شوزن في رواد الأدب ^_^

[شــــــوزن]

السلام عليكم

باختصار شديييييد


اعلن من هذا المنبر << البنت اتحمست

لأ جد يابنات

حبيت اعطيكم فكرة اني اشتركت في مسابقة رواد الادب .. بقصيدة نبطية
وراح القيها على مسرح الطالبات يوم المسابقة في حضور يشمل الطالبات ولجنة التحكيم والدكتورات والاستاذات ^_^

طبعا سبق واني قدمت اصبوحة شعرية-(يعني زي الامسية بس في النور ^_^)- مع الاستاذة اشواق الغامدي المسؤولة عن الانشطة الادبية .. وكانت اصبوحة شعرية رائعه ..


ففي الحقيقة
حبيت اعلن عن مشاركتي في قسمي هنا وبين صديقاتي واصدقائي < لأ شوزن بلاش تخربيها
احم
يعني اقصد انو اتمنى اقابل جميع طالبات القسم هذا في يوم المسابقة
عاد الله الله بالحماس
بالذات طالبات المستوى الثالث
وبالذات الانتساب
وبالذات مروة ونور وتراتيل و و .. << مو كنّو كنّو

المهم طال عمركم


من الاخر كذا
اللي تبغاني اوقّعلها يومتها تبشر .. تراني متواضعه جدا .. عاد مين قدكم شوزن توقع ههههههه

باذن الله اذا تحدد اليوم اللي راح القي فيه القصيده راح ابلغكم هنا قبلها
فتابعونا تجدون مايسركم << ع اساس بتقاسم معاكم الجايزة مثلا؟


يلا أمنتكم الله ..(وردة)

[الملاك الأبيض]

اووه ماشاء الله خبر حلو والف مبروك الاشتراك وعقبال ماتبشرينا بالجايزة يارب

ماشاء الله باين عليك موهوبة وتعجبني ابياتك المكتوبة في التوقيع >>كل ماامر على توقعيك اقرأها

لا بجد انا احب الشعر وخصوصا الشعر الي يكون بقافية ووزن مثل اشعار الي زمان >>اتوقع انتو تسموه شعر نبطي باختصار هههه

وشكلك ماشاء الله موهوبة من هذي الناحية خصوصا استخدامك للكلمات الفصحى وتعبيرك القوي انا الي شفته عينة بس شكلو ماخفي اجمل واجمل فالك التوفيق يارب واحنا في انتظار تحديد اليوم لالقاء قصيدتك وكلنا سنكون في خانة مشجعيك بالتوفيق يارب

[شــــــوزن]

اهلا اهلا بالغالية بنت الغالي << حتنطردي اليوم من البيت ياملاك ههههههه

لا جد والله هلابك ياعسل ..


في الحقيقة اتشرفت بكلامك كثير

واعتز برأيك الجميل ..



راح اتشرف اكثر بحضوركم وتشجيعكم بس هالله هالله بالتصفير هاه << حشا جايين يشوفوا مباراة ههههههه


اشكرك يالغالية على كلامك

وراح اكون ذو حظ عظيم لمن اتشرف بمعرفتك انتي والاخوات الراقيات اللي هنا ..



يلا باذن الله فالي الجايزة ^_*

[fofo_27]

شي حلو ماشاء الله عليكي موهوبه
يسعدني اشوف وحده من اخواتي بالقسم تبدع في الشي الي تحبو
انا مو من محبين الادب كتير بس منك شكللك حتقنعيني بالجو الادبي
مبروك مقدما على الجائزه ^_^

[ام حمدان]

وعليكم السلام ورحمة الله وبركاته

ماشالله تبارك الله

الله يزيدك من فضله وانا على يقين بان اصبوحتك ستكون مميزه بمثل تميزحضورك هنا في القسم

كان بودي احضر لكن مااظن اقدر :(

عموما لو ربي كتب نلتقي بنلتقي حتى لو في ظرف غير هالظرف

موفقه والى الامام دوماً :)

[The Voice]

ما شاء الله...ما ينفع يحضرون الطلاب خلاص صرنا في مجلس الشورى سواسية...

[عبدالله بن عبدالرحمن]

^_^

اصبوحة جميلة ويارب ماتكون صبوحة...

صدقا صدقا كلي ثقة فى فكرك ويضهر من كلماتك دائما ومشاركاتك وحتى مجرد ردودك الكثير من ملكة الحفظ والذكاء (ماشاء الله تبارك الله) وهذة هى صفات كل ثائر من الصحراء من الخيمة >>> حشااا معمر القذافي

اسال الله يوفقك واتمنا من الاخوات التصفيق وماشابه لانة سيؤثر ايجابا على اللجنة وعلى الملقي وجميع المتلقين...

اهدي لك تفاااااااائلي الكبير وصدقينى اتنبأ لك المركز الاول او الثاني.. وليس الثالث ابدا..
:)

الى الامام اختى الكريمة

[مروره]

شــــــــوزن

حبيبتي ...أتمنالك التوفيق من قلبي ....

