بكالوريس فرنسي+دبلوم تربوي

[عندي امل2009]

أنا خريجه قسم لغه فرنسيه وبسبب ظروفي ما قدرت اشتغل ونسيت تقريبا الغه وماني متمكنه أني ادرس فيها نفسي اكمل ماجستير بمجال اخر مثل تقنيات التعليم ومن شروطه انو لازم يكون عندي دبلوم تربوي فهل أتقبل في الدبلوم ولا لا عشان اقدر اكمل ماجستير مافي فرصه قدامي لوظيفه جيده غير أني اكمل ماجستير في مجال جديد ومطلوب بليز اقتراحاتكم نوروني

[جزا]

راسلي وحدة ممتازة اسمها: هديل جداوي؛ لأنها أكثر وحده تفيدك بحكم إنها بكالوريوس فرنسي + دبلوم تربوي.

دوري لها هنا:
http://www.skaau.com/vb/showthread.php?t=461363

[h.alqarni]

السلام عليكم
عندي امل انا طالبة دبلوم السنه هذي ومعاي في الدفعه طالبتين تخصصهم فرنسي وجالسين يدرسون دبلوم تربوي كل المطلوب منك انك تختبري قدرات عشان تقدري تسجلي اذا فتح التسجيل وعندك الاخت هديل جداوي تخصصها فرنسي ومعاي في هذي الدفعه وبالتوفيق يارب

[jana-2]

عادي تقدري تاخذي دبلوم تربوي
ونصيحة بنات الفرنسي قدموا على المدارس العالميه لانهم بيدرسوا فيها فرنسي
منها تكسبي خبره
وما تنسي اللغة

والله يوفقكم

[عماد الحسن]

نرحب بالأخت الكريمة مع الشكر للمشاركين في الموضوع

نصيحتي لكم وللجميع هي دراسة الدبلوم التربوي لأنه مفيد لكم وبعده ممكن تقدمي للماجستير في أي كلية او تطلبي التعيين في التعليم، بالنسبة لي فأنا درست الدبلوم وبعده كملت الماجستير ، وكلها سنة وتمر بسرعة لكن الفائدة ستكون كبيرة لكم بحول الله.

[عندي امل2009]

مشكورين على ردودكم والله رجعتولي الامل حاسه انو الدنيا أقفلت بوجهي خصوصا أني نسيت بصراحه اللغه ونفسي اطور حاللي بدون مايتعارض مع مسؤلياتي تجاه اسرتي
بس ممكن سؤال استاذ عماد هل يكون لي فرصه التوظيف في قطاع التعليم الحكومي زي اي خريجه ولا لا

[nahla ali]

السلام عليكم..

وأهلا بكِ في المنتدى..

أنا طالبة دبلوم عام ومتخرجة من قسم لغة فرنسية.. إذا عندك أي سؤال أو استفسار اسألي

وان شاء الله اقدم لك الاجابات الشافية..

وبالتوفيق يارب..

[عندي امل2009]

مشكوره اخت نهله على تفاعلكي وانا من جد محتاجه احد يرد على استفساراتي

شروط القبول هي فقط اجتياز القدرات ومعدل جيد وسمعت انو ممكن السنه الجايه يكون في اختبار انجليزي؟ وهل في مقابله شخصيه ؟وذا كان في ايش طبيعه الاسئله ؟
انا متخرجا من زمان! اكثرمن١٠ سنوات هل هذا الشئ يقلل من فرصه قبولي؟ ومتى يفتح التقديم وهل هو سنه ونص ولا سنه فقط؟

بعد الدبلوم ايش الفرص اللي قدامك غير مدرسه لغه فرنسيه ؟يعني تقدري تدرسي مواد ثانيه زي لمن بنات الجغرافيا يمسكو اوله وثانيه ابتدائي في المدارس الحكوميه يعني تكون عندك فرصه تتعيني في التعليم لو إداريه بس راتب عدل مش زي المدارس الخاصه١٨٠٠
او تكملي ماجستير تقنيات التعليم او ايً شي ثاني
وكيف دراسه الدبلوم صعبه ولا عاديه

[nahla ali]

المشاركة الأصلية كتبت بواسطة عندي امل2009 مشكوره اخت نهله على تفاعلكي وانا من جد محتاجه احد يرد على استفساراتي شروط القبول هي فقط اجتياز القدرات ومعدل جيد وسمعت انو ممكن السنه الجايه يكون في اختبار انجليزي؟ وهل في مقابله شخصيه ؟وذا كان في ايش طبيعه الاسئله ؟ انا متخرجا من زمان! اكثرمن١٠ سنوات هل هذا الشئ يقلل من فرصه قبولي؟ ومتى يفتح التقديم وهل هو سنه ونص ولا سنه فقط؟ بعد الدبلوم ايش الفرص اللي قدامك غير مدرسه لغه فرنسيه ؟يعني تقدري تدرسي مواد ثانيه زي لمن بنات الجغرافيا يمسكو اوله وثانيه ابتدائي في المدارس الحكوميه يعني تكون عندك فرصه تتعيني في التعليم لو إداريه بس راتب عدل مش زي المدارس الخاصه١٨٠٠ او تكملي ماجستير تقنيات التعليم او ايً شي ثاني وكيف دراسه الدبلوم صعبه ولا عاديه

شروط القبول هي فقط اختياز اختبار القدرات ولا يوجد مقابلة شخصية..

وحتى لو كان مضى على تخرجك أكثر من 10 سنوات جربي وقدمي وان شاء الله تنقبلي.. لأنه في طالبات في الدبلوم معلمات من سنين طويلة ومضى على تخرجهم 10 سنوات وبيدرسوا حاليا دبلوم
..
التقديم أعتقد إنه يفتح إما في شهر 6 أو 7 هجري خليكي متابعة المنتدى وراح ينزل اعلان بفتح التقديم وبموعد امتحان القدرات..
ومدة الدراسة سنة فقط..

لا علم عندي اذا كان ممكن تشتغلي ادارية بعد الدبلوم.. لكن ماتقدري تكوني معلمة لغير اللغة الفرنسية لأنه لابد تدرسي في تخصصك..
وبإمكانك بعد الدبلوم إكمال ماجستير في تقنيات التعليم.. أو في تخصص ثاني وبالعكس تكون الأولوية لكِ في قبول الماجستير لأنك حاصلة على الدبلوم التربوي..

دراسة الدبلوم جدا ممتعة.. وغير صعبة ولكن شغلها كثير يعني من ناحية التكاليف والواجبات..

[عماد الحسن]

أشكر الأخت نهلة لهذه الإضافات المفيدة ، وكما تعرفون فإن الوظائف لقيم الفرنسي قليلة في المجتمع ، لكن مع وجود الدبلوم التربوي ستكون فرصتكم أكبر إن شاء الله، وأتمنى أن يفتح لكم المجال في المدارس الأجنبية لتدريس الفرنسية لأنها توجد بكثرة في جدة والرياض والمدن الكبيرة.