كم استفسار بسيط ..

[W J E E H]

السلام عليكم

كيفكم .. ؟

عندي كم استفسار بسيط

الاستفسار الاول

بعد سنة الامتياز في الطب البشري

يمديني اتخصص تمام

لمن ابغى مثلا اتخصص في مجال معين

كم سنة اجلس ادرس عشان اتخصص .. ؟

ان سمعت انها تختلف من تخصص لاخر

فكم سنة دراسة تخصص كاقصى شئ ومثل ايش التخصصات الي تاخذ الفترة ذي الطويلة

واقل شئ وايش التخصصات الي تاخذ الفترة ذي

واخر شئ

بعرف ايش الفرق بين الطب البشري وطب الاسنان .. ؟

من حيث :-

عدد السنوات .. ؟

سنوات التخصص .. ؟

ولاني سمعت ان طب الاسنان اسهل دراسة ومجهود كبير عند التوضف

اما الطب البشري اصعب دراسة واقل مجهود عند التوضف

ومعليش طولت عليكم

الله يجزاه كل خير

الي يرد عليا

[مَـزٍآج ..}..]

إأنآ راح اجآوبك على الشـق الثآني من سؤإألكـ ..
لأنه الشق الأول مآ أدري عنـه تقدر تسأل اهل البشري عن تخصصآتهم ..

عدد السنوات .. ؟

البشري والأسنان نفس عدد سنوإأت الدرإأسـه .. سبعه سنوإأت ..

سنه تحضيريـة + خمس سنوإأت درإأسـه في الكليـة + سنه امتيآز

وطبعاً تتخرج طبيب عآم ..واذا تبغى تتخصص تكمل ..

سنوات التخصص .. ؟

تختلف من تخصص للأخرر .. وتقدر تبحـث في النت اكثـر .. لأنه تخصصآت البشري غير الأسنان ..

ولاني سمعت ان طب الاسنان اسهل دراسة ومجهود كبير عند التوضف اما الطب البشري اصعب دراسة واقل مجهود عند التوضف

من نآحيـة الدرإأسـه .. تقريباً مستوى الصعوبـه مشآبه لبعـض لحد كبيـرٍ ..

يعني الأسنان ..
سنه ثآنيـه .. جميـع موإأدنـآ طب بشري إلا مادهـ وحدهـ ..
والسنين الي بعدهـآ كمان فيهآ بشري لكن الأسنان اإأكثـر ..

والبشري

إأكيد فيه تعمق اكثـر في بعـض الموإأد ..

وإأعتقـد مستوى الصعوبـه زي بعـض ..

بالتوفـيق !!

[JuStice]

.

عذرًا على التدخل ,

ولكني سمعت إن مدة دراسة طب الأسنان أقل من مدة دراسة الطب البشري بـ سنة ؟

وكمان قرأت في هذا القسم في موضوع لإحدى الأخوات إنه فيه بعض المواد ياخدها طلاب طب الأسنان على ترمين , بينما ياخدها طلاب الطب البشري في ترم واحد بس !

قد تكون أول سنة بالكلية (السنة الثانية) المناهج فيها متقاربة إلى حدٍ ما بين طب الأسنان والطب البشري

ولكن فيما بعد ,,

بيتعمق طلاب الأسنان في الجزئيات اللي تهمهم في عملهم الـ Head والـ Neck , بينما طلاب البشري يتعمقوا بكل شي في الجسم .. لكن تعمقهم في الـ Head والـ Neck بيكون أقل شوية من طلاب الأسنان .

إذا فيه خطأ في كلامي .. يا ريت أحد يفيدنا بالصحيح .

.

[مَـزٍآج ..}..]

