S.A]

شدني عنوان موضوعك وماحبيت أخرج بدون ماأرد ..
مرة لاتحط في بالك انك ماتعرف تشتغل وانه شغلك سيء..بالعكس لسه الوقت قدامك
وتقدر تحسّن من مهاراتك اذا (انت حاب )..ومرة لاتخلي هذا الشي يحبطك ..
قوي عزيمتك وتاكد تماما انك قدها ..
ولاتلتفت للكلام السلبي على شغلك .. أصلا أنا مستغربة انه فيه ناس تعلم وتقول على شغل طلابها (شغل أطفال) جدا سيء حتى لو مزح..
المهم شيل من راسك كل شي سلبي .. وحاول حاول حاول لاتوقف محاولاتك ..
لاتقول حاولت وتعبت وبرضو مافي فايدة برضو حاول ..ولاتقول درجاتي ودرجاتي ..
صدقني الدرجات مو كل شي.. قد المهارة وشغلك في المستقبل ..
خلي درجاتك في العملي هيّ الحافز انك تشد حيلك وتحاول تتعلم وحاول تتدرب قد ماتقدر
واسأل وابحث مدري اذا فيه فديوهات تفيد ..انتوا أدرى .. المهم لاتيأس ..وأنا متأكدة انك راح تكون طبيب أسنان ناجح ومتمكن :)
بالتوفيق يارب ..

[miss you]

شدي حيلك لان الطب ماينفعك اذا كنت توب بالنظري

لان الطب عملللللللللللي وبس


وبالتوفيق

[مَـزٍآج ..}..]

وانآ برضو راح اكرر لك الكلمه محد يولد وهو عآلم ..

وخصوصا في الشغل العملي .. يحتآج تدريب تدريب تدريب تدريب ..

انا مآ ادري انت سنه كم .. بس لو تذكر في بدإأيه كلآس الاوبرتف ..

بدينا ب box shape وكآن مره مره مره صعبه علينآ التحكم بالهآند بيس ..

لكن شويآ شويآ الوضع صآر ايزي .. ودخلنا على الـ s - shape ..

الوضع يجي بالتدريج .. يعني انا لحد الحين مو قآدر ازبط class 2 ميه في الميه ..

خصوصآ انسآيد الفآنتوم .. مع اني سويته دحيـن اكثر من عشره مرإأت ..

لكن كل مره تتحسن فيها عن الثآنيه .. لحد مآ توصل للمستوى المطلوب ..

وتذكر انو نحنآ نشتغل بالملي .. الملي بالنسبه لنآ مره كبيرهـ . . يعني الشغله مو سهله ابداً

فحآول تبعد عن الكلآم السلبي وتحطم نفسكـ .. بالعكس استمتع بالي تسووويـه ..

لو تسآل اي احد ايش احسن كلآس راح يقولك الأوبرتف .. صحيح في البدإأيه

خبصنا وونسوووي بلآوي ويآمآ زحلق الهاند بيس مني وجرح يدي ههههههه

وممكن تدخل في البلب وتجيب العييد بس معليش الفآنتوم مستحملنا هههههه ..

بس بكره نتعلم .. وإن شآء الله تتخرج وتكون دكتور نآجح ..

مجرد عنوإأن الموضوع فيه تحطيم لنفسكـ . . وحآول تستغل اوقآت البريك وانزل اشتغل .. !!

وعلى فكره حآول انك مآ تقآرن نفسكـ بالشبآب .. يعني قدرإأت الناس تختلف ..

يعني مآ شآء الله فيه عيآل من اول مره يزبطوا الشغل .. وعندهم مهآره عاليه ..

هذي موهبه من ربنآ .. فلآ تقآرن نفسك فيه كدآ تحطم نفسكـ بالتدريب توصل مستوإأه بالراحه ..

بالتوفـيق .. !!

[Dr~NanoOok]

التدريب والتدريب والتدريب .. ومحاولة الاخلاص في الشغل
وباذن الله حيتحسن شغلك العملي بشكل مره كبير
لأنها مهارة يدوية .. ولا تُكتسب غير بالممارسة وكثرة الشغل
ومره على مره حتصير أحسن أكيد

أتذكر أول لما بدأنا الـ waxing up للأسنان في سنة ثانية في مادة الـ dental anatomy
ودحين احنا في رابع بنعملها مره تانية في مادة الـ fixed prosthodontics
وحسينا بالفرق في أدائنا ! بعد سنتين من الشغل
فكيف لما نوصل لسنة سادس باذن الله .. أكيد حيصير أحسن كمان =)

وكذا بنت أعرفهم .. صاروا أحسن في العملي على سنة رابع وبشكل مره كتير عن السنوات اللي قبل

وبسنة ثالثة قضينا سنة كاملة بنتدرب على أسنان اصطناعية ..
ولما طلعنا رابع وصرنا نطبقه على مرضى حقيقيين .. صاير أسهل !
والشغل على المرضى مره أحلى من الفانتوم هيد

صحيح بالبداية كنا مستصعبين كيف نشتغل جوا الفم.. واحنا احيانا بنشتغل برا الفانتوم هيد حتى "^^
لكن مع الوقت صاير أسهل وأحلى

وكمان حاجة ,,
حاول تمرّن يدك في الأشغال اليدوية خارج مجال الدراسة والأسنان
وانتوا الأولاد تقدروا تشتغلوا في أعمال تصليح البيت والسيارات و و و ....... ومررره بيفيد
وتقريبا أشياء كثير بطب الأسنان مشابهة لدا الشغل !
يعني مثلا الدريل الكهربائي حق المسامير .. نفس فكرة الهاند بيس حقنا بالأسنان

ولما دخلنا معمل الـ ortho
وبدأنا نستخدم الأسلاك ونعمل منها أشكال ونلفها بواسطة الـ player
وهي شبه الزرادية بالضبط مع بعض الاختلافات

أنا من مُحبي الأشغال اليدوية بشكل كبير .. والحمدلله هذا مره ساعدني
لكنه مو شرط عشان تتقن الشغل ..

وبالتوفيق لك .. ولا أوصيك بالتدريب قد ما تقدر
=)