خاص لكل الطلاب والطالبات ( لكل الاعمار وجميع المستويات )

[نانو بيبي]

السلام عليكم ورحمة الله وبركاته

اخواني ... اخواتي ...اصحاب المعالي ... ... اصحاب منتدى تقنية المعلومات الموقروون .... بنات شلتنا... عيال حارتنا .... اليكم

هذا الموضوع كتبته من اجل (التنفيس والترويح )
عن انفسنا ف اللي عنده مشكلة ... هم ... قضية ... ظلم ...
مهاوشة
يطلعه هنا
سبوا ... اشتموا ... طلعوا كل اللي في نفسكم (بس فضلا سبوا باحترام)>>> كيف ما اعرف ؟؟؟؟

حش... مثلا
تقطيع ... ارانب اي شئ كلوا مقبول
وخذوا راحتكم ( ملاحظة :بس مو مرة )
وانا ابدا .... اااه
اااااااااااااااااااااااااااااااااااااااااااااااااا اااه
اكيد عارفين انا اتكلم عن مين ؟؟؟ سمر الله يسامحها ...تخيلوا سوينا المشروع حقنا وقالت لنا تمام وكويس ومشينا الخطوة الاولى ... التانية ... التالتة ... الرابعة ... وبعدين كلوا شغلكم غلط * غلط وقالت ارجعوا عدلوا من الاول وجديد ولنا اربع اسابيع نشتغل فيها ...
هيا بالله اش اسوي فيها ... راحت مسافرة .. واحنا بقينا مع الهم
والحداد ... يقول نفتح ساحة الحوار ..حوار ايه الله يعينه على نفسه !!

خلصت حق اليوم الحمدلله طلعت اللي في نفسي (ارتحت شوية )
بكرة اكمل
وانتو كمان شاركوني
باي

[Mr.Ahmad]

و عليكم السلام ورحمة الله وبركاته .

سبوا ... اشتموا ... طلعوا كل اللي في نفسكم (بس فضلا سبوا باحترام)>>> كيف ما اعرف ؟؟؟؟

لا نريد ذلك أبداً , فلا بالسب والشتم تنحل المشكلات .
ولا يوجد سب وشتم محترم .

حش... مثلا

" الحش " تعني الغيبة والغيبة من كبائر الذنوب , وهذا لا نريده أبداً أبداً .

لذلك ,,, نتمنى تجنب السابق في جميع المشاركات .

[نانو بيبي]

المشاركة الأصلية كتبت بواسطة Mr.Ahmad و عليكم السلام ورحمة الله وبركاته . لا نريد ذلك أبداً , فلا بالسب والشتم تنحل المشكلات . ولا يوجد سب وشتم محترم . " الحش " تعني الغيبة والغيبة من كبائر الذنوب , وهذا لا نريده أبداً أبداً . لذلك ,,, نتمنى تجنب السابق في جميع المشاركات .

صح كلامك .. اخوي Mr.ahmad
بس ياليت تتقبل وجهة نظري ....
في كل نفس بشرية ... مساحة مكبوته سوداء تتجمع فيها الافكار السوداء
لازم كل شخص يطلعها سواء بكتابة بكلام اي شئ
وانا ابغى اطلعها في المنتدى بمشاركة زميلاتي
واذا طريقتي كانت خاطئة نظريا

فاتمنى انو اعرف اش هي الطريقة الصحيحة لذلك
مع انو سالت دكتورة نفسية عن دي الاشياء قالت طلعوها الافضل

لانو عندي افكاااااااااار سودا
نفسي اقتل سمر الطاهر ...نفسي
ابصملك بالعشرة .... لو درستك ... اذا ما جاتك حالة نفسية (بعيد الشر)
ولا انسان قابلته في حياتي زيها
وحدة من صحباتي
قبل ما تدخل محاضرتها (تاخذ 4 حبات بندووول عشان تخفف من توترها)
اعوذبالله منها ... احمدالله انو انت ما تشوفها ولا تعرفها ... يجيك المرض وشدة اعصاب منها

يعني اذا على درجات .. ما حناخذها ابدا
طيب اعصابي .. ليش تلعب فيها ؟؟؟ توتر مو طبيعي
صحيح اخوي المفروض ما نغتاب ولانسب احد
بس صديقني ما اقدر....
ولو عندك طريقة تانية احسن من كدا قوووول !!!!!

