شوفولـــــي حـــل :(

[انا رورو انا]

السلام عليكم ورحمة الله وبركاته

يا جماعه انا من يوم الاتنين رسلت معامله الكترونية ع اساس يمددولي فترة و يفتحولي الاوديوس ورحتلهم امس الجامعه وقدمت برضو معامله يدوية واليييييين الان الاوديوس مغلق عندي مني شايفة جدولي ولا ادري ايش نازلي ولا قادرة اغير شي وانا تخخخخخخخخخخخخخخرج وطبعا الكل عارف قسمنا العزيز لو رحتلهم بعد ما ينتهي الحذف والاضافه من الاوديوس ماراح يضيفولي المواد الي ابغاها في الشعب الي انا اختارها مع ان هالشي مو بيدي ..فمني عارفه ايش اعمل عشان يفتحولي الاوديوس قبل لا تنشال ايقونة الحذف والاضافه من الاوديوس مني عارفه ارسل لمين تاني عشان ينهولي الموضوع دا ..الي عنده حل ينورنـــــــــــي

[عبدالرحمن الناصري]

اقليقيهم بالمعاملات الالكترونية للعمادة للكلية لأي شيء سوي لهم رجة ويوم السبت الساعة 7:30حضري عندهم وبتمشي الامور معك ان شاء الله والله ييسر لك

[nour al3mr]

وعليكِ السلام ورحمة الله و بركـــــاته

الله يكون بعونك للآن ماعدلوا لك شيء ..؟ :(

نقول يـآرب خيـــــــر و يضبطوا لك الأمور السبت إن شاء الله

[انا رورو انا]

والله يا اخ عبد الرحمن اخاف انهم مادريو عن المعاملات الي بنبعتها

نور..لسا الين دحين مغلق عندي الاوديوس :(

[rawan22]

انا نفس المشكله رورو

ان شاء الله خير ^^

["~* بيادر *~"]

الله يفرج همك يا رورو والله تستاهلي كل خير بإذن الله تكون المسألة مسألة وقت ويعدلوا لك الوضع ان شاء الله :)
اهم شيئ انتي طمنينا شو يصير معاكي والله ييسرلك ياااارب :)

بس على فكرة هم ليش يعملوا طي قيد!!! يعني بعد كم سنة يصير هذا الشيئ؟؟

[انا رورو انا]

يب اذا تعديتي فترة دراستك وانتي ماخلصتي يسوولك طي قيد ولازم تروحي تطلبيهم تمديد فترة

الله يسهل ويفتحولي هو بكرا قبل لا يغلق عليا الحدف والاضافه من الاوديوس