المشاركة الأصلية كتبت بواسطة justice . عذرًا على التدخل , ولكني سمعت إن مدة دراسة طب الأسنان أقل من مدة دراسة الطب البشري بـ سنة ؟ وكمان قرأت في هذا القسم في موضوع لإحدى الأخوات إنه فيه بعض المواد ياخدها طلاب طب الأسنان على ترمين , بينما ياخدها طلاب الطب البشري في ترم واحد بس ! قد تكون أول سنة بالكلية (السنة الثانية) المناهج فيها متقاربة إلى حدٍ ما بين طب الأسنان والطب البشري ولكن فيما بعد ,, بيتعمق طلاب الأسنان في الجزئيات اللي تهمهم في عملهم الـ head والـ neck , بينما طلاب البشري يتعمقوا بكل شي في الجسم .. لكن تعمقهم في الـ head والـ neck بيكون أقل شوية من طلاب الأسنان . إذا فيه خطأ في كلامي .. يا ريت أحد يفيدنا بالصحيح . .

سمعت !!!!!!!!!!

طيب لآ تسمع مرهـ ثآنيـه .. لآني انا طآلب في الكليـة .. ومآ راح ارد بدون علم ،،

بالنسـبة لكلآمك البآقي صحيح !!

[JuStice]

المشاركة الأصلية كتبت بواسطة مَـزٍآج ..}.. سمعت !!!!!!!!!! طيب لآ تسمع مرهـ ثآنيـه .. لآني انا طآلب في الكليـة .. ومآ راح ارد بدون علم ،، بالنسـبة لكلآمك البآقي صحيح !!

.

طيب هدّي أعصابك شوية

مين فينا ما بيسمع .. كلنا بنسمع حاجات ونبغا نتأكد منها

.

[Dr~NanoOok]

هههههههههههههه
طيب اوكي أنا قبل ما أدخل طب الأسنان سمعت انها أصعب من البشري
بالرغم أن الأغلبية سمعوا العكس !

ومسألة السمع دي.. من يوم ما دخلت التخصص وعشت فيه.. وفهمت فعلا ايش يطلع
بطلت اسمعلها

وأنا حتكلم عن "تخصصي" وبناءً على تجربتي في طب الأسنان وأنا الآن بسنة ثالثة

وبهذه السنة.. فهمت طب الأسنان أكثر وايش يعني بشكل أوضح

وزي ما قلت أول.. طب الأسنان مُقارب للطب البشري تماما في سنة ثانية أسنان "فقط"
ومن بعدها يختلف

ففي سنة ثانية.. كانت كل موادنا من الطب البشري, ما عدا مادة واحدة وهي تعتبر مقدمة في الأسنان
و منهج الأسنان كان تقريبا زي البشري في المواد .. مع زيادة تشابترات أو نقصانها بين كل تخصص والتاني

والبشري عشان يمشوا بالنظام الجديد حقهم, فصارت بعض المواد تنأخذ في ترم واحد فقط
أما في طب الأسنان فمستمرين على النظام السنوي للمواد, بمعنى ناخد المادة على ترمين ونختبر فيهم

وتكون كمية المواد عند البشري قليلة بالترم.. فيمديهم يخلصوا المنهج في ترم
أما لما يكون عندك 6 مواد أو 7 في سنة ثانية , فحتلاقي الوقت يادوب يكفي

,

نجي لسنة ثالثة
وبداية مشوار الـ10 مواد في الفصلين !
والعملي الفعلي.. مو زي سنة ثانية اللي ماكان فيه غير معمل الـ wax "^^

مواد تخصصية وبتعمق فيها .. بالاضافة لمواد البشري اللي حتكون 3 مواد بس هذه السنة
اللي هي pharmacology & general pathology & microbilogy

وحتكون كمية المنهج فيها.. أقل بشوية من الطب البشري أو أكثر "^^ بما انه مواضيع خاصة بالأسنان بيضيفوها لينا << مع اننا ماخدينها ومتشبعين منها في موادنا التخصصية !

