A+....المستوى الثالث ....تجاربكم

[livelove]

السلام عليكم
يوالي منكم ويكثر مواضيعي الله يعنكم علي بس تعودوا

طبعا بعد التحضيري جاتني صدمه من الجامعه انو مراح اقدر أجيب a+
لكن ان شاء الله اجيبها
مابغي أطول عليكم لكن كل مافي جعبتكم طلعو للحصول a+
امم وأيش الكتب الي راح نحتاجها ونستعملها ولي لا
وادا في ملخصات ومدرسات خصوصيات مافي مانع اكتبو
وشكرا مقدما وان شاء الله كل المستوي الثالث يستفيدو

[سوسآ]

انا كممآنآ ابا اعرف
ان شاء الله البنات محآ يقصرووو

[nada kt]

وانا كماااااااااااااان ابغا اعرف

[livelove]

هل يوجد احد يفيدنا

[miss colour]

مين قلك بالعكس تقدري تجيبي آي بلس .. و ممكن تجيبي 100 كمان

بس أول حاجه لازم تسويها .. إنك ما تسمعي كلام أحد وما تسمعي اللي يحبطو ..
و أعتقد إنتي دحين في وضع ما تحتاجي ملخصات فيه
المستوى الثالث ..

طبعا تقريبا كل المواد حتكون فيها سلايد أو تست بانك .. حتكلم معاكي ع المواد ..

عندك محاسبة 117 .. الماده حلوه و خفيفة و تقدري تجيبي فيها الآي بلس بالراحه
و كثير جابو فيها الآي بلس ..
تقريبا كانت كلها سلايد .. و فيها جزء نظري و عملي
بس الشي الوحيد فيها من أول ما تآخذيها ما تكدسي الدروس على بعض حتتلخبطي

ذاكريها أول بأول نظري و عملي ..
واذا عندك سؤال أسألي الدكتوره ..
أما اذا دكتورتك مو كويسه .. شوفي عندك دكتورتين

د. سحر الجبروني .. و د. شريفه مصطفى

هدولا يعملو مراجعه قبل كل اختبار .. روحي أحضري معاهم عشان تفهمي
و تقريبا الاسئله في المراجعه هيا اللي تجي في الاختبار
طبعا بعد كل شابتر ينزلو اوراق مراجعه تطبيق على الشابتر ..
ودي لازم تراجعيها قبل الاختبار لأنها مره مهمه و تجي الأسئلة منها ..

ما أنصحك تذاكري من ملخصات و تذاكري زياده على اللي عندك

لأنك حتتشتتي

و الاختبار فيه اختياري و حل مسائل .. بس الماده حلوه


الاقتصاد الجزئي .. دي الماده فيها كمية كلاميه كثيره ..
لازم تذاكريها أول بأول لو ما كانت من التست بانك .. عشان تقدري تجيبي الآي بلس

العربي . . دي مماده ممره سهله .. تضمني فيها الآي بلس كلها قاعدات تقريبا نحو
و الاختبار اختياري

آحصاء أعمال .. عملية يعني دراسة على الجهآز
دي الماده اللي يبا يشوفها سهله حيحل و اللي يبا يشوفها صعبه محا يحل و لا حيجيب
درجه كويسه

تعتمد عليكِ إنتي .. في دكتورات يشرحو كويس
و تقريبا على الترم اللي فات كانو يعملو سكشن
و في بنات يشرحو لبعض

حتسمعي كثير يقولو محد ينجح فيها و الخ
بس طنشيهم عشان تجيبي الدرجه اللي تبغيهآ
اذا ما فهمتي الماده تلآقي في شروحات في المنتدى هنا لدي الماده
حلوه بس مو خفيفه

في النهائي يجيبوها مويه و يحطو بونس انتو و حظكم ممكن جامد و ممكن لآ

بس الدوريات يحبو يلعبو فيهآ ..

تجيبي فيهآ الآي بلس لو اهتميتي في الماده
طبعا الآختبارات حقتها كلها اختياري


الانقلش .. زي الليفلز حقت التحضيري ..

بس الفرق دي على طول الترم



و إن شاء الله البنات يساعدوكم أكثر ..

[ωâяd âlјσσяŸ]

http://www.skaau.com/vb/showthread.p...74#post6012574



^

راح يفيدكم هذا الموضوع كثير في مادة الاحصاء ان شاء الله
دعوآتكم :$

[εïз » ÐR.Ӟβềềбђ º7]

جززاكم الله خيررا جميعاا

ان شالله يفيدنااا

[ҳҲҳŔỜŔỜҳҲҳ]

ايش الكلام السلبي دا تقدري تجيبي ال a+ بالراااااااحةة وطبعا بجدك واجتهادكك

المستوى الثالث :

محاسبة 117 حتى لو كانت دكتورتك مابتفهم كويس حاولي قد ماتقدري تستعيني بعمنا قوقل ادخلي عاليوتيوب وابحثي عن دروس وان شاء الله تفيدك
وكمان لازم تعودي يدك عالشغل والحل السريع وتأخذي كذا فكرة للمسألة الوحدة بالمختصر حاول قد ماتقدري تعودي نفسك وتحلي جزء من اسئلة الكتاب لانها كثيرة وغير كذا التست بانك ركززي كثير فيه
اللي لاحظته انو دايما بتكون الاسئلة نسخ ولصق من التست بانك بس لاتصيري شاطرة وتحفظيه مايمشي ذا الكلام افهمي ثم افهمي ثم افهمي وتجيبي ال100 بالراحة
واحضري مراجعة دكتور شريفة لانها بالمختصر بتركز ع اشياء بتجي فالاختبار

الاقتصاد الجزئي مادة جدا ممتعة وسهله اعتمادنا كان عالسلايدز حاولي تفهمي كلمة كلمة حتى لو مافهمتي ماحتقدري تحفظي ولازم بعد ماتخلصي من السلايدز تراجعي التست بانك وان شاء الله فل ماررك

احصاء اعمال هيا بتأخذ منك جهد بس والله ع قد مايقولو البنات عنها ويصعبوها هيييا سههله لو كنتي عند استاذة كويسة وحتتعبي بس بنتيجة حلوة لو كنتي عند استاذة مش كويسة
اهم شي لاتهملي وحاولي تذاكري اول بأول وتطبقي عالجهازز تعودي نفسكك ع المسائل وكيف تجيبي الحلول وغير كذا في شي اسمو بروجكت هذا بتعمليه مع قروب وعليه درجات بتكون بونس في حدود عشر درجات اتوقع

الحمد لله كلها جبت فيها الاي بلس
وتوكلي ع الله وتفائلي خيرر وخليكي جدا ايجابية ولاتسمعي لأي احد سلبي وحاولي قد ماتقدري تعتمدي ع نفسكك يعني مو لو طلعت الدكتورة مابتفهم خلاص يجيكي يأس واحباط بالعكس حاولي انك تجتازي ذا الشي وبنتيجة حلووة وفالقمة ياما طحت في يد استاذات بيقولو عنهم من اسوأ الاستاذات بس الحمد لله كلو بفضل الله طلعت بنتيجة تفررح القلب

ربي يوفقككك ويانا