تنمية موارد بشريه استاذة سوزان القرشي ؟؟؟ابغى الحل؟؟

[play away]

بسم الله الرحمن الرحيم

السلام عليكم



انا موعاجبني شرح الاستاذه ابدآ على الاقل تركز على المهم

وحتى ماختصرت لنا اي شي المنهج كامل معانا

اش اسوي احذف الماده يمكن الترم الجاي تجي استاذه غيرها

[ورده تحت الجليد]

نفس الاستاذه

[amo0ol]

ي بنات مافي ملخص ولا شييي ؟؟؟؟؟

[miss-dandana]

منجد كل الكتاب معانا الترم الي فات اخدت الماده بس حذفتها قبل الاختبار وكان الفصل الاخير محذوف!!
حرام عليها والله

[ro7i Leek]

دايمن الدكتورات الي يكونو ماسكين مناصب ما يأشرو ولا يحددو شي
سوزان القرشي وكيلة قسم الادارة العامه او شي زي كدا وطبيعي تعمل فيكم هيك

[ســـــــالي]

نفس الاستاذه واختباري يوم الاثنين وذاكرت الماده كامله لو تسالوني ايش تتكلم عنه الماده ماادري بصراحه هالماده مستحيله تعبت وانا كل ترم احذفها مافي الا نرضى بالواقع ونتوكل على الله
وبعدين حتى لو انها بمنصب مو يعني خلاص
يسرو ولا تعسرو// ابي اعرف ايش يستفيدو لما يصعبوو هي ايش خسرانه لو حددت وبسطت الماده
كم بتلقى دعوه بظهر الغيب ,,,
ايش رايكم بالدكتوره انيسه قمه الاخلاق والروعه والله المحاسبه صعبه بس معاااها سهاله الله يوفقها دنيا واخره

سبحان الله وبحمده * سبحان الله العظيم

[فيرووووز]

نفس الاستاذه انا معاها
ومن قال مافيه محذوف........شككتوووووني وحده من البنات تقول سامعتها هي بنفسها واكدت لي
الباب الرابع كلو محذوف وكمان من صفحة 83 الى 120 ومن صفحة 169 الى 188

[sh0r00q]

الله يعينكم استاذه سوزان شرحها مره لا بس تقرأ الكتاب ><
وكل جزئيه يجي منها سؤال يعني وانتي بتدرسي لا تحذفي اي شيء بعدين يجي وتندمي الله يعين

[play away]

موضوعي هذا قديم من ايام اسنترا
انا برضوو الترم اللي فات حذفته وياليت ماحذفته البنات يقوولوو مرره حلوو الاختبار

وبالنسبه للمحذوف فيه محذوف بس برضو الماده يبغالها... انا ذاكراتها وماحس اني ذاكرتها وبعديت تركت الماده

شوفو اسئله نور الهدى خلوها كمراجعه للماده

[play away]

بنات فيه درس القلق شرحته الاستاذه مو موجود بالكتاب
راسلتها ايميل عشان ترسل الدرس على قولها بس صفحه وحده بس ماترد ابد
وقلنا لها ايامى السنترا بس مو فاهمه علينا
فكيف ممكن نجيبه
انا قلت نكلم استاذه هيفاء تبلغها عشان تتدرس نفس الماده للانتظام