الله يوفقك الى عدا المستوى الثالث تعال.

[الشفق,,,,]

السلام عليكم ورحمة الله
تكفى اقولها لين اتعب لكن ارجوك مالك الا الاجر

انا معتذر الترم الي راح بسبب الصعوبه الي واجهتني في مواد التخصص الانتساب

الشي الثاني اببدأ الترم هذا لكن كيف طريقة المذاكره في الريدنق والرايتنق واللسننق من خلال تجاربكم

وعلى ماذا تدور الاسئله في الاختبار انا ضايع الان .

اريد ان امشي واذاكر على اسس وركائز منك ما بي اروح على عماها .

يعني على ايش اركز وعلى ايش مااركز على شان ماضيع وقتي .

او تنصحني اترك ذا التخصص .

ارجوك رب كلمه تقولها لي يكتب لي طريق النجاح بعد توفيق الله

الله يجزاك خير.

[mobarak0911]

أخوي:
بنصحك من قلب
أولا إنت كيف لغتك؟
ثانيا والأهم:
القسم ما فيه لعب يعني دراسه وجهد والمستقبل قدامك إن شاء الله يبشر بكل خير...
1- الريدنق إقرأ مواضيع الكتاب موضوع موضوع وضلل الكلمات اللي ما تعرفها وترجمها في كشكول خارجي (حاول قد ما تقدر ما تعتمد ع المترجم الفوري)
2- الرايتنق إكتب وتعود ع الكتابه وتمرن لحد ما تتقن الكتابه ع الأقل تعرف هيكل المقال والبراجراف
3- الإستماع نزل السيديهات وتابع التمارين من الكتاب.
إعتمد ع الكتب المقرره أولا ثم إبحث في النت عن المواقع المفيده
عندكYoutube مفيد جداً في بعض الشروح مثل القرامر أو المقاطع الصوتيه وأشياء كثيره أخرى
لاتهتم للكلام اللي ممكن تسمعه من بعض الطلاب أنو القسم صعب أو مستحيل أوالدكتور فلان وسوى فينا لأن كل شخص له إمكانياته وقدراته
وقبل كل شيء إستعن بالله ولا تعجز
والله يوفقك لما يحب ويرضى. نسيت أقولك شيء إهتم ألف مره في الفوكابلري والفرق بين الإسم والفعل والصفه والحال الأشياء هذي المفترض تكون عارفها من أول والقسم راح يعاملك على إنك تعرفها وملم فيها

[madaniao]

وفقك الله اخي

ركز على حل التمارين والقراءة واستخدم القاموس الكتابي بكثرة صحيح انه متعب بس ...اللي تتعب فيه ماتنساه

[MoLaR]

انصحك تأخذ كورس سريع قبل البداية
الموضوع هذا يفيدك ويفيد طلاب المستوى الثالث على وجه الخصوص
لأنهم بحاجة الى رفع مستوى لغتهم قليلاً قبل البداية

http://www.skaau.com/vb/showthread.php?t=267333

لو بدأت فيه مع الوقت بتكون تحسنت كثير و تبداء بكتب المستوى الثالث وانت واثق من نفسك
الكورس يمتاز بانه متطور جداً و سلس ما يشعرك بالملل و شامل لجميع مهارات اللغة
لو استمريت عليه و استمريت بالمذاكرة و المشاركة في المنتدى بسؤال الزملاء و مساعدتهم لك في تصحيح و توضيح ما يشكل عليك لانهم ماشاء الله مثل خلية النحل ما يقصروا مع أحد

[mahzeri]

