اختباري في هيئة التخصصات الصحية قسم ادارة مستشفيات

[نونا كيوت]

الاختبار كان ثلاث اقسام صح وخطا وقسم اختياري والقسم الاخير كان مصطلحات انقلش وانتا تعرفها تعريف مو تترجم الكلمه

كان تقريبا 69 سؤال نص الاسئلة من ملزمه ماده سياسات الرعايه الصحيه لحسين برعي وماده التامين الصحي

وكمان جات اسئلة من كتابين مادة ادارة مستشفيات . واهم شي ركزو على المصطلحات في ملخص للاخ مساعد 99 والمصطلحات في المواد الي ذكرتها

وان شاءلله تضمنو النجاح .

أدعولي اني انجح في الإختبار .

[دودي قمر]

اللله يوفقك ياعسل وانا اختباري لسى ماتحدد

[همسة654]

الله يوفقك وتنجحي يارب ايش التعريفات الي جات مافي مصطلحات طبيه ؟

[نونا كيوت]

تسلمي يادودي وان شاءلله اختبارك يكون سهل بالنسبة للمصطلحات جات كتيره يعني لازم تشدي حيلك

الي اتذكره منها . المهندس الطبي - والعناية المركزة - قسم الكبد - قسم الموارد البشريه - قسم بنك الدم - ورقابة المنظمات - الموظفين - القائد - وحدة الامر

ادارة التامين الصحي - ضمان الصحي - وقسم مكافحة العدوى وفي كم سوال عن انواع المستشفيات

[همسة654]

ايش الكتب الي اعتمدي عليها

[نونا كيوت]

ذاكرت من الكتب الي كتبتها فوق وراجعت من بعض الاسئلة الي في المنتدى

همسة انتي فين اختبارك وعندك مقابلة ولا لا ؟؟

[همسة654]

انا بجده تقيم ومقابله قدمت من شهر وشوي للان محد اتصل

[نونا كيوت]

ان شاءلله حيتصلو قريب ذاكري من الي كتبته والمقابلة اهم شي خليكي واثقه من نفسك

[دودي قمر]

يسعدلي قلبك ويارب نعدي

[دودي قمر]

من فين جبتي المصطلحات تقدري تساعدينا وكيف يعني نعرفها مو نكتب الترجمة ولا كيف فكرة المصطلحات مافهمت وضحي اكثر وكيف اسئلة المقابلة افيدينا بالتفصيل الممل ولو في روابط نستفيد كنها الله يسعدك