اسفة عل الاطالة
وشكرا عل المرور والنصيحة

[نانو بيبي]

مرحبا اخواني .....................
اذا .. ممكن

بس شوية تسمعوني ... وتقروا كلامي بتمعن ......






اولا : اذا الواحد حس انو مكبوت ومضايق لازم يطلع هدا الشئ بطريقته الخاصة
تانيا : لاتكونوا زي تطلعوها بالسب والشتم لانو ما يجوز
تالتا : لا تكبتوا نفسكم زي ما طلب مني الاخ Mr.Ahmad انو ابطل السب والشتم لكن ما اعطاني حل كيف اطلع اللي في النفس

لذلك












المهم









ركزوا معايا

الطريقة الوحيدة والفعالة ..................عشان نطلع اللي في نفسنا ...
لها وقت معين ............................
وهو اخر ساعة قبل الفجر ..........

هناك واحد احد فقط لاغير هو من سيسمعنا وهو اللذي يستحق ان ابث اليه همومي



اشكوا اليه ........ من اذاني ...... من اجهدني ...... من قهرني





انه الله ................لا اله لا انت سبحانك اني كنت من الظالمين




يارب سامحني ان ضللت الطريق اليك





وها انا اليوم الهمتني ..........طريق الصواب (وما توفيقي الا بالله)




الهي بعطفك ومنك وكرمك ......ابعد عني شر كل دابة انت اخذ بنا صيتها

واغفر لي ذنوبي



وارجوك ...الهي ..........امتني في حضن سجادتي ... مادام الممات خير لي


اللهم ان ترضى عني فلا ابالي .... اغفر لي ولمن سمعني ... ولمن قرأ كلامي في هذا المنتدى اللهم امين



وشكرا جزيلا مقدما لكل من سيمر ويقرأ كلامي

[Mr.Ahmad]

ولكن ... الكاظمين الغيظ يباهي الله عز وجل بهم الخلائق يوم القيامة .
قال تعالى : { وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين } آل عمران ، آية (143)

وعن ‏ ‏سهل بن معاذ بن أنس الجهني ‏عن ‏أبيه :‏ عن النبي ‏- صلى الله عليه وسلم -‏ ‏قال ‏: ( ‏من كظم غيظاً وهو يستطيع أن ينفذه دعاه الله يوم القيامة على رءوس الخلائق حتى يخيّره في أي الحور شاء ) سنن الترمذي ، برقم1944

وإذا غضـبت فكن وقوراً كـاظماً * للغيظ تبصر ما تقول وتسمع
فكفى به شرفاً تبصر ســاعة * يرضى بها عنك الإله وترفـع

لقراءة المزيد :
http://www.islameiat.com/main/?c=98&a=1362

: )

[اميرررة الورود]

السلام عليكم
اختي صحيح هي ما تدرسني هذا السمتر من فضل الله علينا
لكن لمن قرأت موضوعك حسيت باحساسك وكانها الايام رجعت لوراء
بس تعرفي الحل هو الي انتي قلتيه لا تكبتي شي في نفسك اشتكي للخلقك هو الي حيخفف همك وحيعينك

بس حاولي تتعايشي مع الوضع (عارفه وربي انو صعب )ولا تمرضي نفسك لانو ما راح تاخذي الا الي ربي كتبو لك وعشان لا تندمي في يوم من الايام على عمرك الي راح ثمن
لانو ما في اي احد يهمو وبالذات كليتنا الموقرة وكانو عاجبها الحال وهذا اذا ما ودهم يزودها علينا بس حسبي الله ونعم الوكيل

اصبري وربي حيعوضعك
كنا في يوم من الايام زيك و لحد الحين عايشين في كابوس انو تدرسنا على التخرج بس ربي هو الي حيبعدها عننا و عنكم

[SM0O0]

محد حياخد شيء غير الي كاتبو ربنا
انا اخد معاها دا الترم واخدت ماده قبل معاها بس عادي عندي ايمااااان ويقين انو ماحيسير غير الي ربنا كاتبو
وكلي امرك لربك واكيد محايخيب ضنك
والدرجه الي ربنا كاتبها لكي حتاخديها غصب عن الكل لاسمر ولاغيرها حيردو القدر

