الى كل من تريد معلومات اكثر عن السكن الداخلي للطالبات..

[Fatema Alshareef]

السلام عليكم ورحمة الله وبركاته
كيفكم يا بنات..
أنا عضوه مسجله من اول بالمنتدى يمكن اغلبيتكم ما يعرفني
لاني انقطعت عن المنتدى فتره ودحين رجعت الحمدلله..
أنا من السكن الداخلي للطالبات..وماشاء الله زميلتنا إراده ما قصرت..
كتبت معلومات عن السكن..واذا فيه اي استفسار اخر حبيباتي عن السكن انا جاهزه ..
تحياتي..
بنت جامعتي

[سُكر محروق]

جزاكِ الله خير .

أول يوم أحضرو في السكن متى بالضبط ؟ بعد العيد على طول ؟

وأجيب كل أغراضي الي احتاجها معايا ولاأنتظر أشوف الوضع كيف أول ؟ لإني بصراحة مستحية أجيب معايا كل شيء مرة وحدة ويقولو ايش فيها دي بتهاجر ؟ههههه


ثاني شي ..أنا كتبت في الملاحظات السكن مع طالبة مستجدة مسار إداري ..ونسيت أكتب خطة رقم كم ، فيسكنوني عادي مع أي وحدة ؟ ولا لازم نفس خطتي ومساري ؟

وأول ماأجي يقولولي فين غرفتي ؟ ولا أول شي يكون فيه تمهيد وشرح p: ?

آخر شي المطعم عندهم كويس ؟ ولاأجيب غذائي معايا ولاكيف p: ?

آسفة كثرت اسئلة ..ومرة شكرا على تعاونك

[سُكر محروق]

صح نسيت أهم شي : النت يلقط من عندهم إشارات ؟

[بنوتة نعومة]

اممممممممممممممممممم
كيفك خيتوو
أنا مسار علمي تأهيلي وسجلت في السكن
وحابة اعرف عادي اجي يوم السبت في الصباح
وفي مجال اطلب غرفة لحالي ولا حيسولي زحمة وسين وجيم
وبالنسبة للأوقات اللي محددينها للخروج
كيف النظام
يعني الوكلاء اللي كتبت اسامم انا وبابي
هما اللي يطلعوني
يعني لازم يدخلو جوا وتحقيق برضو
ولابس تطلع بطاقة الاحوال حقها وانتهى الموضوع
وفي الرجعة نفس الشي ولا كيف
وبالنسبة للنت نقدر نلقط اشارة بالوايرلس ولا نجيب كنكت معانا
وبس
سوري طولت عليكي
يعطيكي العافية
اختكم بنوتة نعومة

[calbooza]

المشاركة الأصلية كتبت بواسطة سُكر محروق جزاكِ الله خير . أول يوم أحضرو في السكن متى بالضبط ؟ بعد العيد على طول ؟ الجمعه اللي قبل اول يوم في الدراسه وأجيب كل أغراضي الي احتاجها معايا ولاأنتظر أشوف الوضع كيف أول ؟ لإني بصراحة مستحية أجيب معايا كل شيء مرة وحدة ويقولو ايش فيها دي بتهاجر ؟ههههه ههههه على كيفك في ناس اللي تكون جاية من بعيد تجيب كل اغراضها بس انا عن نفسي اجزأها.. بس اهم شي الاشياء الاساسيه تجيبيها معاكي زي لحافك مخدتك الاغراض الشخصيه وووو ثاني شي ..أنا كتبت في الملاحظات السكن مع طالبة مستجدة مسار إداري ..ونسيت أكتب خطة رقم كم ، فيسكنوني عادي مع أي وحدة ؟ ولا لازم نفس خطتي ومساري ؟ هما راح يختارولك وان شاء الله ربي يسخرلك الطيبيين.. وأول ماأجي يقولولي فين غرفتي ؟ ولا أول شي يكون فيه تمهيد وشرح p: ? راح تروحي على الاشراف وهما يرسلو معاكي مشرفه تدلك على الغرفه.. آخر شي المطعم عندهم كويس ؟ ولاأجيب غذائي معايا ولاكيف p: ? مطعمهم لابأس به كويس..اللي يريحك... آسفة كثرت اسئلة ..ومرة شكرا على تعاونك

بنت جامعتي الله يعطيكي العافيه على الموضوع..
تلقفت ورديت عنك سامحيني لووول..

[سُكر محروق]

كلبوزا ..

جزاكِ الله خير .. مررررة شكراً وممتنة لكِ.

