موقع مفيد لتقوية مهارة الإستماع

[مروره]

بسم الله ارحمن الرحيم

السلام عليكم ورحمة الله وبركاته

أتمنى إنه الجميع يكون بدأ مذاكره واجتهد من الآن ...لانه كل مابدأنا بدري كل ماكبرت ثمرة إجتهادنا ....

طبعا بما إني في بداية التحطيم ...لاني حضرت محاضرات لمادة القراه 1 وحسيت اني اتحطمت لاني حسيت اني ماني قادره افهم ...فقلت اروح للاستماع واشووف ...لاقيت نفسي برضوا سيئه في الإستماع والقطع اللي كانت تفتحها كنت ماافهم منها شي ...يعني مجرد كلمات بسيطه حتى ماتساعدني في فهم المعنى العام من المحادثه ...بجد وقتها اتحطمت وقلت شكلي مو نافعه في شي وحاولت اني ابحث عن موقع يقوي مهارة الإستماع ...
فلاقيت موقع فيه اخبار ..ميزة الموقع انه الأخبار اللي فيه بسيطه وماهي طويله يعني كبدايه ممكن يفيدني ...جلست على اول خبر يمكن ساعتين بس اكرر فيه واحاول اترجم وافهم :(
http://www.simpleenglishnews.com/
في نهاية كل يوم وبعد التعب أندم إني دخلت القسم ...وأصحى اليوم الثاني وأقول شدي حيلك يابنت ...وهكذا
بالله عليكم ...افيدوني بنصايحكم وارفعوا من معنوياتي ابغى اقوي هذي المهارات عندي واخاف يجي الإختبار وانا لسا ماقدرت اني اخطي خطوه واضحه ولها اثر ...

وأخيرا ...أتأسف إذا تسببت في إزعاج أي شخص بموضوعي وشكوايا

[كنز المعرفة]

مشكورة على الرابط.
اختي مرورة, نفس الشعور أمر بيه و كل يوم أحس بإحباط, و بعد كذا أحمس نفسي و أقول بإذن الله أعديها زي ما عداها غيري.
قبل ما تبدئي المذاكرة ,اقرئي آيات من القرآن و الله بجد فرقت معايا الترم اللي راح ,بس الشيطان ينسيني و بإذن الله أرجع لنفس طريقة المذاكرة ,ح تفرق معاك و تلاقي نفسك انجزتي الكثير و تلاقي بركة في الوقت لكن أهم شئ تنظيم الوقت.
أسأل الله العزيز أن يسهل علينا طريق العلم و المعرفة و يسخر علمنا في نفع أمة الاسلام .

[نايف 26]

الحالة التي تعانين منها أنا سبق أن عانيت منها وللأسف لم أجد من ينصحني وأكتشفت الحل متأخرا...
الحل هو : التحضير.
قبل الحضور للدرس بيوم يجب ان تدرس الدرس كاملا وتترجمي الكلمات بنفسك بقلم رصاص فوق كل كلمة ببساطة + إستماع الدروس أكثر من مرة وأنتهى... حضور المحاضرة فقط لتكتشفي على ماذا تركز فقط وماهو إهتمامها... الدكتورة تريد طالبة أنتهت من الدراسة وتريد فقط أن تناقش وتسأل عن بعض النقاط الغير مفهومة وتعطيك بعض التوجيهات لتذهبي مرة أخرى وتحضري الدرس الثاني وهكذا...ونصيحة عدم الدخول في التفاصيل الصعبه جدا لأنها معدة للنقاش فق .
أهم نصيحة ( المهم ثم الأقل أهمية)
ابدأي بالمواد المطلوبة فقط كل كلمة تقربك من النجاح أكثر بدلا من التبحر في المواقع التي لا ساحل لها... ثم تقوية نفسك بالمواقع الأخرى اذا كان هناك وقت وجهد اساسا.

[مروره]

كنز المعرفه ...اللهم آمييييين ...الله يسعدك ياشيخه كلامك درر

أخ نايف ...بصراحه ماأعرف كيف أشكرك ...أسأل الله أن يجعل لك من كل هم فرج ومن كل ضيق مخرج
تاكد إني بإذن الله ماراح أنسى كلامك وراح استفيد منه بإذن الله

عموما أنا حبيت اني أقوي لغتي بهذي المواقع لانهم قالولي انه المحادثه في الإختبار خارجيه فلا بد يكون عندي إلمام بكلمات كثير وكيفية نطقها عشان افهم +البرزنتيشن اللي مطلوب مني اسويه واللي يتطلب مني ايضا نفس الشي (كلمات كثير .وكيفية نطقها)
عموما هذا اكيد مايمنع اني مثل ماقلت اركز على كتبي وبعدها اروح لبقية المواقع

يعطيكم العافيه جميعا

[ام حمدان]

وعليكم السلام ورحمة الله وبركاته

بارك الله فيك ولاحرمك الاجر

تم اضافته الى

...::!! الــمــكــتـبــة الـخـــــاصــــة !!::...



