ابا احد يسعدني ارتب جدولي كيميا اول سمستر بعد التحضيري :(

[miss-besho]

اهليييييييييين شباب و صبايا

كيفكم ..؟ إن شاء الله كويسن

انا اتخصصت كيميا عامة و بصراحه ابغى ارفع معدلي و كدا عشان بحول إن شاء الله اذا ربنا كتب
مني عارفا ايش اختار مواد وا يش المواد اللي ممكن ترفعلي معدلي ؟؟

هل لازم التزم بالخطة الدراسية ولا لا !!!

اللي هيا (( تفاضل و تكامل 2 ,, كيميا عامة 2 ,, اسس الكيميا العضوية 1 ,, اللغة العربية 1 ,, معمل كيميا عامة ,, امن و سلامة مختبرات "كيميا" ,, معمل فيزيا عامة ))

عندي كدا ملاحظة ,, الجدول مو مليان !! و كيف اخد معمل فيزيا و انا ما اخدت الفيزيا ؟ طب و بالنسبا ليا انا ابا ارفع معدلي عادي امشي على دا الجدول ولا كيف ؟ :(




انا برضو شوفت كلام لـ الاخ ( كوبالت _ co ) في احد المواضيع

{{ اذا قصدك كبداية ايش حابه تضيفين مواد

chem / 202,231,281,200
phys/281,200
arab/101
isls/101

هذي 17 ساعة كبداية شوفي اذا ضغط عليك او لا .. اذا ضغط عليك انصحك تشوفين فيزياء و كيمياء 200 و 281
تحذفين منهم و الباقين لا تحذفين منهم لانهم يفتحون مواد قدام

اقتراحي و لك القرار بالاخير

بالتوفيق ::. }}



في شي ما فهمتو مرا متلخبطا ,, ايش المواد اللي حقدر اخدها و تكون سهله ! و ايش المواد اللي ما اقدر احذفها و تفتح مواد قدام ,, طيب دحين انا اقدر اخرج من الخطة الدراسيه ولا لا ؟؟ و ايش هرجة المواد الاختياريه !! و ايش اسهل شي ممكن ادرسو !! خصوصا انو ابا ارفع معدلي :(




بليييييييييييييييييييييييييييييييييييز ساعدوني والله مررا مدري ايش اسوي :(

الله يوفقكم دنيا و اخره و يوفق الجميع يارب

[فوبو]

أهلا بكِ
قبل ماأجاوبك أنت ماأخذتي فيزياء 110 في التحضيري؟
:)

[miss-besho]

الا حبيبي أخدت فيزيا 110

[فوبو]

بما أنك تفكري بالتحويل

أنصحك تأخذي عربي ومعمل كيمياء281 وكيمياء 202 وامن وسلامة كيمياء وثقافة اسلامية
أسس عضوية بس أنا ماأخذتها اسألي عنها

أن شاء الله هذه المواد كلها سهلة وركزي على المواد الي بـ أربع ساعات لأنها بأذن الله ترفع المعدل

ووفقك الله لما يحبه ويرضى

[فوبو]

بالنسبة سؤالك كيف أخذ معمل فيزياء وأنت ماأخذتي فيزياء

هو معمل حق 110 الي اخذناه في التحضيري :)

موفقة

[تذكار غموض]

في شي ما فهمتو مرا متلخبطا ,, ايش المواد اللي حقدر اخدها و تكون سهله ! و ايش المواد اللي ما اقدر احذفها و تفتح مواد قدام ,, طيب دحين انا اقدر اخرج من الخطة الدراسيه ولا لا ؟؟ و ايش هرجة المواد الاختياريه !! و ايش اسهل شي ممكن ادرسو !! خصوصا انو ابا ارفع معدلي :(

