شئ يقهـــر

[بيونه الغامدي]

السلام عليكم ..
كيفكم حبايبي ..؟

بدخل بالموضوع ..
للاسف التربية الخاصة مو فاتحينه بين الترمين و نسبتي الموزوني عالية ولله الحمد تدخلني ..
الى الان ما تخصصت رغم انه فيه بنات كثير تخصصو ..
بروح للعمادة يوم السبت و اشوف السالفة ..
بس مو فاتحين لي الا 3 كليات الفيصلية و رابغ و ادارة و اقتصاد بس

لو رحت السبت و تخصصت و الاحد جيت لكم في الرحاب و طلبت تحويل و شرحت لهم وضعي اني مو محملة اي مادة بس محولة من علمي لـ اداري ممكن يقبلوني ..؟
و اذا ما فاد و ارسلت بابا لهم ممكن يقبلوني ..؟

بنات و ربي شايله هم ما يعلم به الا ربي ..
ساعدوني بأي شي بأي معلومة .. دعوااتــــــكمَ ..

[ارتويتك عشقا]

حبيبتي قريت لك موضووع آخر نفس الهرجه
وقالو لك البنآت ارسلي لهآ

ترآ بترد عليكِ آنتي حآولي=)

خذي آيميلها حبيبتي مره ثآنية

am_ab1981@hotmail.com

ولا تزعلي حآلك لو فيهآ خيرة لك بآذن الله بتخشي

وطمنيني وش يصير معك

[5o5ah]

الله يفرجها علي وعليك يابيونه
اذا قدر الله وماقبلوكي
خذي مواد مشتركه عربي ٢ ثقافه٢
وخذي اصول التربيه الاسلاميه
ونظام التعليم في المملكه
وعندك علم نفس النمو وعلم النفس التربوي
ونصيحه مهمــــــــــه
اكثري من الاستغفار
يجعل لك الله من كل هم فرجا ومن كل ضيق مخرجا ويرزقك من حيث لا تحتسبين
والله يجبرك ويقر عينك ان شاء الله
دعوووواتك وما حنساك من دعواتي

[بيونه الغامدي]

يعطيكم العافية

[دوم رافعة راسي]

وعليكم السلام ورحمة الله وبركاتة

ان شاءالله تتيسر امورك واذا معدلك فوق 4.50
روحي كلمي ابتسام فالعمادة واشرحي لهاوضعك وخليك كل يوم عندها
لين تعطيك نتيجة لانها تصرف البنات كثير
واذا مافادتك روحي لـ نورة بادياب
تساعد ومتعاونة مع البنات بس اذا دخلتي عندها خليك مصررة على التحويل
لاني زمان درست ترم فالعلمي وجيت باحول لاداري
وقالت لي ابتسام لا مافي تحويل مادام درستي وخلصتي ترم فالعلمي
وكل يوم اجيها لمده اسبوعين ومافية فايدة
بس بعدين رحت لنورة بادياب
وراحت لابتسام وكلمتها وحولتني على طوول
بس انتي طفشيهم خليك عندهم كل يوم

واذا مافادو خلي ابوك يروح لقسم الرجال ويكلمهم هناك عندهم انشاءالله الحل


واذا لاقدر الله ماكتب لك الله تكونين معنا فالتربية الخاصة هذا الترم
نصيحتي لكِ تخصصي علم نفس وضيفي المواد المشتركة زي ماقالت الاخت 5o5ah
ولاتاخذين مواد غير مشتركة مع قسم التربية الخاصة عشان لاتزيد عليك الساعات وتأثر لك فالمعدل
عشان بداية السنة الجاية باذن الله تطلبين تحويل


طمنينا لو صار معك شي

وموفقة فالدنيا والاخرة

[بيونه الغامدي]

المشكلة حتى علم نفس مو فاتح ..
الله يعين بس ..