ندآآآآء لتويكس وبنات تخصص ادارة سكن ::

[داليديا]

السلاااااااااااااام عليكم ,,

سلاااااام تويكس وبنات التخصص صباااح الخير :: كيفكم وشو أخباركم إن شاء الله تمااام ,,
ممكن اسألكم عن تخصصكم ادارة سكن و مؤسسات ::::
رجااااااء حابه استفسر عن القسم اكثر واكثر عندي كم سؤال ؟؟؟
القسم هذا دراسته كرف << يعني متعب ومهلك و يكون كرفه بس في الجامعه ولا نرجع البيت واحنا محملين بالشغلاااات <<لاني ابغي ارجع البيت واكون فاضيه ,, ومواده بصفه عامه حلوووه ؟؟؟
وكمان سمعت كلام من بنت تقول هو عااام فيه كل شي تقول ترم طبخ وترم خياطه وترم رسم ورسمه هندسي بالمسطره ورسم حر ازياء وديكورات ""
صح الكلام هذا لاني بصراحه مالي في الرسم كلش كلش ولا الخياطه لكن اموووت على الترتيب والتنسيق وعجبتبي عندكم مادة نتظيم حفلات وتنسيق زهور دشوا مخي كثيييييير
وطلب اخير طلباته كثيييييييره يعني ابيت في المكتبه ووووو ممستقبله كيف يقولون لي شهادته مو معترف بها ومامنه وظايف صح الكلام ..... وبس تسلمووون
انا بصراحه عاجبني حيييييل حييييل بس كلام الناس يخوفني ومتردده اكون على اقتصاد واداره <<رغم اني ماني حابتها ولا احول اقتصاد منزلي واذا حولت قدامي شوط اقنع ابوي فيها يااارب يعجبه
وتكفوون ردو على عشان الحق على الجامعه واحول لان خلاص تعبت من الف والحوسه بين الاقسام والكليات خلاص ابغي اتخذ قراري ...
وتسلووووون ياقلبي ماتقصروون والله يوفقمك وين مارحتوا ياآآآآآآآآآرب ,,

[الحــــربيهـ]

أن شاء الله هالموضوع يفيدك أكثر
http://www.skaau.com/vb/showthread.php?t=104292

[داليديا]

تسلميييين ياحربيهـ
انا قريت الموضوع من اول بس ماحصلت اجابات كافيه لاسألتي
فحبيت انزل موضوع عشان يكون واضح وتردون على لاني محتاجته ضروري
وبعد ماتردون علي كيفكهم يحذفونه او يخلونه بس محتاجه الرد ضروري ضروري هنااا
وتسلميييييييييييييين مرهـ تانيهـ

[بطووووطه]

.
.

و عليكم السلام ..

شوفي أنا أقلك من وجهة نظري .. انه المواد النظرية اللي فيها حفظ و كدا مراااااااااا بالنسبة ليا سهلة .. و كلامها حلو و يدخل مزاجك على طول ..
تحسيه من واقع حياتك و كأنك حضرتي دورة ..
أنا عن نفسي احظر المحاظرة و اتناقش مع الاستاذه و لا أحس انها دراسة*دراسة
لكن من جهة تانية.. فعندنا تكاليف كتير أو بحوث أو تطبيقات ميدانية .. يعني ماحترجعي البيت فاضيه من دحين أقولك هيااااااا صررررييييحة !!!
يعني مو معقول الدروس سهلة و كل شي سهل .. هما اعطوكي منهج سهل لكن انتي لازم تحركي ايدك !!!
عكس اللي في الادراة و الاقتصاد يدرسوهم أشياء ماتحسيها من واقعك وصعب حفظها بس ماتلاقي عندهم أي تكاليف أو أعمال مرئية و ملموسة..
عموما كلية الاقتصاد المنزلي كوووووولهاااا -عدا التغذية ما أعرف- فيها تكاليف و أعماااال طووووووول السنة ..
وكمان قسمنا معروف بالتطبيقات الميدانية في داخل الجامعة او برا .. يعني الترم الفات لوحدو تطبيقاته كانت (( رحلة لمركز ذوي احتياجات خاصة مع الجامعة / زيارة ل مركز اكسترا لوحدنا / إقامة دورة داخل الجامعة من تنظيمنا و إعدادنا و كوووول شي علينا ..استاذتنا جت كأنها وحدة من الحظور/ إشراف على محاظرة و تجهيز المسارح والضيافة لها))
طولتها دي النقطة بس من جد مهمة .. لأنها تمشي معاكي طوال السمسترات !!!

و صحيح احسو شويه "عام" ودا حلوو .. ندرس (تصميم داخلي و تنسيق زهور و تطبيقات فنية للغذاء و تنظيم حفلات) دي كلهم مواد عملية .. وتقريبا في الخطة تاخدي مادة وحدة منهم كل ترم .. لأنو ساعاتها طويلة وتحتاج شغل ..
مادة الخياطة مو في خطتنا اجبارية .. هيا مادة اختيارية و باسم ( العناية بالملابس و المنسوجات) وماعندنا أي مادة اجبارية للآن تخص الخياطة أو تصميم الازياء ..

