بخصوص عدد المواد والمعدل .. ضرووري جداااا

[besho2009]

السلام عليكم

ومن غير مقدمات ..

سارتلي ظروف صعبة منعتني اخد مواد كتيرة دا الترم

سؤالي لو اخدت مادتين او مادة ..

وجبت فيهم درجة مو مرة كويسة .. هل راح ينخسف معدلي ؟؟

انا نفسي معدلي على الاقل يبقا زي ماهوا

وكمان هل حتنقطع المكافاة ..؟؟؟

استتننا الردد ..

شكرااا

[نــورهـ]

- و عليكم السلام و رحمة الله و بركاته ،،

- حسب عدد ساعات المواد ان كانت عاليه و أخذتي درجة مو عاليه ينزل و تفرق في المعدل لكن ان كان عدد ساعات المادة قليلة ما يأثر كثير ،،

- حاولي ما تنزلي عن 80 ،،

- موفقه ،،

[كيميائية العام]

والله الي اعرفو انو ماياثر ولكن المشكلة لو كانت المواد ساعاتها كتيرة في دي الحالة ممكن ياثر
لانو المعدل التراكمي يتاثر بالمواد وعدد الساعات الكلية

[زمردة 2009]

لا يالغلا مثل ماقالت الدكتوره ولايضيق صدرك

لو كانت الماده ساعتين ماراح يفرق واجد ولو ثلاث ساعات راح يرتفع شووي موب واجد لإنه تكون الساعات الكليه قليله .!

ولاتشيلين هم ماراح ينزل بس خليك شاده حيلك والله يوفقكِ..:

[besho2009]

شكرا حبايبي الله يسعدكم ويحققلكم مبتغاكم

طيب وبالنسبة للمكافاة ؟؟؟

محاتنزل لانه عدد ساعاتي 6 ؟؟؟

[memo0o 02]

اقل شي 9وبعض الكليات 12 ساعة في الترم واذا اخدتي اقل ما تنزل المكافاة