ادعولي بالصبر

[جنتل الغربية]

ليه يادنيا .. يازمن .. كل شي وله ثمن
حتى أشواقي نسيت .. مدري هي صارت لمن
ليه في عز المحبة .. خذتي مني اللي أحبه
وافترق دربي ودربه .. وليه يادنيا المحبة
من يسليني بيومي .. منهو أحكيله همومي
ليه تبي تزودي .. ليه يادنيا همومي
شاللي سويته بعمري .. ودي أفهم ودي أدري
من سواتك فيني والله .. شيبت والعمرباقي
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
كافي شري وكافي خيري .. حتى مدري وش مصيري
شوفي غيري عذبيه .. ولا هو مافيه غيري
ماشفت بك أي راحة .. مليت وبكل صراحة
أنا أول شخص يتعب .. وتمل منه جراحه
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة

---

[دارس1431]

صحححححححح لسسسسسانك ياخوي
الله يرزقنا وياك بالصبر والسلوان

وتقبل حبي وتقديري


بالتوووووووووووووووفيق للجميع

[جنتل الغربية]

وياك عزيزي يسلموووووووووووو

[معنى الوفاء]

كلمات رائعه جداا
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
واسلوب جميل ومعبر

فالك البيرق



صح لسانك كلمااااااااااااات روعه والمعانى اروع

[أبوسيار]

:هذي الدنيا عجايب في عجايب!!
تنتهي من حزن وتبدى حزن ثاني...!
ياتفرق بين خلان وحبايب...!
عيشها لابد في يوم تعاني..
الحزن همه كما وبل السحايب...!
والسعاده كلها نهب وثواني...
الفرح سطرين والعنوه كتايب!!!
ياكتاب للحزن يحمل معاني....
شف سواياها تخلي الطفل شايب!!
وش بقى ماصار ياقسوة زمااااني!!؟



أبـــــــ ســــيـــــارـــــــو

[أبوسيار]

من بغى الفرقا لقاله عذر واسباب ودليل
خل عنك العذر والاسباب دام الحب ضاع

كان ودك بالفراق ابشر عسى عمرك طويل
لاتردد وانت لك كلمه ولك امراً مطاع

لي عليك انك تبد بكلمتن تشفي الغليل
ولك علي اني لوقف وقفه الرجل الشجاع

لاتجاملني مخافه قال مدري خوف قيل
عمر هرج الناس مايسمن ولا يغني جياع

كان قصدك سر حبك اوعدك لا اصبح بخيل
واحمل اسرارك معي للموت قد المستطاع

بس قلها قل ما احبك وابشر بصبراً جميل
لاتحسبني من مثل من طبعهم لوي الذراع

صاحبك ماهو كذا ياصاحب القد النحيل
صاحبك طبعه غريب وغربه غربه طباع

فالهوى مايقبل الحل الوسط ولا القليل
مثل ماهو لاشرى يشري ولا من باع باع

ثابت لوهي تميل الارض حدرة مايميل
يدري ان الفقر ماهو عيب والدنيا متاع

ماعشق لذة حياة كثر عشق المستحيل
ولا كرة حتى مماته كثر كرة الانصياع

كم تعلم من شديد البدو وش معنى الرحيل
وكم تعلم من غروب الشمس وش معنى الوداع

وكم تعلم من سحاب الصيف وش معنى الحصيل
وكم تعلم من ليالي البرد وش معنى الضياع

ايه انا هذا طريقي موحوش وصعب وطويل
وانت لمنك تعبت العالم فجوجه وساع

اعتبرني في بدايه سكتك عابر سبيل
ورح وانا قلبي معك ومن وين وجهت الشراع

يكفي اني لا ذكرت في سالفه عشاق قيل
عاشر احبابه شجاع وفارق احبابه شجاع


.


للشاعر

فهد مساعد


أبـــــ ســـيــــارــــــو

[Reeman.sh]

صح لسانكم

[أبوصقر]

أسأل الله لك الصبر ولجميع من فارق له حبيب أو قريب
صح لسانكم جميع موفقين

[نورا العتيبي]

قصايد جزله وفالكم البيرق
والله يصبرك اخوي جنتل الغربيه

[neatboy]

اقول خل عنك ها الكلام وصح لسانك