البرنامج الإرشادي لطالبات السنة التحضيرية

[شواطئ البحر]

شكلو بحضر معاكم يا بختكم

[{halah..]

هيا كويس انك نزلتي دا الموضوع ..

انا نزلت موضوع في استفسار بس مالقيت جواب اقنعني

انا ادوني نفس دي الورقا وان شاء الله بروح

بس يبدأ البرنامج الساعا 8

وعندي الساعا 9 اختبار تحديد المستوى فمكان تاني

ونفسي احضر البرنامج كامل ومني عارفا كيف ..

يسلمووووو { شواطئ البحر

[شواطئ البحر]

ماراح يبدأ بالضبط 8 قولي 9 أو 9 ونصف
ترى عشت في جامعة 5 سنوات ما يلتزمو في مواعيدهم لازم يتأخرو
وكمان ما راح يبدأ ألا بحضور الطالبات
وان شاء الله تلحقي ع مربعات ال3 أللي تحت (الموجودة في الصورة) أهم حاجة
وأختبار المستوى ساعة تكفي ومشوار أقل من ساعة <<<<خليهم يفحطوا
تقريباً بتوصلي الجامعة على 10.30
ع فكره هذا اليوم بيكون أجازة مافي دوامات الطريق فاااااضي

[{halah..]

شواطئ البحر ..}

طمنتيني

انا من يوم مااستلمت الموعد وانا مسويا لاهلي قروشا

وعلى قولت الشقيري مواعيد عرب

يسلموووو

[حبي لذاتي قمة أولوياتي ~]

حلو وترشحت أني أحضر بس بصراحة لو أستلمت الوظيفة لازم أثبت وجودي فيها من البداية !!

[شواطئ البحر]

المشاركة الأصلية كتبت بواسطة {halah.. شواطئ البحر ..} طمنتيني انا من يوم مااستلمت الموعد وانا مسويا لاهلي قروشا وعلى قولت الشقيري مواعيد عرب يسلموووو

---

وأطمنكي أكثر طالبات الجامعة أختبارهم في نفس اليوم وبنفس الساعة حتى هم ماحيجو من بدري

قروشا
حنا نسمية أنتفاضة ولا ربكة بس حاستخدمة قروشا عجبتني
صدق الشقيري
الله يسعدك هلاله

المشاركة الأصلية كتبت بواسطة حبي لذاتي قمة أولوياتي ~ حلو وترشحت أني أحضر بس بصراحة لو أستلمت الوظيفة لازم أثبت وجودي فيها من البداية !!

---

حلو لو تحضري بتستفيدي مع انو خاص بطالبات السنة التحضيرية دفعة 2011
بس تعرفي لازم نشارك معاهم

[HELLO KITTY]

السلام عليكم ..

انا طالبه لسه مسجله قبل شهرين بالجامعه

واستلمت البطاقه وكله تمام ..

يعني بكون دفعة 11

ممكن اعرف ايش هو البرنامج الارشادي ؟

وليش الزامي ؟ طالما اني انتساب

وهل الدوام يبدأ من 12 لهذا البرنامج ولا 16 ولا متى بالضبط ؟

وهل ليا اختبار تحديد مستوى .. ماعندي فكره عن هالموضوع ابدا ؟

اشرحولي بليز مو عارفه شو اعمل !!

[شواطئ البحر]

وعليكم السلام هلو
ايوه دفعتك 11 ما لاحظتي بداية رقمك الجامعي 11
طالبات دفعة 2010 يكون بداية رقمهم 01
وطالبات دفعة 2009 بكون بداية رقمهم 09
وهكذا

---

البرنامج الأرشادي يوضحلك كل حاجة في أيام دراستك
كيف يحسبولك المعدل التراكمي
ع فكره 90 و94 ماتفرق في معدل هي نفسه
و85 و89 نفس الشي ما تفرق في معدل
و80 و84 برضو نفس الشي
وهذي الأشياء جديده عليكم ولازم تعرفي عشان ما تزعلي لما تأخذي 90 وتقولي ياليته أددني 93ولا94 زي ما سويت أول ترم لي وكل ما أفتكر أضحك والسبب عشان ما حضرت اليوم الأرشادي

وكمان يخبروك متى وكيف التسكين ورغبات والأشياء كثيييييييييييييييييييره

وهو مهم للطالبات الأنتظام والأنتساب مافي فرق بينهم

الدوام يا عسل يبداء من 8 الى 3 <<<< تطلي في صورة
وكمان ماراح يبدو ألأ بحضور الطالبات تقريباً ع 9 ونصف
تحديد مستوى:
شكلو من فرحة لماأخذتي البطاقة نسيت ما تأخذي الورقة أللي بتوضح اش يعني تحديد مستوى أو ما لكم د الشي

بس بوضحلك اش يعني تحديد مستوى
مادة اللغة الأنجليزية 18 ساعة في الأسبوع مقسم ع أربع مواد في للغة الأنجليزية
هذي مواد مقسمة ع أربع مستويات
كل ما تحطي في مستوى أعلى تقل عدد الساعات بيطلعلك 12 ساعة في أسبوع أو 10 ساعات وهكذا
وأختبار بيحدد انتي في اي مستوى أول - الثاني - الثالث -الرابع
ان شاء الله يكون واضح
^_^

[مايهم من اكون]

يعطيك العافيه ع الطرح الرائـــــــــــــع

لو سمحتي البرنامج الأرشادي الزامي الحضور فيه ولا شو ؟؟ وايش هو الأختبار تبع تحديد المستوى ؟؟

وشكــــــــــــــــــــرا

~~~~~~~~~~~~

[HELLO KITTY]

يااااااااااااااااااااااااااااااااااااااااااااااااا رب يسعدك ويحقق لك كل اللي تبغيه

تسلمين ع المعلومات بس ابغى اعرف حاجه وحده بس

هل من الممكن لو معايا وحده هالسنه تخرجها تدخل معايا او لا ؟ ببطاقتها الجامعيه طبعا بس انها تخرج هي وانا سنه تحضيريه

شكرا حبيبتي ..