تحديد كويز الترمونولوجي

[SoOoMa1990]

السلااااااااام عليكم ..
الربوع الجاي عندنا كويز للترمونولوجي عليه 30%
واليوم الدكتور حددلنا الصفحات.. بالنسبة لكتاب الشورت كورس شابنر النسخة الرابعة ...

شابتر 1 : من صفحة 2 إلى 27
شابتر 2 من صفحة 44 إلى 64
شابتر 3 : من صفحة 78 إلى 103
شابتر 4 : من صفحة 120 إلى 145
شابتر 5 : محذوف
البودي سستم : للجهازين الكارديوفاسكولار واللمفاتك .. فقط الترمونولوجي .. يعني الباثولوجي والاناتومي .. مو معانا .. الرسمات معانا نعرف اسماء الاعضاء بالعربي والانجليزي ..

* صفحة 122 فيه جدول رقم 1-4 هذا محذووف ..
* صفحة 135 جدول 4-4 محذوف ..


وفيه نقطة قال عليها الدكتور ما فهمتها انه فيه شكلين للعضلات مو مطلوبين علينا .. وفيه شكل للعظم مطلوب علينا ..


الله يوفقكم .. في اختبار النمخ .. ;)

[lolla_B]

اش دا الشي ..؟
دكتورتنا تقول الاسئله موحده وزاكرو كل شي عشان ماتعرف كيف حتكون طريقة الاسئله
وفي الاخير دا كلو يسير عندكم وماندري عنو ؟؟
وبعدين نحنا عندنا اختبار السبت شبتر 1و2و3و4
والربوع السيستم بودي
كيف كدا ؟؟؟؟

[SoOoMa1990]

والله يا دكتورة لولاا .. احنا اختبارنا يوم الربوع ..
ما جابلنا سيرة للسبت مرراا .. !!!!!!!!!!!
وقالنا انه احنا حنختبر في نفس الوقت حقكم .. واعتقد انه نفس الاختبار بالزبط .. عشان دكتورنا اجتمع مع الانسة تهاني واتفقو على كل شيء ..
ودا التحديد اليوم ادانا هواا ..
يمكن انتو اختباركم اللي يوم السبت .. بس عشان تعرفو كيف طريقة الاسئلة وتخليكم تزاكروو .. << هذا رأيي يمكن صح يمكن غلط ..

[MESHO89]

يعطيك الف عافية يا سوماااا

تسلم لنا يا دكتور

[rayyan1444]

نمخ ههههههههههههههاي

1-0 لسوما

[dr.hope]

لا يا جماعة

الدكتور قال الاختبار دا ما راح يكون موحد حيكون في نفس الوقت بس

بس اصلا في لخبطة كبييييييييييييييييرة سايرة بين ( النمخ ) هع

والاستاذات اللي بيدرسو المادة للفيميل

حتى ال ستجي جايد اللي نزلوه الفيميل الدكتور قال انه ملىء بالاخطاء ومو مرتب

الله يعيننا لازم التنسيق يكون احسن من كدا