ونفس الشي.. احنا ناخدها في ترمين , لكن البشري ياخدوها في ترم واحد ويكملوا فيها في البلوكات

أما مواد الأسنان.. فأغلبها ليها معمل ويكون مجموعها 150 - 200 درجة
وتتقسم الدرجات مابين العملي و النظري

وزي ما تلاحظوا جبت سيرة العملي في الاختبارات وخلال السنة
وهو دا جوهر طب الأسنان.. اللي هو الشغل العملي
وبالنسبالي اشوفه شي جدا رائع وممتع.. اننا نطبق كل شي عمليا بعد ما ندرسوا
وبكده كل لما نكبر ونروح سنوات أعلى.. نعتبر مرتاحين أكتر من البشري
لأننا خلاص اتعودنا على النظام المكثف والعملي الكتير وصار ينعاد

أما البشري فتقريبا بيواجهوا كل شي جديد من الناحية الاكلينيكية في سنة رابعة !

,

وأنا ابدا ما اشوفها اسهل دراسيا من البشري
على أساس اللي شفتوا خلال سنة ثانية وثالث مابين التخصصين
إلا البشري يعتبروا مره متدلعين بالنسبالنا !
لكن في السنوات الجاية.. ما اعرف كيف الوضع

وكل تخصص له مجهوده , ومافي تخصص سهل أبدا !

[JuStice]

.

يعطيكي العافية Dr~NanoOok ,

دايمًا أحب أقرأ مواضيعك وردودك المفيدة (: بس ما زلت مني قادر أفهم حكاية إن مادة تاخدوها في ترمين والبشري في ترم !

أحس حيكون فيه ضغط كبير على طلاب البشري .. وطبعًا دي مشكلة !

بالنسبة لقلة موادهم فاللي أعرفه إنها مو قليل ؟! أو يمكن قصدك مقارنةً بطب الأسنان ؟

.

[Dr~NanoOok]

المشاركة الأصلية كتبت بواسطة JuStice . يعطيكي العافية Dr~NanoOok , دايمًا أحب أقرأ مواضيعك وردودك المفيدة (: بس ما زلت مني قادر أفهم حكاية إن مادة تاخدوها في ترمين والبشري في ترم ! أحس حيكون فيه ضغط كبير على طلاب البشري .. وطبعًا دي مشكلة ! بالنسبة لقلة موادهم فاللي أعرفه إنها مو قليل ؟! أو يمكن قصدك مقارنةً بطب الأسنان ؟ .

الله يعافيك أخي ..
وانت من الأشخاص المهتمين والمبادرين لمساعدة الكل
ربي يوفقك

..

امكن ضغط عليهم أو لا .. وتفرق من شخص لتاني
لكن على أساس صحباتي بالبشري.. فمو شايفتهم مضغوطين وخاصة بالترم الأول وقبل ما يبدوا البلوكات

في سنة ثانية الترم الأول.. "بالنسبة لدفعة السنة اللي فاتت"
كانت عندهم تقريبا 4 مواد بس
اناتومي - امبريو - هيستو - بيوكيمستري .. بالاضافة للمواد العامة << اللي ما تُعتبر مواد الصارحة مقارنة بمواد الطب "^^

فعندهم الوقت انهم ياخدوا المنهج في ترم واحد
مثلا احنا بناخد 3 محاضرات اناتومي بالأسبوع.. هم بياخدوه 5-6 محاضرات وفي الحدود دي

حتى الهيستو خلصوه تقريبا في نص الترم الأول.. واختبروه فاينل قبل الكل

أما الترم التاني.. يبدأوا ينضغطوا وخاصة لما يحسوا بالفرق بين الترم الأول والتاني
لكن برضو بشوفهم يخرجوا بدري.. ونادرا ما يجلسوا لـ 4 !
واحنا الأسنان نقعد لـ 4 و 5 العصر

,

طيب ونجي لسنة ثالثة "اللي هي دي السنة"
صراحة البشري كانوا مرررررررررررررررررررررررررره متدلعين
كانت عندهم 3 مواد بس
جيانتيك .. خلصوه نص الترم الأول
و بعدين اختبروا نهائي ميكروبيولوجي + فارما + أخلاقيات طبية << كأنها مهارات اتصال اللهم بالانجلش بس

حتى جدولهم كان مرررره مبحبحين فيه وقبل كل مادة أسبوع أو أكتر

بعكسنا الأسنان.. اللي كان عندنا 8 مواد الترم الأول.. كل مادة أكبر من التانية "^^

حتى صحباتي كانوا يمسكوا المادة ويراجعوها مره واتنين وتلاته
أما احنا يا دوب نخلص المادة مره واحدة.. وكويس اذا قدرنا نراجعها مره ع الأقل !