السلام عليكم ورحمة وبركاته
يأخي اول شي الموضوع يعتمد عليك انت الاساس هل عندك عزيمة انك تجتهد وبقوه وماتخلى الاحباط
يتمكن منك لأنك لو محبط وتبغى تذاكر ماراح تعرف نهائيا كل شوى راح تقول مافهمت شي من المذاكرة تعبت
جالس لى ساعة ماخلصت صفحة هذي كلها امور تحبطك توكل على الله وشجع نفسك وحاول انك تستعين بالله ثم بالاخرين الى عندهم خبرة وذا حالك ميسور وتقدر تجيب مدرس متمكن ترى يساعدك كثير ويختصر عليك الوقت
الدرس الى تذاكره في ساعة ممكن في ربع ساعة مع فهم كامل ويفيدك اكثر اذا انت ميح في اللغة
بالنسبة لي اخذت الفصل الى فات قراء وتحدث واستماع وفرنسي
القراءة مهنج كبير شوي ويحتاج انك تجتهد عليه كثييييييييير تقراء القطع وتحاول تفهما عشان تجاوب على اسئلة الكتاب
طريقه في الاختبار جابو لنا جز من القطع الى في الكتاب او بما معناها وكانت الاسئله عليها صح وخطأ وتوصيل فراعات ومرادفات مع العلم انه فيه كثير من الاسئلة جت مهو من الجزء المعطي وانما من تكملة القطعة التي في الكتاب يعني لو انت ماقرأة القطعة في الكتاب كاملة ماراح تجاوب على بقية الاسئلة وبرضو جابولنا كلمات وتحدد انت هل هي اسم اوفعل او صفه او حال............ اما التحدث ولاستماع الكتاب كله 6 شباتر في كل شبتر قطعه لازم تقرها وتفهما عشان مقاطع الاستماع تستمع لها وتحل الاسئلة التي عليها وايضا تكتب ايش الي فهمته يعني طور مهارتك فيها وحاول تفهم كيف تجزء الكلمة سيليبل والاسترس (2-2) الاول سليبل وثاني الاسترس
طريقة الاختبار يجيبولك مسجل في القاعه تستمع وتجاوب وكل الاسئلة الي جات كانت كلها استماع وانت تختار وبعد ماتخلص تلون في ورقة الاجابة الاسئلة كانت اربع اجزاء الجزء الاول كان يتكلم عن برامج الكمبيوتر وكيف تطورت افلام الكرتون
عليها عشرين فقرة والثاني كان عن tv والداعيات وبرضو عليه عشرين فقرة والثالث كان على الكلمات السيلبل والاسترس خمس كلمات والرابع كان عن الافلام وتأثيرها على الاطفال من ناحية العنف تسمع الجملة وتختار انك مؤيد او معارض كانت خمس جمل .................. والفرنسي كلها كم صفحة تحاول تحفظها صم وتروح الاختبار
طريقة الاختبار السؤال الاول جملة تجيب منها صيغة السؤال بثلاث طرق والسؤال الثاني كان كلمات وتجيب منها التأنيث والثالث على اسئلة على الساعة مرة ارقام ومرة كتابة والرابع افعال وتصاريفها والخامس فراغات تحط فيها الضمير المناسب .....................
اما الرايتنق فاعلمي علمك كنت حاذفه الفصل الى فات
زي ماقلت الموضوع في الاساس يرجعلك لازم تجتهد وصدقني مع الاجتهاد كل شئ سهل وميسر لانه الله عز وجل مارح يضيع تعبك وانصحك الدعاء ثم الدعاء ثم الدعاء بالتوفيق دائما .......................
شد حيلك وربنا يوفقك

[syma50060]

المشاركة الأصلية كتبت بواسطة الشفق,,,, السلام عليكم ورحمة الله تكفى اقولها لين اتعب لكن ارجوك مالك الا الاجر انا معتذر الترم الي راح بسبب الصعوبه الي واجهتني في مواد التخصص الانتساب الشي الثاني اببدأ الترم هذا لكن كيف طريقة المذاكره في الريدنق والرايتنق واللسننق من خلال تجاربكم وعلى ماذا تدور الاسئله في الاختبار انا ضايع الان . اريد ان امشي واذاكر على اسس وركائز منك ما بي اروح على عماها . يعني على ايش اركز وعلى ايش مااركز على شان ماضيع وقتي . او تنصحني اترك ذا التخصص . ارجوك رب كلمه تقولها لي يكتب لي طريق النجاح بعد توفيق الله الله يجزاك خير.

شد حيلك اخوي الله يوفقك لازم لازم لازم تذاكر زين خاصة في الريدنق لانه يحتاج جهد جبار منك وحاول تاخذ مدرس فاهم تتابع معاه وتحل التمارين وتحفظ كلمات لانه الاسئله بصراحه فيها شوية صعوبه بس لمن تذاكر مضبوط راح تجيب درجات حلوه بالنسبه للرايتنق اقل جهد اللهم تحاول تكتب اللي في راسك في ورقه عشان تتعود ع الكتابه هذي يسمونها (freewriting) اللسننق مثل ماقالو الاخوان السيديهات اسمعها زين حاول حتى في السياره اسمعها وفي الجوال وسلامتك اخويه اتمنى اني اكون افدتك

[الشفق,,,,]

الله يجزاكم الف خير

والله افدتوني كثير واسأل الله العظيم رب العرش العظيم ان يوفقكم وان تفرحو فرحة التخرج
والله ريحتوني الله يريح بالكم .

برضو انتظر من اخواننا الاخرين الردود وانتم كفيتو ووفيتو الله يجزاكم خير

[القهوة العربية]

الله بوفقك انا ىارى ان تقرا كثير جدا وبصفة مستمرة وحاول تتعود على الاستماع ومن ثم حفظ الكلمات ترى يا اخى والله والله الموضوع جدا طبيعى غير خارق للعادة لان اللغة ثقافة وليست علم ( عامل المحطة اللى فى حارتنا يعرف انجلش

[جبل طارق]

هل ياترى بتتغير المناهج كالعادة

[الســــــــــاطع]

أخي الكريم اللغة الأنجليزية تعتبر مهارة ولذلك من السهل تتقنها اذا تدربت عليها جيداَ