أنا سعودي.. وانت أجنبي

[جوزائيه]

اولا الاجانب ماجوا علشان خاطر عيونا جو لمصلحتهم علشان الفلووس وطبعا مانعمم لان بعضهم جاء للسعوديه علشان الحرمين والعلم الشرعي الي يفتقدوه في بلادهم
ثانيا لو قارنا بوضع السعوديه الان وقبل لشفنا الفرق كبيررر
وقبل الاجانب ماينتشروا فيها طبعا من ناحية الفساد مثلا انتشار الخموور وبيووت الدعاره والمخدرات والسرقه وووو اشياء كثيره لايمكن حصرها ومانقول ان ماكن فيه في المجتمع مثل هذا لكن نقوول انها انتشررت وبسبب اللاجانب طبعا
ثالثا الحمدلله لم اتعامل مع اي اجنبي بعلو وتكبر لان افضلكم عند الله اتقاكم وكثيرر والحمدلله من صحباتي اجنبيات مسلمات وافتخر بصحبتهم ولم اشعر بيوم من الايام بفارق بينهم وبين السعوديات بل منهن من هم افضل من بعض السعووديات وطبعا بدينهم ...

[طالب كسلان]

اخوي اصابعك مهي سوا وبعدين انا لاني معاك ولا ضدك من حقك تبدي رايك كلامك مو كلو صح ومو كلو غلط في من الوافدين او مانسميهم مواليد السعوديه نشاما ويستحقوها وفي منهم العكس وبعدين انتا جيت تنظر للوافدين طيب مارحت نظرت الي في البيوت متخرجين وبشهادات بس الواسطه الي ودتهم في دهيه هنا اقلك موعيال اسميهم لنو هذي اهانه نسميهم شباب البلد الناس الي ما يحصلو لقمة العيش وكدو اهلهم في عيالهم عشان يكبرو ويعملو ويصرفو على اهلهم بعد دا كلو تجي واسطه واحد ما يستاهل الوظيفه ياخذها ولا اجني يشغل مكانوو فين كلامهم على التدريب الاجنبي سار يدخل عيالو واحنا نتفرج ونترجاهم
وبرضو ما اهمل جانبهم الايجابي لهم جوانب حلوه وفعاله بس جا وقتنا عشان ندير نفسنا بنفسنا
هذا راي ويرت ما اكون زعلت احد
ودمتم

[JuStice]

.

الموضوع ما له دخل بالعنصرية ..

خلينا ننظر للموضوع نظرة واقعية وبلاش المثالية الزائدة المزيفة ,

مو من عادتي أستعمل كلمة "أجنبي" لكن أقول "غير سعودي" لأن وقعها أخف شوية ,

لكن الآن أقول .. إيوة أنا سعودي وهم أجانب .. أقولها من منطلق إنه كثير أجانب في البلد عايشين عيشة مو عايشينها أهل البلد السعوديين نفسهم !!

وما بأقصد هنا الفئة العاملة - الهنود والباكستانيين والبنغالة ... - لكن كلامي عن الأجانب اللي مستوى معيشتهم من متوسط وما فوق ,

مشاركيننا في كل شيء وآخذين أماكن كثيرة في البلد من وظائف وغيره .. بينما شباب البلد أولى بها ,

البلد موفرة لهم أشياء وتسهيلات كثيرة بغض النظر عن الإستثناءات ,

فهل السعودي إذا سافر لبلادهم راح يلاقي فرص عمل وتسهيلات معيشية مثل ما هم بيلاقوا هنا ؟ لا والله .. أبدًا .. لأن الأولوية دائمًا لأهل البلد نفسهم ..

إلا هنا في السعودية .. تلاقي مثلاً سعوديين عاطلين بينما أجانب بيشتغلوا ومرتاحين ورواتب وبدلات وتأمينات وكله متوفر لهم ,

راح تقولوا لأن الأجنبي بيشتغل ويكد ويتعب بينما السعودي مدلع ومو حق كرف !

الكلام دا غير صحيح وبالذات في الوقت الحالي ..

أبسط مثال إنه صار كثير شباب سعوديين بيشتغلوا في بعض المطاعم - زي البيك و بيتزا هت - , لكن للأسف تلاقي واحد ولا اثنين سعوديين فقط والباقي كله أجانب !