أما بالترم الثاني..
احنا بدينا الـ 10 مواد.. والفاينل حقها يكون ترمين مع بعض.. يعني حق السنة كلها

أما في البلوكات حقتهم.. ياخدوا السيستم خلال 5-6 أسابيع كحد أقصى
ويختبروا فيه فاينل
يعني الفترة للمزاكرة قريبة و وقت الاختبار تكون متذكر اللي ذاكرته
لكن يبغاله مزاكرة مستمرة عشان يكفي الوقت للمزاكرة

,’

غيرالسنوات الجاية
حنستمر في أخد مواد البشري.. ونفس المادة على جزئين

جزء oral << خاص بطب الأسنان
و جزء general << اللي هو منهج البشري.. وممن القسم حقهم

المواد مثلا زي:
surgery "oral+general"
medicine
pharma
pathology

,

غير العيادات اللي تكون لمدة 4 ساعات باليوم.. 3 أو 4 أيام الأسبوع
بالاضافة للعملي في المعامل
لأكتر من مادتين في الأسبوع برضو

<< العملي فيه تسليم تكليفات وأعمال.. غير المرضى اللي لازم تخلص من الشغل عليهم

و هذا غير الاختبارات والكويزات المستمرة خلال السنة
يعني نخلص الدوام الساعة 5 ونرجع مهلووووكين
وكمان نرجع نزاكر عشان الاختبار بكره !

,

فايش رأيك دحين ؟
ضغط أو لأ

"^^

[JuStice]

.



أول شي الله يكون في عوونكم ويوفقكم ,

على كلامك صح حيكون دوامكم مرة متعب خاصةً إنه من سنة تالتة طب أسنان تبدأوا تشتغلوا عالمرضى حسب ما سمعت ؟

واللي فهمته من كلامك إنه ما عندكم نظام بلوكات زي البشري ؟

أنا حملت كتيب الطلاب المستجدين في كلية الطب من موقع الجامعة .. وأشوف إنه موادهم بأول سنة لا بأس بها من حيث العدد , يعني مو قليل 3 ولا 4 مواد بالترم !

وما شاء الله عليكي بما إنه صحباتك في الطب البشري وعندك خلفية كبيرة عن الطب البشري فـ رجاااااء تجي منتدى الطب النايم وتحطي فيه كم موضوع

عن دراسة الطب البشري ونظام الدراسة في السنوات الأولى ثم الإكلينيكية والمواد , كل شي بالتفصيل الممل

تكسبي فينا أجر , جزاكِ الله كل خير (:

.

[Dr~NanoOok]

الله يعين و يوفق الجميع.. آمين

السنوات الاكلينيكية والعيادات تبدأ من سنة رابعة
بسنة ثالث ندخل المعامل المؤهلة عشان العيادات للسنة الجاية

,

ونظام البلوكات.. فقط البشري اللي ماشين عليهم
حتى في الكليات التانية زي البترجي و ابن سينا
فقط البشري اللي عندهم اما الأسنان وبقية التخصصات الطبية فنظامها سنوي

,

بالنسبة اذا أقدر افيدكم بقسم الطب
فأنا مو على دراية شاملة بالمنهج وكل شي , وعشان أقدر أشرح وأفيدكم بيه
لازم أكون مجربته وعايشته "^^

لكن ححاول أكلم واحدة من صحباتي انها تكتبلي شرح عن قسمهم وبالتفصيل
وإن شاء الله يصير.. بس خلينا نخلص من الفاينلز ونفضى شوية