استفسار العلوم الاساسية

[رونــا]

السلام عليكم ورحمة الله وبركاته
انا انقبلت في كلية الطب العلوم الاساسية و جبت النسبة المطلوبة للدخول كلية الصيدلية بس قبلوني في كلية الطب العلوم الاساسية هل ممكن اروح واحول للصيدلية لان نسبتي الموزنة يقبلوني فيها ولا لا
وابي اعرف ايش هادي الكلية طب العلوم الاساسية اذا ماعتبر دكتورة ايش المسمى الوظيفي و كمان فين شغلي هيكون بالمستشفى ولا فين
و هل ممكن اقدر احول للطب واذا ممكن كيف احول
الله يسعدكم الي عندو الجاوب يجاوبني والله مرة ماني عارفة نفسي احد يقدر يفهمني الكلية ويقولي اذا كويسة ولالا

[نص الملعب]

يا هلا والله أخيراً شفت أحد معاي 3>
شكلي الوحيده اللي خلت العلوم الاساسيه رغبة أولى هههههه

و بالنسبه لأسألتك من ناحية التحويل ماني عارفه والله
بس المسمى الوظيفي اذا اكتفيتي بالبكالريوس بتصيري "مساعد باحث" او معيده بأحد الكليات الصحيه ما عدا الطب
و اذا اخذتي الماجستير راح تقدري تدرسي الطب
و ابحثي بقوقل راح تلقي معلومات أكثر 3>
و لا تنسي تستخيري ♥♥

اتمنى لو احد نفس تخصصنا يقول ودي نتعرف على بعض قبل الدراسه ♥♥

[نص الملعب]

^^^^^^^
حسيت اني ما وضحت نقطة الماجستير كويس
قصدي اذا كملتي ماجستير راح تكوني معيده في كلية الطب

[رونــا]

المشاركة الأصلية كتبت بواسطة نص الملعب يا هلا والله أخيراً شفت أحد معاي 3> شكلي الوحيده اللي خلت العلوم الاساسيه رغبة أولى هههههه و بالنسبه لأسألتك من ناحية التحويل ماني عارفه والله بس المسمى الوظيفي اذا اكتفيتي بالبكالريوس بتصيري "مساعد باحث" او معيده بأحد الكليات الصحيه ما عدا الطب و اذا اخذتي الماجستير راح تقدري تدرسي الطب و ابحثي بقوقل راح تلقي معلومات أكثر 3> و لا تنسي تستخيري ♥♥ اتمنى لو احد نفس تخصصنا يقول ودي نتعرف على بعض قبل الدراسه ♥♥

هلاا والله ..
ان شاء الله استخير واشوف
ايي وانا كمان والله ودي اتعرف على وحدة معايا
طيب في الكلية الطب العلوم الاساسية عندنا مقابلة ؟ ولالا
وفين هنداوم ؟ وايش هيكون لبسنا والله ماعرف ايش دي الكلية ولا فاهمة الطبخة دي -_-

[نص الملعب]

لا ما عندنا مقابلة و مكان دوامنا في كلية الطب ندرس في نفس كلاسات بنات الطب لأن سنة ثانية و ثالثه من تخصصنا نفسهم
اللبس انا بجي بالاب كوت بس و ساعتها نشوف اللي اكبر مننا ايش لابسين
بأختصار تخصصنا ندرس بثانية و ثالثه العلوم الطبيه الاساسيه و سنة رابعه نأخذ مواد بحث و كذا و نسوي بحثنا و نتخرج

[رونــا]

اها اوك ان شاء الله ..
معليه سوال كمان نقدر نحول للطب ولا ماينفع

[نص الملعب]

^^^^
شوفي آخر هذا الموضوع راح يفيدك
http://www.skaau.com/vb/showthread.php?t=595149
+ التحويل للطب ينطبق عليه شروط التحويل العاديه (توفر أماكن شاغره و معدل عالي) >من موقع الجامعه الكلام

[BLQiS]

وعليكم السلااام ورحمة الله وبركاته
انا كمان حطيتو ومو عارفة اش هرجتووو
بس يلا الحمدلله يعني باقي 3 سنين واتخرج
ومتأكدين م في مقابلة ؟؟

[نص الملعب]

^^^
يا هلا والله فيكِ ♥♥
ايوا السنوات اللي فاتت ما كان عندهم مقابله و اذا ذي السنه في راح يكلمونا

[حمني !]

تخصص مفيد للي يطمح يدخل طب بس ماحالفو معدلو ومن اسعل التخصصات الي تقدر تحول منها وايضا تقدرو تكملو السنوات السريرية الثلاث سنوات بالاضافة الى الامتياز في اي كليه خاصه سواء ابن سينا ولا البترجي ولا كلية الغد وباقي الكليات

بالتوفيق جميعا