قررت أحذف العلوم الطبيعية.....رأيكم الله يوفقكم,,,

[little Angel]

صباح الخير
مادة العلوم دسمة وبها قوانين ومسائل وفيها صعوبة وأنا عندي إلتزامات أخري كثيرة ومايتوفر لي وقت ..
..بعد ماأضفتها من أستاذة جميلة مشطاطي قررت أني أحذفها وذلك لضيق الوقت ...
عندي فكشن -مناهج بحث- صوتيات -شعر
ف اذا حذفتها هل تكون مشكلة ولا عادي...ممكن أضيفها الترم الجاي
صراحة بعد ماقرأت لنور العمر الله يسعدها بأنة مافي معلومات عنها ويفضل تتأجل للتخرج وحسمت أمري..
...الله يوفقكم...
ياليت تجاوبوني

[nmon]

بنسبه عادي تقدري تحذفيها وتضيفي غيرها واخذيها الترم القادم مفيه مشكله. وفعلان الماده دسمه وليست صعبه واتوقع الكل رح يعديه ولاكن بدرجه منخفضه وحرام ماده عربي تكون درجة الواحد فيه نازله المفروض نستفيد من مواد زيها في رفع المعدل ولاكن تكون في وقت يقدر الواحد يلم بمذاكرتها
وبتوفيق لنا جميعا

[بلا موعد]

المشاركة الأصلية كتبت بواسطة little angel صباح الخير مادة العلوم دسمة وبها قوانين ومسائل وفيها صعوبة وأنا عندي إلتزامات أخري كثيرة ومايتوفر لي وقت .. ..بعد ماأضفتها من أستاذة جميلة مشطاطي قررت أني أحذفها وذلك لضيق الوقت ... عندي فكشن -مناهج بحث- صوتيات -شعر ف اذا حذفتها هل تكون مشكلة ولا عادي...ممكن أضيفها الترم الجاي صراحة بعد ماقرأت لنور العمر الله يسعدها بأنة مافي معلومات عنها ويفضل تتأجل للتخرج وحسمت أمري.. ...الله يوفقكم... ياليت تجاوبوني

كما افادك الاخ nmon ان شاء الله لايوجد مشكله في حذفها فالماده من المواد الاجبارية في خطة الكلية ومالها اي متطلب سابق فلو حذفتيها تقدري تضيفيها الترم القادم ان شاء الله بدون مشاكل

[زهرةالسوسن]

little Angel نفس المشكله اللي صارت لي ..و قررت احذف الماده .. بس لساتني متردده .. بين اني ارجع اضيفها ولى اتركها نهائيا.. الله يسهلها ع الجميع .. بس بصراحه انا متأمله في انه حيكون في ترم صيفي .. وراح اخذها فيه.. عشم ابليس في الجنه

[white rose]

هلا ليتل ^^
وليه تحذفيها بالنسبة لدسامتها نزلي الشروحات تبعت مس سامية على موقع الجامعة وامشي عليها
واذا على الوقت غيري الشعبة للشعبة اللي تناسب وقتك وتكون بعيدة عن موعد اختباراتك الثانية
انا حذفت من الاودس الجديد العلوم ورجعت اضفتها في شعبة تناسب جدولي يعني الموضوع سهل من الاودس الجديد ما يحتاج تروحي لمس جميلة زي ما اضفناها اول مرة وكمان استخيري وربنا يوفقك :)

[ngham]

لسا فيه وقت انا ما اشوف انك تحذفيها


فية شروحات رائعه انا حقيقة استفدت منها

واعيد واقول ركزي علي الموقع التفاعلي اعطي كل مادة يومين بكامل على الموقع التفاعلي بس بعد سماع المحاضرات الخاصة بالاستاذة الدكتورة اكرام دانش وكذلك الماحضرات الي في موقع لكلية

الكتاب سىء لا احد يذاكر من الكتاب


وفالكم a+

[little Angel]

مشكورين جزاكم الله كل خير....نغم الله يسعدك ايش هو الموقع التفاعلي ؟؟؟ ياليت لو لو رابط تنزلية الله يوفقك يارب..

[Super Linux]

^

الموقع التفاعلي لمادة الكيمياء 205

الي كرهني ف الماده الدكتور الله يهديه يشرح ع اساس انه الي قدامو كلهم علمي

ويقول كلية الاداب اشتكو ومدري ايش طيب قدر ظروفنا

ماشاء الله الي معايه اخذينها عند دكتور ثاني مسهل لهم الماده وماشي معاهم حبه حبه

كل مااتذكر الدكتور يرتفع ضغطي لا ويجيك مرا متحمس لو المحاضره 10 ساعات ماعنده مشكله

اخر شي قلت ليه اعذب نفسي يعني الماده ماني فاهم منها ولا شي بحكم اني أدبي
والدكتور جالس يشرح ع اساس الي قدامه كلهم جايين من كلية العلوم :)
والنفسيه زفت
ولمن اشوف الدكتور ضغطي يرتفع

اول ماخرجت من المحاضره روحت الشؤون وحذفت ام الماده وربي بعدها ارتحت وكرهت الماده
ماراح انزلها الى ف التخرج او احتمال هالصيف

بس بقولكم حاجه وربي يقولون الاسئله كلها من الموقع التفاعلي تدربي عليه وفالك a+

بالتوفيق للكل

[mohshehri]

مشورة اخي الغالي ابو الاء اني احذفها الترم هذا وحذفتها لانها فعلا دسمه

[little Angel]

أخي الفاضل Super Linux الله يبعد عنك هالنوعية من الدكاترة.. ويسهلك دربك يارب ...وتعوض بالجاي إن شاء الله ...وبعد الإطلاع علي الموقع ...قررت أخليها وأتوكل علي الله...صراحة الموقع رائع وممتاز...
جزاكم الله كل خير ..