مافيك من علم الرياجيل ذره

[ماجد ابن مرزوق]

الذيب ماينصاد لو كان مره
والحر معروف(ن) مع الناس مرباه


الذيب ذيب(ن) والثعل فيه عره
والحر حر(ن) والحباري تحاشاه


ابنشد اللي ماتلفظ بســــــره
ياكيف صار الذيب ينصاد شفناه


اذكر زمان اول وتغلب ومره
زمان فيه رجال ياليت عشناه


والا زمان الوقت جحد ومفره
صار الردي في لبسة البشت يزهاه


والا انت ياللي صافي الوقت غره
لاتنزعج لا قلت شرواك عفناه


مافيك من علم الرياجيل ذره
ولاشفتلك رجل(ن) سفيه اتلقاه


عليتني واونست بالقلب حره
خليتني من شافني قال عزاه


ان جيت عندي قلت للعبد كره
وان رحت عني قلت يازين فرقاه

[الظل الطويل]

رائع ...... ما نقلت سلمت يداك .....

تحيتي لك ...

[ماجد ابن مرزوق]

المشاركة الأصلية كتبت بواسطة الظل الطويل رائع ...... ما نقلت سلمت يداك ..... تحيتي لك ...

تسلمي على مرورك العطر وكلاماتك الرائعه ولك فائق تقديري ودمتي بود

[اللولي اللولي]

صح لسانك
وتسلم على القصيدة

سلام الله على ماجدابن مزوق مني عشرمرات
انته من رجال تبدع القيفان مضمونه

[مكسورة الحظ]

تسلم اخوي ..ع القصيد..صراحة انا أحترم الرجال اللى يشعر وتاكد انته واحد منهم
خلك ع طول الامام.. مشكور ياليت دوم تحط أشعارك..وانا راح اكون واياك