أتمنى من اللي بيدرسو طب يفيدوني بليز

[FOFO<3]

السلام عليكم ورحمة الله وبركاته

الحمدلله انقبلنا طب وانبسطنا وارتحنا من الهم الكبييييييييير اللي كان منكد علينا اجازتنا

أنا مستوايا فالانجليزي عادي وخايفه دا الشي يكون عقبة ليا فدراستي للطب حلم حياتي :(

ايش رأيكم ؟

[Mora]

والله يا حبيبتي اغلب اللي دخلوا طب قبلنا مستواهم في الانجليش اقل من العادي

و مع كدا قدروا يمشوا

و اقاربي اللي دخلوا الطب بالعكس ,, الطب ساعدهم في اكتساب اللغة ,, و ما اثر عليهم بشكل عكسي

يعني مو اللغة هيا اللي اثرت عالطب


مرررره ما تشيليش هم و بالتوفيق

[soma al7elwa]

زي ماقالت مورا

الطب هوا اللي راح يعلمك تكتسبي اللغة

والله يوفقك ياقلبي

[مايلي]

فوفو اهم شي انك تعرفي تقري الكتب الانقليزيه ازا تعرفي ذا يكفي

وكمان اتفرجي افلام ومسلسلات انقلش كثير وصدقيني حتسيري بلبل على قولهم
بالتوفيق ان شاء الله

[FOFO<3]

مورا.. سوما.. مايلي

مرره شكرا على تفاعلكم معايا

[M!ss Mojy]

والله ياعسل كلنا في الهوا سوا

يعني انا كمان مااحس نفسي مررررره كويسه في الانجليزي يعني الــ speaking عندي مشكله شويا فيه

يعني ماعندي الجرآة الكافية انتي اتكلم بطلاقة

بس لاتخافي هيا مسآلة وقت وان شاء الله راح نتعود عالوضع ويكون شي سهل بالنسبة لنا

واتوقع الطب كمان بينسينا العربي من اساسو ههههههههههههههههه الله يستر

[FOFO<3]

M!ss Mojy ينسينا العربي هههههههههه من جد شكلو دا اللي حيصير

يلا الله يوفقنا يارب

[mzat kau]

ينسينا العربي ههههه الله يستر حماس والله

[dr.CILIA]

ذكرتوني بأيام سنه اولى طب رحت عند دكتورة عندنا وقلت لها انا خااايفه من الانجليزي مرره وحاسه اني ماحأقدر امشي
قالت لي الانجليزي دا غصبن عن خشمك حتتعلميه وحتمشي فيه<<طبعا بلهجتها ياادوووب فهمت منها لانها مو عربيه-الله يسعدها-
المهم ابدا لاتشيلو هم اهم شي تعرفو تقروا ومعاكم القاموس ويمشي الحال ان شاءالله ممكن كلام الدكاتره شويه في المحاضرات ماينفهم عشان اللهجات مختلفه عننا بس ماهي مشكله كبيره..

وابدا الانجلش مايعمل مشاكل سهاله ان شاءالله
اللهيوفقكم وينور طريقكم ونشوفكم دكاتره قد الدنيا

[Dr.AlJuhani]

أبدا مايعمل مشكله
راح تلاقي مع الأيام
أنك بتقريه زي أي مجله
وماتحتاجي تترجمي ولا كلمه
ولما أقول مع الأيام يعني بالكثير نهاية الترم الأول من سنه ثاني
الله يوفقكم يااارب