بس بقي أهم شي دا >> النت يلقط من عندهم إشارات ؟

[calbooza]

واياكي...العفو ولو احنا لبعض..
احيانا اذا بنات عندهم وايرلس بدون رقم سري في المبنى تقدري تلقطيه..
بس على العموم سمعت ان إن شاء الله هالسنه بيحطون في كل مبنى واير لس للبنات..
انا عن نفسي كنت استخدم الكونكت حقي واذا في شبكه عادي تنلقط...
ان شاء الله اكون افدتك واذا فيه اي استفسارات 2 احنا جاهزين..

[سُكر محروق]

الله يبشرك بالخير يارب ..

[Fatema Alshareef]

أهلا وسهلا فيك سكر محروق..

أول يوم أحضرو في السكن متى بالضبط ؟ بعد العيد على طول ؟
شوفي حبيبتي بإمكانك تجي مع أول يوم للدوام وكمان بإمكانك تجي مع ثاني اسبوع
بس أنا انصحك تجي أول يوم عشان تروحي الجامعه وتشوفي جدولك وتتعرفي على المباني واماكن محاضراتك اوكي حبيبتي..وكمان عشان يمديكي تستقري وتلاقي لك غرفه كويسه بالسكن..
وأنا عن تجربتي جيت اول يوم وجلست اسبوع كامل على بال ما استقريت بس انشا الله الأمور تتيسرلك
وتستقري من اول مره..

وأجيب كل أغراضي الي احتاجها معايا ولاأنتظر أشوف الوضع كيف أول ؟ لإني بصراحة مستحية أجيب معايا كل شيء مرة وحدة ويقولو ايش فيها دي بتهاجر ؟ههههه
هههههههه...ياقلبي جيبي كل شي تحتاجينه معاك واعتبري السكن زي بيتك لأن انتي حتجلسي فيه
سنوات ولا مو ... بس خليني اقولك على اهم حاجه تجيبيها اللحاف حق السرير لاااااااازم ولا تجيبي مرتبه لانو فيه مراتب جديده من سليب هاي.....وجيبي كل الي تبغي تجيبيه عااااادي كل البنات بالسكن كذا
ولااااااااااا تستحي....هههههههه اوكي...

ثاني شي ..أنا كتبت في الملاحظات السكن مع طالبة مستجدة مسار إداري ..ونسيت أكتب خطة رقم كم ، فيسكنوني عادي مع أي وحدة ؟ ولا لازم نفس خطتي ومساري ؟
ياقلبي عادي هم حيحطوكي مع اي وحده مولازم نفس الخطه بس اتمنى انهم يحطوكي مع وحده بنفس الترم اللي انتي فيه عشان تتأقلمو مع بعض..

وأول ماأجي يقولولي فين غرفتي ؟ ولا أول شي يكون فيه تمهيد وشرح p: ?
اول ما تدخلي مع الباب حتلاقي مكتب للمشرفات جوه حيعطوكي دفتر توقعي فيه دخول مستجده
وتشوفي من الدفتر رقم الغرفه والمبنى اللي سكنوكي فيه وانتي ياقلبو اسالي البنات اللي برا
عن مكان غرفتك وهم حيدلوكي وعلى طول سيده روحي ع غرفتك شوفيها وحطي فيها اغراضك وبإمكانك اذا ما عجبتك الغرفه تغيريها...

آخر شي المطعم عندهم كويس ؟ ولاأجيب غذائي معايا ولاكيف p: ?
عندنا بالسكن مطعم واحد و2 كفتريا والمطعم مرررررره اكلهم كويس ونظيف وصحي
اما الكفتريات بصراحه انا ما بظلمهم بس كفتريا رابيس اكلهم كله زيووووووووووت
وتسخين...ونا ما افضله اما كفتريا كرميلو اكلهم احسه نظيف نوعا ما بس مشكلته زي رابيس زيووووت
ونا انصحك يا حياتي انك تجيبي معك كل ادوات الطبخ وعزبة المطبخ وتسوي اكلك بيدك انظف واضمن من البلاوي حقت الكفتريات ونا هذا اللي لسويه دايما متعوده اكل من يدي وبالعكس تسوين الشي اللي
مشتهيته احسن ماتجبرين نفسك على اكل ماتحبينه ويسببلك بلى كمان ...
واي استفسار حبيبتي انا جاهزه ع العين والراس....
واهلا وسهلا فيك بسكننا نورتي وشرفتي وبتمنالك اقامه سعيده فيه...
تحياتي
بنت جامعتي

[سُكر محروق]

بنت جامعتي..

يعطيكي العافية والله تعبتك ، كفيتي ووفيتي ياعسل
أفدتيني كثييير ..