بخصوص جده مستعجلة علي قبل موعدي بللللللليييييييييز جاوبوني

[amooonaa]

المشاركة الأصلية كتبت بواسطة mr.ambitious عادي ليش سواق ووجع راس وصرف اي ليموزين خدي رقمو واتصلي عليه وقت الخرجات والمشاوير وهمن حافظين جدة وازا ع شقق عندك ابراج المقري اغلب المتغربات يسكنو فيه وبيه سكن طالبات وموقعو حلو جنب السليمانية مول

انا ابغا اجيب يوم ونص تقريبا عشان موعد تقديم اوراقي ومااعرف للموزينات واساسا غالية واخويا معايا

[amooonaa]

المشاركة الأصلية كتبت بواسطة شوشو الاموره ماتقدر ترسل رساله عالخاص لانه مشاركاتها ماوصلت 100 لكن فيك ترسللها الرقم علشان اخوها يكلمك ويتفاهم معاك

وه ليش كدا ههههههههههههههههههه اول مرة في حياتي ادخل منتدى واخد واعطي في لأني مطرة بصراحه فيها قوانين غريبة

يلا كلو بأجرو

يسلموووووووووووووووو حبيبتي

[DR_Mo0oDy]

على التكسي مارح اقدر افيدك
بس على الشقق في كتير انتي لو طلعتي مع تكسي خليه يوديكي بني مالك قولي الشارع يلي ورا بالبيد في شارع هناك في كذا محل شقق واسعارها مختلفه اكتر وحدة 300 ريال
الاخت يلي قالت برج المقري ترا معدوم انا شفتو مرا وسخ بس يلي في المحل يلي قلتو انا جربتها نضيفا وحلوا تقريبا تلاته غرف وصالة وحمامين الله يكرمكم
انشاءالله اكون قدرت افيدك

[Mr.Ambitious]

لا غالية ولا شي يعني السواق بسيارتو الخاصه رخيص ؟
خدي منو رقمو وهوا يجي

واشبو اخوكي ؟ مايركب ليمو ..؟

طيب يوم ونص اهو انتي قلتيها

[Mr.Ambitious]

وبرضو عندك شارع السليمان اللي عليه كلية الهندسة جهة الفيحاء في شقق هناك كتيرة وتبعد عن الجامعة دقيقتين

[amooonaa]

المشاركة الأصلية كتبت بواسطة شوشو الاموره هذي الليله بـ300 ريال مدري يناسبك السعر ولا لا؟

فين دي وفين مكانها

عشان كدا كنت حاسبة اجيب سواق كلها كم مشوار ماابغا غيرها ونتفق عالسع

1-يجي ياخدنا من المطار يودينا المكان الي حنبات في
2- ياخدنا الصباح عالجامعة ويرجعنا بعد مانغلق اجراءات إن شاء الله
3- يرجعنا عالمطار

انا إن شاء الله طيارتي السبت والرجعه عالمدينة الاحد

والفلوس الي اتدبرت تقريبا في 400 عشان كدا بسأل والسواق ارخص من اللووموزين لدي المشاوير

حتى مااعرف نظام الشقق عندكم كيف بالساعه بنص يوم مني فاهمة شي جده ماجيتها من زمان ولما رحت ماقعدنا الايومين ورجعنا

انا ابغا اجهز كل شي مااروح في بلد غريبة مااعرف شي ولاا اعرف اسعارها واتبهدل وابهدل اخويا معايا

ترا الي موقفني كلو المادية وربي

[Mr.Ambitious]

طيب في شقق مقابل كلية الهندسة ممتازة ورخيصه مش غالية

وكل شي عندك تحت مطاعم ومحلات وجنبو الجامعه مول لو حابة تتمشي

وادا ع المواصلات اول ماتيجو المطار اركبو مع كداد وقولولو مقابل كلية الهندسة الجامعه عند الجسر الخشبي

وفي كمان وحدا خلفها مقابل الجامعه مول مدخل البوابة هناك اسعارهم حلوة مو غالية
اول ما ينزلكو بتشوفو على يميكم عمارة كبيرة هيا الشقق

ولاتزيدو على 30 قولو 30 وبس لا اكثر

ولمن توصلو الشقق استاجرو

والصباح وخدو ليموزين ب 5 ريال لجوا الجامعه

وازا خلصتي اكيد بتحصلي ليموزينات برا قولي يوصلك الجامعة مول اللي جنب الشقق ما حياخد اكتر من 5

حتى تقدري ترجعي مشي من الجامعة بوابة البنات مرا قريبة بس انتبهي وانتي تقطعي

[amooonaa]

المشاركة الأصلية كتبت بواسطة dr_mo0ody على التكسي مارح اقدر افيدك بس على الشقق في كتير انتي لو طلعتي مع تكسي خليه يوديكي بني مالك قولي الشارع يلي ورا بالبيد في شارع هناك في كذا محل شقق واسعارها مختلفه اكتر وحدة 300 ريال الاخت يلي قالت برج المقري ترا معدوم انا شفتو مرا وسخ بس يلي في المحل يلي قلتو انا جربتها نضيفا وحلوا تقريبا تلاته غرف وصالة وحمامين الله يكرمكم انشاءالله اكون قدرت افيدك

تلاته غرف كبيرة هههههههههههه بس والله مرا شكرا ليكم كلكم احاول في وحده من هدول دحين اكتب العاناوين وتسلمو

[amooonaa]

المشاركة الأصلية كتبت بواسطة mr.ambitious طيب في شقق مقابل كلية الهندسة ممتازة ورخيصه مش غالية وكل شي عندك تحت مطاعم ومحلات وجنبو الجامعه مول لو حابة تتمشي وادا ع المواصلات اول ماتيجو المطار اركبو مع كداد وقولولو مقابل كلية الهندسة الجامعه عند الجسر الخشبي وفي كمان وحدا خلفها مقابل الجامعه مول مدخل البوابة هناك اسعارهم حلوة مو غالية اول ما ينزلكو بتشوفو على يميكم عمارة كبيرة هيا الشقق ولاتزيدو على 30 قولو 30 وبس لا اكثر ولمن توصلو الشقق استاجرو والصباح وخدو ليموزين ب 5 ريال لجوا الجامعه وازا خلصتي اكيد بتحصلي ليموزينات برا قولي يوصلك الجامعة مول اللي جنب الشقق ما حياخد اكتر من 5 حتى تقدري ترجعي مشي من الجامعة بوابة البنات مرا قريبة بس انتبهي وانتي تقطعي

واو هادي مرة حلوة وماتاخد مني كتير يسلموووووووووووو عرفت وضعي بالبزط مايهمني امشي بس اقدر ازبط اموري وتمشي الفلوس
تيب اخاف اجي مالاقي حجز يقولوا فل ماليهم رقم احجز قبل مااروح

[amooonaa]

المشاركة الأصلية كتبت بواسطة mr.ambitious عادي ليش سواق ووجع راس وصرف اي ليموزين خدي رقمو واتصلي عليه وقت الخرجات والمشاوير وهمن حافظين جدة وازا ع شقق عندك ابراج المقري اغلب المتغربات يسكنو فيه وبيه سكن طالبات وموقعو حلو جنب السليمانية مول

بس كل الي هنا قالولي الليموزين الي حيستقبلكم من المطار باللقليل ياخد 60 على كدا مااقدر اكمل حتى لتاني يوم ولا اقدر ارجع المطار

يسلموووووووووو عالتواصل