بأفرح بشدة لما ألاقي سعودي يشتغل مهما كانت الشغلة .. لأنه أولى .. وكل الأماكن اللي بيشغلها غير السعوديين .. شباب البلد أولى وأحق بها !

أنا لي أصدقاء غير سعوديين كثيرين وأحيانًا من منطلق العاطفة والمودة والصداقة بأتمنى إنه تكون لهم ميزات أكثر في بلدنا وبالذات المولودين هنا واللي عاشوا وكبروا ونعتبرهم من أولاد البلد زينا ,

لكن بلاش العاطفة تحكمنا .. والصحيح إنه ابن البلد المفروض تكون له كل الأولوية ,

بالنسبة لغير السعوديين أحب أسألهم سؤال : هل إذا سافرت أنا لـ بلدك راح ألاقي فرص عمل ومميزات مثل ما إنت بتلاقي هنا في السعودية ؟

ختامًا ,

هذي مو عنصرية مني أبدًا وأتمنى ما يتم فهم كلامي بطريقة خاطئة .. لكن .. مجرد واقعية .

.

[فاقدة أبوها]

نعم لاأحد ينكر فضل الأجانب على البلد بغض النظر عن سبب مجيئهم,,
مثلاً أنا اشتغل في مستشفى وزميلاتي اجانب ولولا الله ثم هم مااستقبلنا ولا مريض!
ومن قبل مااشتغل انا وزميلاتي السعوديات ماكان فيه أحد غيرهم شايلين المستشفى فوق روسهم
لكن تظل هناك بعض السلبيات خصوصاً من غير المسلمات ,ولكنها تظل قليلة بالمقارنة مع خدماتهم الكبيرة للمرضى .

باختصار الأجانب شر لابد منه ...

[رقه احساس]

مشكور ع الطرح الحلووووووووو
أنا من مواليد السعوديه
حضرميييييييييييييييييييييييييييييييييييييه وافتخررررررررررررررررر
وشوووو ذا الهجووووووووووووووم الفظيع؟؟؟؟؟؟؟؟؟؟؟؟؟؟
يعني مدري وشو اقول...........؟؟؟؟؟؟
الرزق والعمل بيد رب العالمين هو اللي يوزعها ع العباد
ولكل مجتهد نصيب

[فراشة جدة]

وحتى انا من موااليد السعودية عشت فيها وتربيت فيها بعد
كانها بلدي وزيادة كمان وهادي مهي بلدكم لحالكم هي بلاد كل المسلمين
وانا اللي قهرني انو في ناس جاالسة تقول حنا اجانب
حنا مو اجانب احنا عرب ومسلمين كلمة اجنبي تطلق على غير المسلمين
وبعدين الرزق بيد الله والله لو كنت وين ماكنت اذا ربك كاتبلك رزق فيه رح تاخدوا
والفساد موجود في كل مكان مو بالضرورة نكون احنا اللي جبنا الفساد لانوا في من اهل البلد كمان فاسدين

وسلاامتكم

[رقه احساس]

[quote=JuStice;1629024][RIGHT].

الموضوع ما له دخل بالعنصرية ..

خلينا ننظر للموضوع نظرة واقعية وبلاش المثالية الزائدة المزيفة ,

مو من عادتي أستعمل كلمة "أجنبي" لكن أقول "غير سعودي" لأن وقعها أخف شوية ,

لكن الآن أقول .. إيوة أنا سعودي وهم أجانب .. أقولها من منطلق إنه كثير أجانب في البلد عايشين عيشة مو عايشينها أهل البلد السعوديين نفسهم !!

وما بأقصد هنا الفئة العاملة - الهنود والباكستانيين والبنغالة ... - لكن كلامي عن الأجانب اللي مستوى معيشتهم من متوسط وما فوق ,

مشاركيننا في كل شيء وآخذين أماكن كثيرة في البلد من وظائف وغيره .. بينما شباب البلد أولى بها ,

البلد موفرة لهم أشياء وتسهيلات كثيرة بغض النظر عن الإستثناءات ,

فهل السعودي إذا سافر لبلادهم راح يلاقي فرص عمل وتسهيلات معيشية مثل ما هم بيلاقوا هنا ؟ لا والله .. أبدًا .. لأن الأولوية دائمًا لأهل البلد نفسهم ..