همممم.. في مادة لزيزة كمان اسمها ( تكنولوجيا الوسائط المتعددة) عن التصميم بالفوتوشوب و التصوير الفوتوغرافي و تنقية الصوت و كدا ..

في مواد نظرية اكتر زي .. ادراة الموارد الأسرية / ادوات و أجهزة منزلية و مؤسسات / اسكان فئات خاصة ...

و باقي المواد اللي عن ( المؤسسات) لسا ما اعرفها لأني مادرست منها شي ..

و بالنسبة للوظايف .. قالوا لنا اش ممكن نصير بس ما اعرف لو من جد اتوظفوا بنات ولا لا .. لأنه مشكلة قسمنا (مو معروف) حتى لو نزلتي سوق العمل و قلتي لهم انا متخرجة باسم دا التخصص يقولوا لك إش داا ؟؟؟ مع انه تكون عندهم وظايف ممكن تناسبك ..
من بعضها : ادارة الحفلات في الفنادق و كدا / ادارة مؤسسات سكنية زي رعاية مسنيين و أيتام و ذوي احتياجات خاصة / إقامة دورات و ندوات عن الشؤون الأسرية / تنظيم المؤتمرات و المعارض..

أنا عن نفسي .. اشوف انه الوظيفة رزق من ربي .. و كل واحد وشطارتو .. مافي احد حتنزل له من السما وظيفه وهوا قاعد في بيته .. و كمان المعدل مهم !!

ان شاء الله اكون افدتك :)


.
.

[Twix~}..]

^^

نفس كلام بطوطه في اشياء كتير .. التخصص حلووو مرآآ انا ما احس اني ارووح ادرس احس اني اروح اخذو دورااااااااااااااااات ..

ولعلمك التكاليف صح كتيره بس والله هيا الي تخليكي تآخذي الــ +A وبكل سهووولهـ .. لانو احيانا تكون من 30 إلى 40 درجة على التكاليف .. والتكاليف مو ديك الصعووبه والي مرآآ مستحيله .. لا اشياء بسيطه وتتعمل .. بحووث .. زياره مدانيه .. عرض بور بوينت وتشررحي .. انتي اعملها اول باول ومرآح يجي نهاية الترم الا انتي ماعندك ولا شي غير انك تذآآكري وتختبري .. موادنا حلوووهـ تستفيدي منها في حياتك بشكل كبيرررر ..

بالنسبه انك تنامي في المكتبه مرآآآ لا .. بس في شي اسمو تدفعي فلوووس .. لانو كل التطبيقات العمليه تكون على حساب البنات .. وإذا كان في ارباح من التطبيق او زادت الفلووس ترجع تاني للبنات .. والمبالغ مو كبيره مرآآ من 50 إلى 100 تقريبا ونادرا توصل للـ 100 ريال ..

بالنسبه لكلام الناااااااااس مرآآآآآ لا تسمعي .. ادخلي شي انتي تحبي وتنبسطي فيه .. عشان توصلي للشي الي تبغي .. ترآآ لما اكلم احد عن تخصصي مرآآآ ينصدمو ويستغربو انو فيه دي كل الاشياء ..

الوظااااااااااايف في دي الايام مو مضمونه لآي كليه .. يعني كولو بيد الله .. وبالعكسسس انا احس انو تخصصنا وظااايف دحين موجوده بكل مكان .. الشركات الفنادق المؤسسات .. اي مؤسسه يتوفر فيها سكن خاااص انتي ممكن تديري .. غير كدا ممكن تكوني إدارية او مسؤله على إدارة الحفلات في اي مكان ..

http://www.skaau.com/vb/showthread.php?t=211115

http://www.skaau.com/vb/showthread.php?t=210124

اقري في دي الموضوعين إذا ما قراتيهم .. انا اتكلمت فيها عن طبيعة مواد تخصصنا وعن التطبيقات وعن الاستاذات وعن اشياء كتير .. ولا تنسي استخيري وربنا يسهلك ياارب ..

[داليديا]

تسلموووون يابطوووطه وتويكس ماقصرتوا والله يجزاكم خيييير والله يسعدكم ياااارب
وانا بأستخير والله يقدم اللي فيه الخير

بس سؤال صغير التطبيقات الميدانيه الخارجيه اجباريه ؟؟

[Twix~}..]

اله يسسسلمك ياااارب ويسسهل عليك ويختارلك الي فيه خير ان شاء الله ..

بالنسبه للتطبيقات عليها درجاااااااااات ياعسسسل والكل لازم يعملها .. بس لو عندك ظرف مرآآ قوي يمنعك انك ترووحي تقدري تفهمي الاستاذهـ فتكلفك بشغله تانيه تعوضك بها عن التطبيق .. ودي التطبيقات غالبا يكون عليها من 10 إلى 20 إلى 25 درجهـ ..

يعني مرآآ لا تستهوني فيها .. بس تكوون حلووهـ ولزيزهـ :) لانو شغل قروبات يعني الكل يششتغل ..