شوفي افضل المواد اللي ترفع المعدل وتكون خفيفه ع القلب
كيمياءعامه 202....اسس كيمياء 231....عربي 101....ثقافه....امن وسلامه كيمياء200 ...معمل كيمياء 281
كذا 15 ساعه
وفيه ماده حره اقناع لو تبي تحطيها تصير 18 ساعه الاقناع ماده سهله وخفيفه ودي اسهل المواد
والمواد الاختياريه اظن تاخذي 14 ساعه من المواد الاختياريه للتخصص اللي انتي فيه
وخليه ذا السنه الجايه افضلك نزلي مواد اختياريه ...وحاولي لاتنزلي هالترم تفاضل وتكامل الماده صعبه
اصعب المواد اللي مرت علي بدايه دراستي بالتخصص
كيمياء التحليليه 211 و تفاضل وتكامل202 ....حاليا وفيه ماده كمان لو اتذكرت اسمها بجي
وجدول كوبالت بصراحه جدا مليان
بحيث راح يكون عندي 4 معامل وكل معمل ب 5 ساعات
اما الجدول اللي حطيتو انا 3 معامل اللي هيا كيمياء عامه واسس كيمياء
اما معمل الكيمياء 281 خفيفه وحلوه وممتعه

[كوبالـت_Co]

مواد لرفع المعدل

عربي 101 , ثقافة 101 , كيمياء 281 , كيمياء 200 , فيزياء 200

كيمياء 202, 231 < هي اساسيات الكيمياء تأخذيها اول ترم عشان تقدري تحولين

بالنسببة لمعامل كيمياء و فيزياء ( 281 ) هي تابعة لمقررات 110 مثل ما تفضلت اختي فوبو

و مو مجبورة تمشين على الخطة لأنهم حطوهـآ بس كذا للطالب الي بيتبعها يتبعها يعني مو مجبور عليها

بالتوفيق ::.

[miss-besho]

مرررررا شكرررررررررن الله يفرج كربتكم و يرضى عنكم و يريح قلبكم يااااارب قادر يا كريم 3>

اخترت هذي المواد زي ما نصحتوني

{ كيميا عامة 202 ،، أسس كيميائية 231 ،، عربي101 ،، ثقافة 101 ،، امن و سلامه كيميا 200 ،، معمل كيميا 281 ،، إقناع }

بس عندي كمان سؤال الله يرضى عليكم

أبغى اعرف مين افضل الدكاترة في دي المواد ؟؟

اللي تعرف تفيدني :(

و من جدد الله يعطيكم العافيا ما قصرتو

[تذكار غموض]

بيشو بحثت بالموقع لين لقيت لك اسماء دكاتره طيبين
وهدول هما
وان شاءالله يطلعو تمام
أخذتها عند د/أبتسام الصبان دكتورة طيبة وأسئلتها حلوة وتعاملها حلو<اخدتها نسخ ولصق خخخ
اقناع اكيد عند انمار بس شوفي فيه اسئله اختبار حق الانتساب خديها وزاكري منها كمان لانو فيه واحد من الموقع قلي جاب 96 من هادي الاسئله
اما الباقي عند البنات بحثت ومالقيت حاجه بالتوفيق لكي
وانا راح انزل نماذج اختبارات لماده كيمياء 202 بمكتبه الشقري او الغامدي اذا كانت الاسئله موحده روحي خدي منها

[miss-besho]

مرررررررا شششششششششكرررن اخويا تذكار غموض الله يعطيك الف الف الف عافيا و يوفقك يارب لكل خير و يكتب لك اعلى المراتب و الدرجات دنيا و آخره يارب ما تقصر

في شي اكتشفتو ،، انو مافي عندنا مادة اسمها إقناع مدري بس ما شوفت في الخطة اللي ادونا هيا

اليوم روحت الجامعة عملت جدولي هناك عشان ما رضي الاودس يفتح معايا
الا أدتني ورقه و كدا لما جيتاها تاني قالتلي لازم تاخدي تفاضل و تكامل عشان الترم التاني تاخدي كيميا تحليلية مادري مررا تحطمت بفكر ارجع احذف المادة مالها داعي أخاف تخسفلي معدلي
قالتلي لو معدلك اعلى من 3.75 لازم 18 ساعه و المواد الباقيا كلها لازم ادرس حاجا قبلها
مدري كلامها من جد ولا مداني احذفو 😔

والله ما ادري ايش اسوي الحمد لله على كل حال و حسبنا الله وكيلا ❤