استفسار ، ي حلم وين المشكله لو تحققت!!

[Abudeem]

السلام عليكم ورحمة الله وبركاته

مسائكم سعاده لا حزن بعدها باذن الله

ارجوا ان تتحملوني قليلاً لأنني كثير الكلام خخخ

ي اخوان و ي اخوات انا تم ترشيحي للقبول في بداية هذه السنه الدراسيه ، ولكن الحماس الزايد والسرعه تقهر احياناً وعواقبها سيئه نوعاً ما والحمدلله اولاً واخراً

سجلت في جامعة الملك عبدالعزيز و الجامعة الالكترونيه
وكان قبولي في الالكترونيه سابقاً لترشيحي في جامعة عبدالعزيز واكملت تسجيلي في الالكترونيه علماً ان الحلم في عبدالعزيز < ادري مفهي لكن وش نسوي خفت اني اترك الالكترونيه وجامعة عبدالعزيز ماتقبلني فكذا اكون ضيعت الاثنتين > مسوي ذيب خخخخ

الموهم ، الحين تندمت قد شعر راسي < طبعاً اصلع يعني ماتحسفت كثير خخخ < متئ تعقل

الاسئله الي في خاطري
الحين اذا فتح تسجيل السنه الجديده هل اعتبر انا لي الاولويه بخصوص ان تم ترشيحي
او اعتبر مسجل جديد حالي حال الي توه قدم ؟

ويوم سجلت كان شرط الشهاده منطبق علي اخر سنه 1426/1427

وهذي السنه بيكون تاريخ الشهاده 11 سنه
هل فيه احد تعرفونه قدم وانقبل وكان تاريخ الشهاده قديم شوي

وهل تخصص ادارة خدمات صحيه ومستشفيات متوفر للسنوات القادمه باذن الله

اسئل الله الكريم رب العرش العظيم انه يكتب لنا ولكم التوفيق و التيسير في الامور كلها بالدنيا
وان يجمعني ومن احب واياكم في الفردوس الاعلئ

اسف ع كثر الكلام

[Abudeem]

المشاهدات 41 ولا فيه احد عنده معلومه

[بنت ناس وقلبي ألماس]

وعليكم السلام ورحمة الله وبركاته

طالما أكملت إجراءات تسجيلك في الجامعة الالكترونية فخلاص راحت عليك الفرصة في جامعة الملك عبد العزيز

ونصيحة مني أدرس في الجامعة الالكترونية وجيب معدل عالي وقدم على التحويل الخارجي إلى جامعة الملك عبد العزيز

ولا تغامر أبداً حتى ما تخسر القبول لا سمح الله

[Abudeem]

استاذتي بنت ناس
انتي تقولين شد حيلك وجيب معدل عالي عشان تقدر تحول خارجي كيف مافهمت اختي وكم المعدل المطلوب عشان احول

ثانياً والله ان عندي طموح ونصيحتك ع راسي لكن والله تعبت من الجامعة الالكترونيه خصوصاً فرع الدمام والله هم بانفسهم ماهم عارفين وش يسوون كجامعة

اشياء كثيره وطروف عندي اجبرتني علئ ان ابحث عن التعليم عن بعد

واللهم لك الحمد اولاً واخراً

[بنت ناس وقلبي ألماس]

^^

من هنا معلومات عن التحويل الخارجي

http://transfer.kau.edu.sa/

وأقل شيء جيب معدل 4 أو أعلى عشان تضمن التحويل

والله ييسر لك أمورك لكن لا تترك مقعدك الحالي لأنك ما تدري ايش القرارات اللي راح تطلع السنة القادمة خصوصاً أن الوزارة ستعمل على تغيير بعض الأشياء

وحاول تقدم على تحويل خارجي في كذا جامعة والله يكتب لك الخير