إلا هنا في السعودية .. تلاقي مثلاً سعوديين عاطلين بينما أجانب بيشتغلوا ومرتاحين ورواتب وبدلات وتأمينات وكله متوفر لهم ,

بالنسبة لغير السعوديين أحب أسألهم سؤال : هل إذا سافرت أنا لـ بلدك راح ألاقي فرص عمل ومميزات مثل ما إنت بتلاقي هنا في السعودية ؟

ارد على كلام الاخ الفاضل JuStice: والله اصحاب المستوى المتوسط واللي فوق المتوسط والوظائف والبدلات
اللي قاعد تتكلم عنها
لواصلا ماكانوا اهل وثقه وحمل للمسؤليه ما كانوا وصلوا للي وصلوله بمجهودهم واخلاصم
واصلا ماكانوا من الاساس انحطوا في مناصب كبيره الا انهم يستحقوها وهم اهل للثقه لوكانوا ما يستحقوها ما كانوا المسؤلين حطوهم فيها
والمسؤؤلين ادرى
والله لو الرزاق كاتبلك رزق بتلاقيه بتلاقيه والمكتوب لك بتاخذه وين ماكنت حتى لو في المريخ


ودمتــــــــــــــــــــــــــــــــــم

[رقه احساس]

الاخت فاقده ابوها
الاجانب شر لابد منه؟؟؟
لا تعممي الكلام
الشر هو الشيطان الموجود يسار كل انسان
واحنا مو شياطين
ياليت تنتقين الفاظك شوي

[soma al7elwa]

كلامك في الصميم..

بس الأهم إنو الدنيــــــــا سلف وديــــــن

في يوم من الأيام راح نكون أجانب في بلد ما

ومحد عارف بكرة ايش ممكن يصير

ممكن تكون طالب .. ممكن تكون مدير .. ممكن تكون سائح .. ممكن تكون سواق .. عامل نظافة .. تغسل صحون فمطعم

الله أعلم

والشر موجود عندنا زي ماهو موجود عند غيرنا

لحد يقول من يوم ما جوا البلد خربوها .. أهل البلد مكفيين وموفيين

بدليل شوفوهم برا فين بيروحوا ...

ما بقول الكل .. لكن في كتيــــــــــــــر من السعوديين زي كدا

صح ولا لا؟

واسألوا اهل البحرين

والله يغفرلنا كلنا يارب

[منال عبد الغني]

مرحبا اخواتي فراشة جدة و رقة الاحساس نحن هنا لسنا بصدد التحدث عن العصبية والعنصرية لانه كلام هراء نحن بصدد طرح اراءنا حال ما طرحه الاخ صاحب الموضوع وهذا ما لحظته على اغلب الردود العنصرية والعصبية الواضحة وتبنيها لاحد هذه الاتجاهات لقد ذكرتم في مشاركاتك انك عشت في احضان هذا الوطن ولم تنكرا فضله عليكما والمنه لله لا خلاف ولكن مهلا هل هي اراء البقية غير ابناء هذا الوطن اشك في ذلك نحن لا انكر جدية الاجانب في السعي وراء لقمة العيش متناسين او متجاهلين النظرة الدونية من ابناء الوطن حيال قيامهم وضيعة من وجهة نظرهم السلبية نعم لا احد ينكر هدفهم وسعيهم لكسب قوت فهم على النقيض من بعض ابناء هذا الوطن لقد تحدث الاخ صاحب الموضوع بوصفهم بصفات اقرب للمثالية فهو يصفنا اننا عالة عليهم ومعانتهم من الظلم والعدوان الواقع عليهم وان كان الوضع كما تفضل الاخ فما الذي يجبرهم على تحمل الوضع السئ في بلادنا نعم لا احد ينكر قيام نسبة منهم بعمال تسئ لسمعة بلادنا من اعمال تخريب ودمال وشعوذة والكثير الكثير ان الناس ليسو سوا بغض النظر من كونهم ينتمون او لا ينتمون لهذا الوطن عجبا للبعض؟؟؟؟!!!!!!!