إذا اتحلت عندي أزمة المواصلات الحاليه ...<<والله ماصارت أزمه

بتلاقيني من ضمن الحاضرين إن شاء الله ...بس خبرينا بالموعد ....

بلغك الله مرادك....

[شــــــوزن]

المشاركة الأصلية كتبت بواسطة fofo_27 شي حلو ماشاء الله عليكي موهوبه يسعدني اشوف وحده من اخواتي بالقسم تبدع في الشي الي تحبو انا مو من محبين الادب كتير بس منك شكللك حتقنعيني بالجو الادبي مبروك مقدما على الجائزه ^_^

يبارك بعمرك .. صراحة اجمل هدية في حياتي << البنت انسجمت هههههه

ياقلبي عليك
انا سعيده فيك اكثر
وراح اكون اسعد من كذا بشوفتك ..

اتمنى حضوركم بجد ..

الف شكر لك

المشاركة الأصلية كتبت بواسطة the voice ما شاء الله...ما ينفع يحضرون الطلاب خلاص صرنا في مجلس الشورى سواسية...

ههههههههههههههههههه
والله مجلس الشورى هذا ماحيسوي فينا خير ..
يبويا رسايل الخاص مو مفتوحة تبغى تجينا ع المسرح .. لأ كذا كثير

ولايهمك اذا سووها في قاعة المؤتمرات فابشر ^_^
لأننا حجزنا قاعة المؤتمرات اللي في الجامعه بس اتلغت بسسب الاجواء ذيك الايام ..
راح نوافيك بنتائج المسابقة << اخس يامهمة

المشاركة الأصلية كتبت بواسطة ام حمدان وعليكم السلام ورحمة الله وبركاته ماشالله تبارك الله الله يزيدك من فضله وانا على يقين بان اصبوحتك ستكون مميزه بمثل تميزحضورك هنا في القسم كان بودي احضر لكن مااظن اقدر :( عموما لو ربي كتب نلتقي بنلتقي حتى لو في ظرف غير هالظرف موفقه والى الامام دوماً :)

اهلا اهلا بالقائدة الحكيمة ..
وماالتميز الا بمثلكم اقرب .. وانسب ..

والله ان ودي بجد بجد اتشررررررررف بمعرفتك اكثر وشوفتك وشوفة الطيبين اللي هنا شرواك ..
سعيده بكلامك ياام حمدان ..
واشكرك من الاعماااق ..

تميزي هنا انتم مورده ..
بارك الله فيك

المشاركة الأصلية كتبت بواسطة عبدالله بن عبدالرحمن ^_^ اصبوحة جميلة ويارب ماتكون صبوحة... صدقا صدقا كلي ثقة فى فكرك ويضهر من كلماتك دائما ومشاركاتك وحتى مجرد ردودك الكثير من ملكة الحفظ والذكاء (ماشاء الله تبارك الله) وهذة هى صفات كل ثائر من الصحراء من الخيمة >>> حشااا معمر القذافي اسال الله يوفقك واتمنا من الاخوات التصفيق وماشابه لانة سيؤثر ايجابا على اللجنة وعلى الملقي وجميع المتلقين... اهدي لك تفاااااااائلي الكبير وصدقينى اتنبأ لك المركز الاول او الثاني.. وليس الثالث ابدا.. :) الى الامام اختى الكريمة

أهلا بالفااااضل والأخ الرااقي عبدالله ..
اولا اشكرك بعمممق على كلامك الطيب .. وثناءك الحسن وانه بروضك امثل يالكريم ..
تنبؤاتك لي تعني لي الكثيييييير .. وتختصرلي النجاح فعلا ..
يكفي ان مثلك يقرألي ويثني ..

بالنسبة للحضور ^_^
فماعليك ..
لمن قدمنا الاصبوحة كان في تفاااااعل كبير فوق المتوقع
وكان لي حضووور خااااص لدرجة انهم طلبوا مني اعيد قصيدتين ^_*
لكن برضو مااستغنى عن حضووور البنات اللي من قسمي .. لأن هذي مسابقة وتعنيلي الكثير..

حبيت الصحراء والخيمة خخخخخ
حسستني انك حاط اللاب ع جمل وقاعد تكتب الرد

شرفتني والله ياعبدالله ..

المشاركة الأصلية كتبت بواسطة مروره شــــــــوزن حبيبتي ...أتمنالك التوفيق من قلبي .... إذا اتحلت عندي أزمة المواصلات الحاليه ...<<والله ماصارت أزمه بتلاقيني من ضمن الحاضرين إن شاء الله ...بس خبرينا بالموعد .... بلغك الله مرادك....

اهلا بالغالية ..

ان شاااالله يارب تنحل مو عشاني بس
عشان مصالحك عامةً << يعنّني اهتم لمصالح الشعب هههههه

لاجد ان شالله فالك الخير فين ماكنتي ..

والقاك اول وحدة من الحاضرين ..

[شــــــوزن]

راح تكون مشاركتي (الشعر النبطي) يوم الثلاثاء 26 - 12 -1432 باذن الله ..

من الساعة التاسعة صباحاً ..