----------

ولا تتحطمي ياعسل من بدري انتي توك في بدايه الطريق طبيعي تحسي بصدمه في الاول لكن شوي شوي بتتعودي

محاضره الريدنق 1 الي على موقع الجامعه سمعتها وعرفت صوت الاستاذه

هذي مس الاء

معروف عنها ماشالله كلامها سريع ماشالله

بس انتي ارجعي اسمعيها كذا مره وبتتعودي بعد كذا عليها

وبشكل عام الامريكان كذا يتكلموا تحسيهم ياكلون الكلام

وفعلا هم ياكلون الكلام اذكر من دروس الاستماع الي كنا ناخذها
درس عن الاختصارات في النطق

يعني زي مثلا كلمة

i want to

ينطوقونها بسرعه وتصير كذا

i wanna

مثال اخر كلمة
i have to

ينطوقوها كذا

i hafta

وخطتك بانك تحاولي تسمعي محادثات كثير حت تتعودي عالكلام السريع تمام

وحاولي تتدققي في الكلمات الي يختصروها في النطق

الموقع الي حطتيتيه حلو تقدري تسمعي الكلام من الملف الصوتي بعد ماتحمليه وتقري الكلام الي ينقال اثناء ماتسمعي

ومع التكرار بتنتبهي للكلام الي يختصره وبتتعودي على سماعه وماراح تنصدمي مستقبلا لو سمعتيه

وحاولي وانتي تسمعي ترددي الكلام وراه حتى تتعودي انتي كمان على النطق الصحيح والسريع

الحكايه تحتاج ممارسه دائمه وإن شاء الله بعدها تشوفي الامر سهل ومعتاد بالنسبه لك


والاخ نايف والاخت كنز المعرفه ماقصروا معك بنصايحهم جزاهم الله خير

[ahmed-1]

الموضوع ابسط من كذا بكثير
الي يبغا يتعلم صح يحفظ الكلمات ويركز عليها ولا يلتفت لقراءة النص كاملا وبعد ما يحفظ اكبر قدر من الكلمات يقرأ النص يجد نفسه فااااهم
الله يوفق الجميع
ا

[مروره]

أم حمدان هنااا

الله يسعدك ياشيخه ...أنا لو شفت اسمك أتفاءل وأعرف انك بترفعي معنوياااتي الله يرفع من قدرك دنيا وآخره

[مروره]

أحمد ...يعطيك العافيه صدقت في هذي ...ممكن ماتقدر تفهم النص كامل ولكن تعرف المقصود بشكل عام

الله يوفقك ويسهل لك يااارب ...ماقصرت

[Chanel]

مروره كتبت كلام طويل و لما جيت احدث فصل النت وانمسح :(
كنت بقولك ابدئي بحفظ الكلمات ستسهل المذاكره بعد ذلك ان شاء الله لأنه القطع تدور حول هذي الكلمات
وخلي مادة الرايتنق آخر شي تكوني حفظتي مفردات كثير من المواد الثانية تساعدك في الكتابة
لأنه المدرسات يحبون الكلمات القوية ( الأكاديمية ) الغير معتاده و راح تجدينها كثيراً ضمن المفردات المطلوبة مننا ستساعدك ان شاء الله في الكتابة
بالنسبة للمحاضرات سيم سيم انا كمان تركتهم وراح اخليهم مراجعه لمعرفة المهم للإختبار

[fofo_27]

المشاركة الأصلية كتبت بواسطة نايف 26 الحالة التي تعانين منها أنا سبق أن عانيت منها وللأسف لم أجد من ينصحني وأكتشفت الحل متأخرا... الحل هو : التحضير. قبل الحضور للدرس بيوم يجب ان تدرس الدرس كاملا وتترجمي الكلمات بنفسك بقلم رصاص فوق كل كلمة ببساطة + إستماع الدروس أكثر من مرة وأنتهى... حضور المحاضرة فقط لتكتشفي على ماذا تركز فقط وماهو إهتمامها... الدكتورة تريد طالبة أنتهت من الدراسة وتريد فقط أن تناقش وتسأل عن بعض النقاط الغير مفهومة وتعطيك بعض التوجيهات لتذهبي مرة أخرى وتحضري الدرس الثاني وهكذا...ونصيحة عدم الدخول في التفاصيل الصعبه جدا لأنها معدة للنقاش فق . أهم نصيحة ( المهم ثم الأقل أهمية) ابدأي بالمواد المطلوبة فقط كل كلمة تقربك من النجاح أكثر بدلا من التبحر في المواقع التي لا ساحل لها... ثم تقوية نفسك بالمواقع الأخرى اذا كان هناك وقت وجهد اساسا.

كلامك صح 100% انا كدا سويت فهمت عن ايش يتكلم شبتر 1 في الريدنق وترجمت اهم الكلمات زي اني عرفت انو يتكلم شبتر 1 عن الاقليات والعنصريه وعلم الاجتماع و اخر حاجه سمعت المحاضره لقيت نفسي افهم اكتر واراجع معاها والحمد لله حسيتوو مررررررره سهل
بالتوفيق وان شاء الله للجميع اعلى الدرجات اهم شي سوي الي عليكي وتوكلي على الله وسيبكي من التوتر الزايد