إستفسار عاجل جزاكم الله عنا كل خير

[أم القماري]

السلام عليكم ورحمة الله وبركاته
حلم حياتي إني أكمل دراساتي العليا و لما اطلعت على موقع الجامعة بتمديد الفترة الإضافية ما تصدقوا قد إيه إنبسطت بكده و تمنيت ربي من كل قلبي إن اتقبل فيها و أخذ درجة الماستر في تخصص إدارة اعمال بس طبعاً ماعندي إي خلفية عن الموضوع و كل إلي أعرفه هو المذكور في الموقع فقط و علشان كده عندي إستفسارات عن الموضوع و الله يحفظكم لا تتأخروا علي في الرد لأنه زي ماتعرفوا يبدأ التقديم بكرة أن شاء الله
الإستفسار الأول
أنا تخصص بكالوريوس مكتبات و معلومات من جامعة أم القرى و حابه أكمل ماستر في إدارة أعمال ينفع و لا لا؟؟؟
الإستفسار الثاني
مطلوب إجتياز التوفل أو مايعادله كيف و التقديم يبدأ بكرة و أنا ما معاي هذه الشهادة يعني ينفع أقدم و بعدين أقدم لهم نتيجة الإختبار ؟؟؟ وإذا ينفع متى ممكن تتقدم لهم كحد أـقصى

الإستفسار الثالث
مطلوب إختبار القدارات هل برضوه ينفع أقدم و بعدين أقدمه ؟؟؟ و فين يقام الإختبارا يعني في الجامعة يعملوا للمرشحين الي تم إختيارهم

الله يخليكم لا تتأخروا علي بالرد
والأهم من هذا كله التوصيات العلمية رحت أبغى أخذها من الجامعه قالت سكرتيرة القسم الأساتذة في إجازة رسمية و ما راح أقدر أخذها إلا بعد العيد و أنتم طيبين .. فكيف يصبروا علي إلى بعد العيد و أقدمها لهم و لا إيش العمل

أفيدوني

[فله 2012]

اختي ام القماري لازم يكون عندك درجه للاختبار لقدرات الجامعيين عشان يفتح التخصصات و تسجيل للاختبار حيكون في موقع القياس واحتمال في تسجيل في شهر12 ومكان الاختبار حيتحدد على حسب المنطقه الي انتي عايشه فيها لمن تسجلي حيكون واضح .
تانيا اداره الاعمال لازم يكون عندك درجه الاستيب52 او التوفل 400 او الايلتس 3.5 اما اذا دخلتي اي تخصص في كليه الاقتصاد والاداره او الاداب تقدري تاخدي الدوره البديله دا بعد ما يقبلوا ملفك ولازم التوصيتين وكمان درجه اختبار القدرات تكون مموجوده
ثالثا التوصيات جدا ضروريه حيردولك الملف اذا ما كانت التوصيتين موجوده وفي شهر 3 بأذن الله حيفتح التقديم للماستر .
الله يوفقك ويسهل امرك

[عماد الحسن]

عليكم السلام ورحمة الله ،، نرحب بكم في المنتدى وإن شاء الله تجدوا ما يفيدكم

الاخت تكرمت بالرد عليكم ،، من حقك تدرسي إدارة الاعمال في الجامعة ولكن حاليا لا يمكن التسجيل بدون القدرات ، ولو تقدمت زيارتكم أسبوعين كانت عندك الفرصة للتسجيل بمركز القياس، والآن يجب الانتظار للفترة القادمة أو تختاري مجال لا يطلب اختبار القدرات والتوفل وتسجلي فيه،، وهذه التفاصيل نعرفها غداً الاثنين بحول الله.

[أم القماري]

يسلموااا أختي فله2012 على تجاوبك السريع لموضوعي و لكي مني كل التقدير و الدعاء في ظهر الغيب

و أشكرك دكتور عماد على إهتمامك بموضوعي و الرد علي و يجعلك في كل حرف تكتبه أناملك حسنة و لك مني الدعاء في ظهر الغيب
و أخيراً يعني أقدم على إختبار القدارات و الكفايات على الموقع الخاص و بكذا لا يسعني الدراسة سوى العام القادم أن شاء المولى ..