[نانو بيبي]

شكرا يا قشطة مررة خففتي عني الوجع والالم .... طول الاجازة الناس قاعدة تستمتع
وانا اعيد المشروع للمرة الثالثة .... الله المستعان
ياااااااااااااااااارب ساعدني
(ربي اني لما انزلت الي من خير فقير )

[نانو بيبي]

المشاركة الأصلية كتبت بواسطة اميرررة الورود السلام عليكم اختي صحيح هي ما تدرسني هذا السمتر من فضل الله علينا لكن لمن قرأت موضوعك حسيت باحساسك وكانها الايام رجعت لوراء بس تعرفي الحل هو الي انتي قلتيه لا تكبتي شي في نفسك اشتكي للخلقك هو الي حيخفف همك وحيعينك بس حاولي تتعايشي مع الوضع (عارفه وربي انو صعب )ولا تمرضي نفسك لانو ما راح تاخذي الا الي ربي كتبو لك وعشان لا تندمي في يوم من الايام على عمرك الي راح ثمن لانو ما في اي احد يهمو وبالذات كليتنا الموقرة وكانو عاجبها الحال وهذا اذا ما ودهم يزودها علينا بس حسبي الله ونعم الوكيل اصبري وربي حيعوضعك كنا في يوم من الايام زيك و لحد الحين عايشين في كابوس انو تدرسنا على التخرج بس ربي هو الي حيبعدها عننا و عنكم

شكرا جزيلا ... يا سكر
على النصيحة الحلوة ...... من جد كانت اعصابي تالفة
وشوية لمن قريت ردك (اتنعنشت ) ههههههه

[نانو بيبي]

المشاركة الأصلية كتبت بواسطة Mr.Ahmad ولكن ... الكاظمين الغيظ يباهي الله عز وجل بهم الخلائق يوم القيامة . قال تعالى : { وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين } آل عمران ، آية (143) وعن ‏ ‏سهل بن معاذ بن أنس الجهني ‏عن ‏أبيه :‏ عن النبي ‏- صلى الله عليه وسلم -‏ ‏قال ‏: ( ‏من كظم غيظاً وهو يستطيع أن ينفذه دعاه الله يوم القيامة على رءوس الخلائق حتى يخيّره في أي الحور شاء ) سنن الترمذي ، برقم1944 وإذا غضـبت فكن وقوراً كـاظماً * للغيظ تبصر ما تقول وتسمع فكفى به شرفاً تبصر ســاعة * يرضى بها عنك الإله وترفـع لقراءة المزيد : http://www.islameiat.com/main/?c=98&a=1362 : )

مرحبا ..... Mr.Ahmad
للمرة التانية احسك تحاول تعالج المشكلة بالكبت ..... ما اعرف ليه ؟؟؟؟
صحيح الواحد لازم يعفو عن الغير ويكظم الغيظ .... بس دي درجة ما حيوصل لها الا الناس اللي مو عادية ( في نظري طبعا)

الحمد لله انو ربنا جعل للمظلم دعوة مستجابة
حتى يناجي المظلوم ربه ... ويبث الشكوى لربه ويطلع كل الي في نفسه


اما كظم الغيظ بالنسبة لي في هذا الزمن جدا صعب

اما اذا حاولت اكظم غيظي ..... فاكون دمرت نفسي (تقريبا)
صحيح كل اناس مبتلى ولازم الانسان يصبر ... لكن في نفس الوقت يفضفض
عشان كدا انا كل يوم ادعي ربي انو يعينني في( البلوى) دي


-----------يارب اسالك صبر ايووووب--------


هادا مو معناته انو كلامك غلط يا مستر احمد ...لا كلامك مية في المية
بس في الواقع تطبيقة صعب ....
ياربي اجعلني من ( الكاظمين الغيظ والعافين عن الناس )

وشكرا على النصيحة وانا اتقبلها بصدر رحب
واذا عندك كمااااااان ... كلي اذان صاغية
اتمنى تتقبل وجهة نظري